ಬೆಂಗಳೂರು: ಕನ್ನಡ, ತೆಲುಗು, ತಮಿಳು, ಬಂಗಾಲಿ, ಒಡಿಯಾ ಜತೆ ನಟಿ ಪ್ರಿಯಾಂಕಾ ಉಪೇಂದ್ರ ಹಿಂದಿ ಚಿತ್ರಗಳಲ್ಲೂ ಅಭಿನಯಿಸಿದ್ದಾರೆ. 1999ರಲ್ಲಿ ತೆರೆಕಂಡಿದ್ದ ‘ಸೌತೇಲಾ’ ಮೂಲಕ ಬಾಲಿವುಡ್ ಡೆಬ್ಯೂ ಮಾಡಿದ್ದ ಅವರು, ‘ಮುಝೆ ಮೇರಿ ಬೀವಿ ಸೇ ಬಚಾವೋ’, ‘ದುರ್ಗಾ’ ಚಿತ್ರಗಳಲ್ಲಿ ನಟಿಸಿದ್ದರು. 2013ರಲ್ಲಿ ರಿಲೀಸ್ ಆಗಿದ್ದ ‘ಎನಿಮಿ’ ಪ್ರಿಯಾಂಕಾ ಕಾಣಿಸಿಕೊಂಡಿದ್ದ ಕೊನೆಯ ಹಿಂದಿ ಸಿನಿಮಾ. ಇದೀಗ 12 ವರ್ಷಗಳ ಬಳಿಕ ಪ್ರಿಯಾಂಕಾ, ಹಿಂದಿ ಚಿತ್ರರಂಗದಲ್ಲಿ ಮತ್ತೆ ಕಮಾಲ್ ಮಾಡಲು ಮುಂದಾಗಿದ್ದಾರೆ. ಹೆಸರು ‘ಸೆಪ್ಟೆಂಬರ್ 21’. ಆಲ್ಝೈಮರ್ ರೋಗಿ ಹಾಗೂ ಆತನ ಆರೈಕೆ ಮಾಡುವ ನರ್ಸ್ ಕಥೆ ಇದಾಗಿದ್ದು, ಇಲ್ಲಿ ಪ್ರಿಯಾಂಕಾ ಶುಶ್ರೂಷಕಿ ಕಮಲಾ ಪಾತ್ರದಲ್ಲಿ ಅಭಿನಯಿಸುತ್ತಿದ್ದಾರೆ.
