ನಾಯಕ ಪೃಥ್ವಿ ಮಾತನಾಡುತ್ತಾ, ‘ಚಿತ್ರದಲ್ಲಿ ನನ್ನ ಮತ್ತು ಮಿಲನಾ ನಡುವೆ ಮಾತು, ಜಗಳ ಎರಡೂ ಹೆಚ್ಚಿರುತ್ತದೆ. ವಾಹನ, ಜಾಗ ನಮ್ಮದಾಗಬೇಕು ಅಂದರೆ ಅದಕ್ಕೆ ರಿಜಿಸ್ಟ್ರೇಷನ್ ಮಾಡಿಸಬೇಕು. ಹಾಗೆಯೇ ಒಂದು ಸಂಬಂಧ ನಮ್ಮದಾಗಬೇಕು ಅಂದರೆ ಏನು ಮಾಡಬೇಕು ಎಂಬುದೇ ಚಿತ್ರದ ಕಥೆ’ ಎಂದು ಮಾಹಿತಿ ನೀಡಿದರು. ನಂತರ ಮಾತಿಗಿಳಿದ ನಾಯಕಿ ಮಿಲನಾ, ‘ನಾನು ಶೀರ್ಷಿಕೆ ಕೇಳಿಯೇ ಕುತೂಹಲದಿಂದ ಚಿತ್ರವನ್ನು ಒಪ್ಪಿಕೊಂಡೆ. ನಿರ್ದೇಶಕರು, ಶಾಲೆಯಲ್ಲಿ ಮಕ್ಕಳಿಗೆ ಶಿಕ್ಷಕರು ಹೇಗೆ ಪಾಠ ಮಾಡುತ್ತಾರೋ ಅದೇ ರೀತಿ ನನಗೆ ಕಥೆ ಹೇಳಿದರು. ಫೆಬ್ರವರಿ ನನಗೆ ಅದೃಷ್ಟದ ತಿಂಗಳು. ಚಿತ್ರ ಕೂಡ ಅದೇ ತಿಂಗಳು ಬಿಡುಗಡೆಯಾಗುತ್ತಿದೆ’ ಎಂದು ನಕ್ಕರು. ಚಿತ್ರಕ್ಕೆ ಹರೀಶ್ ಸಂಗೀತ, ಮನು ಶೆಡ್ಗಾರ್ ಸಂಕಲನವಿದ್ದು, ನಿಶ್ಚಲ್ ಫಿಲಂಸ್ ಬ್ಯಾನರ್ನಲ್ಲಿ ನವೀನ್ ರಾವ್ ನಿರ್ವಣದಲ್ಲಿ ಮೂಡಿಬಂದಿದೆ. ‘ಫಾರ್ ರಿಜಿಸ್ಟ್ರೇಷನ್’ 2023ರ ಫೆ. 10ರಂದು ಬಿಡುಗಡೆಗೆಯಾಗಲಿದೆ.
