ಮೆಹಂದಿ ಫೋಟೋ ಹಂಚಿಕೊಂಡ ಕಾಜಲ್​ ಅಗರ್​ವಾಲ್​ ...

ಮುಂಬೈ: ಪ್ಯಾನ್​ ಇಂಡಿಯಾ ಆಗಿ ಗುರುತಿಸಿಕೊಂಡಿರುವ ಕಾಜಲ್​ ಅಗರ್​ವಾಲ್​, ನಾಳೆ ಅಕ್ಟೋಬರ್​ 30ರಂದು ಗೌತಮ್​ ಕಿಚ್ಲು ಜತೆಗೆ ಮುಂಬೈನಲ್ಲಿ ಮದುವೆಯಾಗುತ್ತಿರುವ ವಿಷತ ಹೊಸದೇನಲ್ಲ. ಈಗಾಗಲೇ ಕಾಜಲ್​, ತಾವು ಮದುವೆಯಾಗುತ್ತಿರುವ ವಿಷಯವನ್ನು ಅಭಿಮಾನಿಗಳ ಜತೆಗೆ ಸೋಷಿಯಲ್​ ಮೀಡಿಯಾದಲ್ಲಿ ಹಂಚಿಕೊಂಡಿದ್ದರು.

ಇದನ್ನೂ ಓದಿ: ಡಬ್ಬಿಂಗ್ ಮುಗಿಸಿದ ‘ಅರ್ಜುನ್ ಗೌಡ’ … ಬಿಡುಗಡೆ ಯಾವಾಗ?

ಇದೀಗ, ಮದುವೆಯ ಕೆಲಸಗಳು ಭರದಿಂದ ಸಾಗಿದ್ದು, ಕಾಜಲ್​ ಮತ್ತು ಗೌತಮ್​ ಇಬ್ಬರೂ ಕೆಲವು ಫೋಟೋಗಳನ್ನು ಇನ್​ಸ್ಟಾಗ್ರಾಂ ಮೂಲಕ ಹಂಚಿಕೊಂಡಿದ್ದಾರೆ. ಅದರಲ್ಲೂ ಕಾಜಲ್​, ಮೆಹಂದಿ ಕಾರ್ಯಕ್ರಮದ ಕೆಲವು ಫೋಟೋಗಳನ್ನು ಹಂಚಿಕೊಂಡಿದ್ದಾರೆ.

ಈ ಫೋಟೋದಲ್ಲಿ ಕಾಜಲ್​ ಒಂದು ಕೈಯನ್ನು ಮೇಲಕ್ಕೆ ಎತ್ತಿದ್ದು, ಇನ್ನೊಂದು ಕೈಯನ್ನು ಫೋಟೋಗೆ ಅಡ್ಡವಾಗಿ ಹಿಡಿದಿದ್ದಾರೆ.ಈ ಫೋಟೋಗಳು ಸೋಷಿಯಲ್​ ಮೀಡಿಯಾದಲ್ಲಿ ಸಾಕಷ್ಟು ವೈರಲ್​ ಆಗಿವೆ.

ಮುಂಬೈನ ದೊಡ್ಡ ಬ್ಯುಸಿನೆಸ್​ಮ್ಯಾನ್​ ಒಬ್ಬರನ್ನು ಕಾಜಲ್​ ಮದುವೆಯಾಗುತ್ತಿದ್ದಾರೆ ಎಂಬ ಸುದ್ದಿ ಕೆಲವು ತಿಂಗಳುಗಳಿಂದ ಕೇಳಿ ಬರುತ್ತಲೇ ಇತ್ತು. ಈ ತಿಂಗಳ ಆರಂಭದಲ್ಲಿ ಕಾಜಲ್​, ಗೌತಮ್​ ಎನ್ನುವವರನ್ನು ಮದುವೆಯಾಗುತ್ತಿದ್ದಾರೆ ಮತ್ತು ಅವರಿಬ್ಬರ ಎಂಗೇಜ್​ಮೆಂಟ್​ ಇತ್ತೀಚೆಗಷ್ಟೇ ನಡೆದಿದೆ ಎಂಬ ಸುದ್ದಿಯೊಂದು ಕೇಳಿ ಬಂದಿತ್ತು. ಅದಕ್ಕೆ ಸರಿಯಾಗಿ, ಕಾಜಲ್​ ತಾವು ಮದುವೆಯಾಗುತ್ತಿರುವ ವಿಷಯವನ್ನು ಅಧಿಕೃತವಾಗಿ ಘೋಷಿಸಿದ್ದರು.

ಇದನ್ನೂ ಓದಿ: ‘ಡಾರ್ಕ್​ ಫ್ಯಾಂಟಸಿ’ ಮೂಲಕ ವಾಪಸ್ಸಾದ ಬಾಲರಾಜ್​!

'ಮಗಧೀರ', 'ಸಿಂಗಂ', 'ಸ್ಪೆಷಲ್​ 26' ಸೇರಿದಂತೆ ಕೆಲವು ಸೂಪರ್​ ಹಿಟ್​ ಚಿತ್ರಗಳಲ್ಲಿ ನಟಿಸಿರುವ ಕಾಜಲ್​, ಇದೀಗ 'ಇಂಡಿಯನ್​ 2', 'ಮುಂಬೈ ಸಾಗಾ', 'ಮೋಸಗಾಳ್ಳು' ಸೇರಿದಂತೆ ಹಲವು ಚಿತ್ರಗಳಲ್ಲಿ ನಟಿಸುತ್ತಿದ್ದಾರೆ.

https://www.vijayavani.net/salman-khans-next-film-antim/