'ಆರ್​ಆರ್​ಆರ್​' ಚಿತ್ರದಲ್ಲಿ ಆಲಿಯಾ ಬದಲು ಪ್ರಿಯಾಂಕಾ ನಟಿಸ್ತಾರಾ? ಇಲ್ಲಿದೆ ಉತ್ತರ

'ಆರ್​ಆರ್​ಆರ್' ಚಿತ್ರದಲ್ಲಿ ಬಾಲಿವುಡ್​ ನಟಿ ಆಲಿಯಾ ಭಟ್​ ನಟಿಸುತ್ತಾರೋ, ಇಲ್ಲವೋ ಎಂಬ ಸುದ್ದಿಯೊಂದು ಕಳೆದ ಕೆಲವು ತಿಂಗಳುಗಳಿಂದ ಕೇಳಿ ಬರುತ್ತಲೇ ಇದೆ. ಆದರೆ, ನಿರ್ದೇಶಕ ರಾಜಮೌಳಿ ಮಾತ್ರ, ಆಲಿಯಾ ಯಾವುದೇ ಕಾರಣಕ್ಕೂ ಬದಲಾಗುವುದಿಲ್ಲ ಎಂದು ಸ್ಪಷ್ಟಪಡಿಸಿದ್ದರು.

ಅದರ ನಡುವೆಯೂ, ಇತ್ತೀಚೆಗೆ ಚಿತ್ರದಿಂದ ಆಲಿಯಾ ಔಟ್​ ಆಗಿದ್ದಾರೆ ಮತ್ತು ಆ ಜಾಗಕ್ಕೆ ಪ್ರಿಯಾಂಕಾ ಚೋಪ್ರಾ ಬಂದಿದ್ದಾರೆ ಎಂಬ ಸುದ್ದಿಯೊಂದು ಕೇಳಿ ಬಂದಿತ್ತು. ಅದಕ್ಕೆ ಕಾರಣ, ಆಲಿಯಾ ಅಭಿನಯದ 'ಸಡಕ್​ 2' ಚಿತ್ರಕ್ಕೆ ಪ್ರೇಕ್ಷಕರಿಂದ ಒಂದೇ ಸಮನೆ ಡಿಸ್ಲೈಕ್​ಗಳು ಸಿಕ್ಕಿತ್ತು. ಆಲಿಯಾ ಇರುವುದರಿಂದ ಎಲ್ಲಿ ತಮ್ಮ ಚಿತ್ರಕ್ಕೂ ಅದೇ ಗತಿ ಬರುತ್ತದೋ ಎಂಬ ಕಾರಣಕ್ಕೆ ಆಲಿಯಾ ಅವರಿಗೆ ಗೇಟ್​ ಪಾಸ್​ ನೀಡಲಾಗಿದೆ ಎಂಬ ಸುದ್ದಿ ಕೇಳಿಬಂದಿತ್ತು.

ಇದನ್ನೂ ಓದಿ: ಅಮ್ಮನ ಕನಸನ್ನು ಈಗ ನನಸು ಮಾಡ್ತಿದ್ದಾರಂತೆ ಸೋನು!

ಇನ್ನೊಂದು ಕಡೆ, ಆಲಿಯಾ 'ಬ್ರಹಾಸ್ತ್ರ', 'ತಖ್ತ್​', 'ಗಂಗೂಬಾಯಿ ಕತಿಯಾವಾಡಿ' ಮುಂತಾದ ಚಿತ್ರಗಳಲ್ಲಿ ನಟಿಸುತ್ತಿರುವುದರಿಂದ, 'ಆರ್​ಆರ್​ಆರ್​' ಚಿತ್ರಕ್ಕೆ ಡೇಟ್ಸ್​ ಹೊಂದಿಸುವುದಕ್ಕೆ ಸಾಧ್ಯವಾಗುತ್ತಿಲ್ಲವಂತೆ, ಅದೇ ಕಾರಣಕ್ಕೆ, ಬೇರೆ ನಾಯಕಿಯನ್ನು ನೋಡಿಕೊಳ್ಳಿ ಎಂದು ನಿರ್ದೇಶಕ ರಾಜಮೌಳಿ ಅವರಿಗೆ ಸಂದೇಶ ರವಾನಿಸಿದ್ದಾರೆ ಎಂಬ ಸುದ್ದಿಯೂ ಕೇಳಿ ಬಂದಿತ್ತು.

