'ಪದವಿಪೂರ್ವ' ಮೂಲಕ ನನಸಾಯ್ತು ಪೃಥ್ವಿ ಕನಸು ...

ಬೆಂಗಳೂರು: ಯೋಗರಾಜ್​ ಭಟ್​ ಜತೆಗೆ ನಿಂತು ಒಂದು ಫೋಟೋ ತೆಗೆಸಿಕೊಂಡರೆ ಜೀವನ ಧನ್ಯ ಎಂದಾಸೆ ಇತ್ತಂತೆ ಪೃಥ್ವಿ ಶ್ಯಾಮನೂರುಗೆ. ಬರೀ ಫೋಟೋ ತೆಗೆಸಿಕೊಳ್ಳುವುದಷ್ಟೇ ಅಲ್ಲ, ಭಟ್​ ನಿರ್ಮಾಣದ ಹೊಸ ಚಿತ್ರದಲ್ಲಿ ಪೃಥ್ವಿಗೆ ನಟಿಸುವುದಕ್ಕೆ ಅವಕಾಶ ಸಿಕ್ಕಿದೆ. ಅದೇ 'ಪದವಿಪೂರ್ವ'.

ಕೆಲವು ತಿಂಗಳ ಹಿಂದೆ 'ಪದವಿಪೂರ್ವ' ಚಿತ್ರದ ಮುಹೂರ್ತವಾಗಿದ್ದಷ್ಟೇ ಅಲ್ಲ, ಈಗಾಗಲೇ ಮೂರು ಹಂತಗಳ ಚಿತ್ರೀಕರಣ ಸಹ ಮುಗಿದಿದೆ. ಈ ಚಿತ್ರದ ಬಗ್ಗೆ ಸಕತ್​ ಎಕ್ಸೈಟ್​ ಆಗಿರುವ ಪೃಥ್ವಿಗೆ ನಟನಾಗಬೇಕೆಂಬ ಆಸೆ ಬಾಲ್ಯದಿಂದಲೂ ಇತ್ತಂತೆ.

ಇದನ್ನೂ ಓದಿ: ಅಮೆರಿಕಾದಲ್ಲಿ ಯುವಹವಾ; ಭಾರತಕ್ಕಿಂತ ಒಂದು ದಿನ ಮೊದಲೇ ಬಿಡುಗಡೆ

'ನಾನು ಎರಡನೇ ಕ್ಲಾಸಿನಲ್ಲಿರುವಾಗಿನಿಂದ ನಟನಾಗಬೇಕು ಎಂಬ ಆಸೆ ಇತ್ತು. ಬಾಲನಟನಾಗಿ ಗುರುತಿಸಿಕೊಳ್ಳಬೇಕು ಎಂದು ಒಂದಿಷ್ಟು ಚಿತ್ರಗಳಲ್ಲಿ ಆಡಿಷನ್​ ಸಹ ಕೊಟ್ಟೆ. ಆದರೆ, ಚಿಕ್ಕಂದಿನಿಂದಲೂ ನಾನು ಬಹಳ ಉದ್ದ ಇದ್ದೆ. ಪಾತ್ರಕ್ಕೆ ಉದ್ದ ಎಂಬ ಕಾರಣಕ್ಕೆ ನನಗೆ ಬಾಲನಟನಾಗಿ ಅವಕಾಶಗಳು ಸಿಗುತ್ತಿರಲಿಲ್ಲ. ಕೊನೆಗೆ ಪಿಯುಸಿಗೆ ಬಂದ ಮೇಲೆ ಮಾಡಲಿಂಗ್​ ಮಾಡಿದೆ. ಯೋಗರಾಜ್​ ಭಟ್​ ಅವರು ತಮ್ಮ ಹೊಸ ಚಿತ್ರಕ್ಕೆ ಹೀರೋ ಹುಡುಕುತ್ತಿದ್ದಾರೆ ಎಂದು ಗೊತ್ತಾಯಿತು. ಆಡಿಷನ್​ನಲ್ಲಿ ಭಾಗವಹಿಸಿದೆ. ಈ ಚಿತ್ರದಲ್ಲಿ ನಟಿಸುವ ಅವಕಾಶ ಸಿಕ್ಕಿತು' ಎನ್ನುತ್ತಾರೆ ಪೃಥ್ವಿ.

