ಪ್ಲೀಸ್​ ನನ್ನ ವಿಡಿಯೋ ಮಾತ್ರ ಬಳಸಬೇಡಿ… ಪರಿಪರಿಯಾಗಿ ಬೇಡಿಕೊಂಡ ನಟಿ ರಶ್ಮಿ ಗೌತಮ್​! Rashmi Gautham

ಹೈದರಾಬಾದ್​: ಟಾಲಿವುಡ್ ( Tollywood )​ ಕಿರುತೆರೆ ಲೋಕದಲ್ಲಿ ನಿರೂಪಕಿ ಹಾಗೂ ನಟಿ ರಶ್ಮಿ ಗೌತಮ್ ( Rashmi Gautham )​ ಅವರಿಗೆ ಸಖತ್​ ಕ್ರೇಜ್​ ಇದೆ. ತಮ್ಮ ಸೌಂದರ್ಯ, ನಟನೆ ಮತ್ತು ಆಕರ್ಷಕ ಮಾತುಗಳಿಂದ ಪ್ರೇಕ್ಷಕರನ್ನು ಸೆಳೆಯುತ್ತಾರೆ. ರಶ್ಮಿ ಅವರು ಜನಪ್ರಿಯ ರಿಯಾಲಿಟಿ ಶೋ ಜಬರ್ದಸ್ತ್ ಕಾರ್ಯಕ್ರಮದ ಮೂಲಕ ಜನಪ್ರಿಯ ಆ್ಯಂಕರ್ ಆಗಿ ಖ್ಯಾತಿ ಪಡೆದರು. ಅಲ್ಲದೆ, ಹಲವು ಸಿನಿಮಾಗಳಲ್ಲಿ ಅವಕಾಶಗಳನ್ನು ಗಿಟ್ಟಿಸಿಕೊಂಡರು.

ಪ್ರಸ್ತುತ ರಶ್ಮಿ ಗೌತಮ್​ ಅವರು ಕಿರುತೆರೆಯಲ್ಲಿ ಅನೇಕ ಕಾರ್ಯಕ್ರಮಗಳನ್ನು ನಿರೂಪಣೆ ಮಾಡುತ್ತಿದ್ದಾರೆ. ಇನ್ನೊಂದೆಡೆ ಕಾಲಕಾಲಕ್ಕೆ ಸಿನಿಮಾಗಳಲ್ಲೂ ನಟಿಸುತ್ತಿದ್ದಾರೆ. ಇದರ ನಡುವೆ ಇತ್ತೀಚೆಗೆ ರಶ್ಮಿ ಮಾಡಿರುವ ಪೋಸ್ಟ್ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.

ಇದನ್ನೂ ಓದಿ: ಬಡವರಿಗೆ ಲಕ್ಷ ಲಕ್ಷ ಹಣ ಹಂಚುತ್ತಿದ್ದ ಹರ್ಷ ಸಾಯಿ ಇಂಥಾ ನೀಚ ಕೆಲಸ ಮಾಡಿದ್ರಾ? ಸ್ಫೋಟಕ ವಿಡಿಯೋ ವೈರಲ್​ | Harsha Sai