ಈ ಎಲ್ಲಾ ಕಾರಣಗಳಿಂದಾಗಿ ರಾಜಮೌಳಿ ಇನ್ನೊಬ್ಬ ನಾಯಕಿಯ ಹುಡುಕಾಟದಲ್ಲಿದ್ದಾರೆ ಎಂದು ಹೇಳಲಾಗಿತ್ತು. ಅಷ್ಟೇ ಅಲ್ಲ, ಆಲಿಯಾಗೆ ಪರ್ಯಾಯವಾಗಿ ಪ್ರಿಯಾಂಕಾ ಚೋಪ್ರಾ ಅವರನ್ನು ನಾಯಕಿಯನ್ನಾಗಿ ಮಾಡುವ ಯೋಚನೆ ಅವರ ತಲೆಯಲ್ಲಿದೆ ಎಂಬ ವಿಷಯ ದೊಡ್ಡ ಸುದ್ದಿಯಾಗಿತ್ತು.

ಇದನ್ನೂ ಓದಿ: ಕೋಲುಮಂಡೆ ಸಾಂಗ್​ ವಿವಾದ: ಸ್ಪಷ್ಟನೆ ನೀಡಿ, ಕ್ಷಮೆಯಾಚಿಸಿದ ರ‍್ಯಾಪರ್​ ಚಂದನ್​ ಶೆಟ್ಟಿ!

ಆದರೆ, ಇದೀಗ ಬಂದಿರುವ ಸುದ್ದಿಯ ಪ್ರಕಾರ, 'ಆರ್​ಆರ್​ಆರ್​' ಚಿತ್ರದಲ್ಲಿ ಆಲಿಯಾ ನಟಿಸುವುದು ಪಕ್ಕಾ ಆಗಿದ್ದು, ಬೇರೆ ಯಾವ ನಟಿಯ ಹುಡುಕಾಟದಲ್ಲೂ ಚಿತ್ರತಂಡ ಇಲ್ಲವಂತೆ. ಅಷ್ಟೇ ಅಲ್ಲ, ಆಲಿಯಾ ತಮ್ಮ ಪಾತ್ರಕ್ಕೆ ಸೂಕ್ತ ಸಿದ್ಧತೆಗಳನ್ನು ಮಾಡಿಕೊಳ್ಳುವುದರಲ್ಲಿ ತೊಡಗಿಸಿಕೊಂಡಿದ್ದಾರಂತೆ. ಇನ್ನೊಂದು ಕಡೆ ನಿರ್ದೇಶಕ ರಾಜಮೌಳಿ ಸಹ ಇದೆಲ್ಲಾ ಸುಳ್​​ಸುದ್ದಿ ಮತ್ತು ನಾಯಕಿಯಾಗಿ ಆಲಿಯಾ ಅವರೇ ಕಾಣಿಸಿಕೊಳ್ಳುತ್ತಿದ್ದಾರೆ ಎಂದು ಹೇಳಿದ್ದರೆ ಎನ್ನಲಾಗಿದೆ.

'ಆರ್​ಆರ್​ಆರ್​' ಚಿತ್ರದಲ್ಲಿ ಜ್ಯೂನಿಯರ್​ ಎನ್​.ಟಿ.ಆರ್​ ಮತ್ತು ರಾಮ್​ಚರಣ್​ ತೇಜ ಜತೆಯಾಗಿ ನಟಿಸುತ್ತಿದ್ದು, ಅಜಯ್​ ದೇವಗನ್​ ಸಹ ಒಂದು ವಿಶೇಷ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ಚಿತ್ರದ ಚಿತ್ರೀಕರಣ ಸದ್ಯಕ್ಕೆ ನಿಂತಿದ್ದು, ವರ್ಷಾಂತ್ಯಕ್ಕೆ ಪುನಃ ಪ್ರಾರಂಭವಾಗುವ ಸಾಧ್ಯತೆಗಳಿವೆ.

https://www.vijayavani.net/b-town-girl-koena-mitra-speaks-about-casting-couch/