ಚಿತ್ರದಲ್ಲಿ ನಟಿಸುವುದಕ್ಕಿಂತ ಮುನ್ನ ಪೃಥ್ವಿ ಸ್ವಲ್ಪ ನರ್ವಸ್​ ಆಗಿದ್ದರಂತೆ. ವರ್ಕ್​ಶಾಪ್​ನಲ್ಲಿ ಭಾಗವಹಿಸಿದ ನಂತರ ಸುಲಭವಾಯಿತಂತೆ. 'ನಿಜ ಹೇಳಬೇಕೆಂದರೆ, ಕ್ಯಾಮೆರಾ ಫೇಸ್​ ಮಾಡಿದಾಗ ಏನೂ ಅನಿಸಲಿಲ್ಲ. ಯೋಗರಾಜ್​ ಭಟ್​ ಅವರು ಸಾಕಷ್ಟು ಇನ್​ಪುಟ್ಸ್​ ಕೊಟ್ಟಿದ್ದರು. ಇನ್ನು, ನಮ್ಮ ಛಾಯಾಗ್ರಾಹಕ ಸಂತೋಷ್​ ರೈ ಪಾತಾಜೆ, ನಿರ್ದೇಶಕರಾದ ಹರಿಪ್ರಸಾದ್​ ಸಾಕಷ್ಟು ತಿದ್ದಿದರು. ಅವರೆಲ್ಲರ ಸಹಾಯದಿಂದ ಚೆನ್ನಾಗಿ ನಟಿಸುವ ಪ್ರಯತ್ನ ಮಾಡಿದ್ದೇನೆ' ಎನ್ನುತ್ತಾರೆ ಪೃಥ್ವಿ.

ಇದನ್ನೂ ಓದಿ: ವ್ಯಸನಗಳ ವಿರುದ್ಧ ಪ್ರಿಯಾಂಕಾ ಉಗ್ರಾವತಾರ

'ಪದವಿಪೂರ್ವ' ನಂತರ ಮುಂದೇನು? ಎಂದರೆ, ಸದ್ಯಕ್ಕೆ ಕಾದು ನೋಡುವುದಾಗಿ ಹೇಳುತ್ತಾರೆ ಪೃಥ್ವಿ. 'ಚಿತ್ರ ಇದೀಗ ಮುಕ್ತಾಯದ ಹಂತಕ್ಕೆ ಬಂದಿದೆ. ಈ ಚಿತ್ರ ಮುಗಿಸಿ ಭವಿಷ್ಯದ ಬಗ್ಗೆ ಯೋಚಿಸುತ್ತೇನೆ. ಹೀರೋ ಆಗಿ ನಟಿಸಬೇಕೆಂಬ ಆಸೆ ಈ ಚಿತ್ರದ ಮೂಲಕ ಈಡೇರಿದೆ' ಎಂದು ಖುಷಿಯಾಗುತ್ತಾರೆ ಪೃಥ್ವಿ.

ಈ ಚಿತ್ರದಲ್ಲಿ ಪೃಥ್ವಿಗೆ ನಾಯಕಿಯರಾಗಿ ಅಂಜಲಿ ಅನೀಶ್​ ಮತ್ತು ಯಶಾ ಶಿವಕುಮಾರ್​ ನಟಿಸಿದ್ದು, 'ರಾಮಾ ರಾಮಾ ರೇ' ಖ್ಯಾತಿಯ ಅನೀಶ್​ ಪ್ರಮುಖ ಪಾತ್ರದಲ್ಲಿ ಅಭಿನಯಿಸಿರುವುದು ವಿಶೇಷ.

https://www.vijayavani.net/chaitra-kottur-and-nagarjun-wedding-case/