ಮುಂದುವರಿದ ನಿರ್ಮಾಣ; ಪಿಆರ್​ಕೆ ಪ್ರೊಡಕ್ಷನ್ಸ್​ನಿಂದ ಆಚಾರ್ ಆಂಡ್ ಕೋ

ಬೆಂಗಳೂರು: ಪುನೀತ್ ರಾಜಕುಮಾರ್ ನಿಧನದ ಬಳಿಕ ಪಿಆರ್​ಕೆ ಸಂಸ್ಥೆಯಿಂದ ಹೊಸ ಸಿನಿಮಾ ನಿರ್ವಣದ ವಿಚಾರ ಹೊರಬಿದ್ದಿರಲಿಲ್ಲ. ಅಭಿಮಾನಿ ವಲಯದಲ್ಲಿಯೂ ಆ ಕುತೂಹಲ ಇತ್ತಾದರೂ ಯಾವುದೇ ಮಾಹಿತಿ ಲಭ್ಯವಾಗಿರಲಿಲ್ಲ. ಇದೀಗ ಸದ್ದಿಲ್ಲದೆ ಪಿಆರ್​ಕೆಯಿಂದ 10ನೇ ಚಿತ್ರ ನಿರ್ಮಾಣ ಮಾಡುವ ಬಗ್ಗೆ ಅಶ್ವಿನಿ ಪುನೀತ್ ರಾಜಕುಮಾರ್ ಹೇಳಿಕೊಂಡಿದ್ದಾರೆ.

‘ಆಚಾರ್ ಆಂಡ್ ಕೋ’ ಎಂಬ ಹೊಸ ಚಿತ್ರದ ಶೀರ್ಷಿಕೆ ಪೋಸ್ಟರ್ ಸಹ ಅನಾವರಣ ಮಾಡಿದ್ದಾರೆ. ‘ಆಚಾರ್ ಆಂಡ್ ಕೋ’ ಹಲವು ವಿಶೇಷತೆಗಳನ್ನು ಒಳಗೊಂಡ ಸಿನಿಮಾ. ಅದೇನೆಂದರೆ, ಈ ಚಿತ್ರವನ್ನು ಸಿಂಧು ಶ್ರೀನಿವಾಸ ಮೂರ್ತಿ ನಿರ್ದೇಶನ ಮಾಡಿದರೆ, ಬಿಂದು ಮಾಲಿನಿ ಸಂಗೀತ ನಿರ್ದೇಶಕಿಯಾಗಿದ್ದಾರೆ. ಕ್ರಿಯೆಟಿವ್ ನಿರ್ಮಾಪಕಿಯಾಗಿ ಡಾನ್ನಿಲಾ ಕೊರ್ರೆಯಾ, ಸ್ಟೈಲಿಸ್ಟ್ ಇಂಚರ ಸುರೇಶ್ ತಂಡದಲ್ಲಿದ್ದಾರೆ. ಇವರಷ್ಟೇ ಅಲ್ಲದೆ, ಇನ್ನೂ ಹಲವು ಮಹಿಳೆಯರು ಈ ಚಿತ್ರದ ಭಾಗವಾಗಲಿದ್ದಾರಂತೆ.

ಹಾಗಾದರೆ ಏನಿದು ಸಿನಿಮಾ? ಸದ್ಯದ ಮಾಹಿತಿ ಪ್ರಕಾರ 60ರ ದಶಕದಲ್ಲಿನ ಬೆಂಗಳೂರಿನ ಹಿನ್ನೆಲೆಯಲ್ಲಿ ಇಡೀ ಚಿತ್ರ ಸಾಗಲಿದೆ. ತಾರಾಗಣದಲ್ಲಿ ಯಾರೆಲ್ಲ ಇರಲಿದ್ದಾರೆ ಎಂಬುದು ಮುಂದಿನ ದಿನಗಳಲ್ಲಿ ಗೊತ್ತಾಗಲಿದೆ. ಪಿಆರ್​ಕೆ ಜತೆಗೆ ಗುರುದತ್ ತಲ್ವಾರ್ ನಿರ್ವಣದಲ್ಲಿ ಕೈ ಜೋಡಿಸಿದ್ದಾರೆ.

https://www.vijayavani.net/suitcase-containing-20-lakh-rupees-worth-jewellery-was-missing/

https://www.vijayavani.net/lorry-accident-one-person-died-another-two-injured/