ಬೆಂಗಳೂರು: ‘ರಾಜಸ್ಥಾನ್ ಡೈರೀಸ್’ ಚಿತ್ರದ ಮೂಲಕ ಚಿತ್ರರಂಗಕ್ಕೆ ಎಂಟ್ರಿ ಕೊಟ್ಟ ನಟ ಶಶಿಕುಮಾರ್ ಮತ್ತು ನಟಿ-ನಿರ್ದೇಶಕಿ ನಂದಿತಾ ಅವರ ಮಗ ಸುಮುಖ, ಇದೀಗ 2ನೇ ಚಿತ್ರದಲ್ಲಿ ಬರೀ ಹೀರೋ ಅಷ್ಟೇ ಅಲ್ಲ, ನಿರ್ದೇಶಕರಾಗಿಯೂ ಭಡ್ತಿ ಪಡೆದಿದ್ದಾರೆ. ಸುಮುಖ, ‘ಫಿಸಿಕ್ಸ್ ಟೀಚರ್’ ಎಂಬ ಚಿತ್ರ ಮಾಡುತ್ತಿದ್ದು, ಸದ್ಯದಲ್ಲೇ ಚಿತ್ರೀಕರಣ ಶುರುವಾಗಲಿದೆ. ಹೆಸರೇ ಹೇಳುವಂತೆ ಇದೊಬ್ಬ ಫಿಸಿಕ್ಸ್ ಟೀಚರ್ ಸುತ್ತ ಸುತ್ತುತ್ತದೆ. ವಿಶೇಷವೆಂದರೆ, ಈ ಚಿತ್ರವು ಮೂರು ಲೊಕೇಶನ್ಗಳಲ್ಲಿ, ನಾಲ್ಕು ಪ್ರಮುಖ ಪಾತ್ರಗಳ ಸುತ್ತ ನಡೆಯುತ್ತದಂತೆ. ಸುಮುಖಗೆ ನಾಯಕಿಯಾಗಿ ‘ಚೂರಿಕಟ್ಟೆ’, ‘ಕರಾಲಿ’ ಮುಂತಾದ ಚಿತ್ರಗಳಲ್ಲಿ ನಟಿಸಿರುವ ಪ್ರೇರಣಾ ಕಂಬಂ ನಟಿಸಿದರೆ, ಮಂಡ್ಯ ರಮೇಶ್ ಮತ್ತು ರಾಜೇಶ್ ನಟರಂಗ ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ.