ರಶ್ಮಿ ಗೌತಮ್ ಈ ಹಿಂದೆ ಸಂದರ್ಶನವೊಂದರಲ್ಲಿ ಕಾಸ್ಟಿಂಗ್ ಕೌಚ್ ( Casting couch ) ಬಗ್ಗೆ ಮಾತನಾಡಿದ್ದರು. ಸದ್ಯ ಖ್ಯಾತ ನೃತ್ಯ ನಿರ್ದೇಶಕ ಜಾನಿ ಮಾಸ್ಟರ್ ವಿರುದ್ಧ ಅತ್ಯಾಚಾರ ಪ್ರಕರಣ ದಾಖಲಾಗಿದ್ದು, ಬಂಧನವಾಗಿರುವ ಸುದ್ದಿ ಟಾಲಿವುಡ್​ನಲ್ಲಿ ಭಾರಿ ಸಂಚಲನ ಮೂಡಿಸಿದೆ. ಇದೇ ಸಂದರ್ಭದಲ್ಲಿ ರಶ್ಮಿ ಅವರ ಹಳೆಯ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ಈ ವಿಡಿಯೋವನ್ನು ರಶ್ಮಿ ಅವರು ತಮ್ಮ ಎಕ್ಸ್​ ಖಾತೆಯಲ್ಲಿ ಇತ್ತೀಚೆಗಷ್ಟೇ ಹಂಚಿಕೊಂಡು ಮನವಿಯೊಂದನ್ನು ಮಾಡಿಕೊಂಡಿದ್ದಾರೆ.

2020ರಲ್ಲಿ ಮಾತನಾಡಿರುವ ವಿಡಿಯೋ ಇದಾಗಿದ್ದು, ದಯವಿಟ್ಟು ಆ ವೀಡಿಯೊವನ್ನು ಈಗ ಬಳಸಬೇಡಿ ಎಂದು ರಶ್ಮಿ ಕೇಳಿಕೊಂಡಿದ್ದಾರೆ. ಅಪ್ರಾಪ್ತರ ಮೇಲೆ ಅತ್ಯಾಚಾರವೆಸಗುವುದು ಬೇರೆ, ಕಾಸ್ಟಿಂಗ್ ಕೌಚ್ ಬೇರೆ. 2020ರ ಮೊದಲು ನೀಡಿದ ಸಂದರ್ಶನದಲ್ಲಿ ನಾನು ಕಾಸ್ಟಿಂಗ್ ಕೌಚ್ ಬಗ್ಗೆ ಮಾತನಾಡಿದ್ದೆ. ದಯವಿಟ್ಟು ಈಗ ಆ ವೀಡಿಯೊವನ್ನು ಬಳಸಬೇಡಿ ಮತ್ತು ಜನರನ್ನು ದಾರಿ ತಪ್ಪಿಸಬೇಡಿ. ಕೆಲಸದ ಸ್ಥಳಗಳು ಸುರಕ್ಷಿತವಾಗಿರಬೇಕು. ಕಾಸ್ಟಿಂಗ್​ ಕೌಚ್​ ಅನ್ನು ಮಹಿಳೆ ಒಪ್ಪದಿದ್ದಾಗ ಆಕೆಯ ಅಭಿಪ್ರಾಯವನ್ನು ಗೌರವಿಸಬೇಕು ಎಂದು ರಶ್ಮಿ ಹೇಳಿದ್ದಾರೆ.

ರಶ್ಮಿ ಅವರು ಕಿರುತೆರೆಯಲ್ಲಿ ಜನಪ್ರಿಯರಾದರೂ ಬೆಳ್ಳಿತೆರೆಯಲ್ಲಿ ಅದೃಷ್ಟ ಬರುತ್ತಿಲ್ಲ. ಗುಂಟೂರು ಟಾಕೀಸ್ ಯಶಸ್ಸು ಕಂಡರೂ ಆ ನಂತರ ಬಂದ ತನು ನಾನಂತ, ಅಂತಂ, ಅಂತಕುಮ ಚಿತ್ರಗಳು ಅಷ್ಟಾಗಿ ವರ್ಕೌಟ್ ಆಗಲಿಲ್ಲ. ಹಾಗಾಗಿ ಟಿವಿ ಶೋಗಳ ಮೇಲೆ ಮಾತ್ರ ಗಮನ ಹರಿಸಿದ್ದಾರೆ. (ಏಜೆನ್ಸೀಸ್​)

https://www.vijayavani.net/rashmi-gautams-post-on-adultery-going-viral

https://www.vijayavani.net/a-netizen-who-wants-to-hit-anchor-rashmi-with-a-sandal-replied