ಒಟಿಟಿಗೆ ಕಾಲಿಟ್ಟ ರಾಮ್​​ಚರಣ್​​​​, ಜಾನ್ವಿ ನಟನೆಯ ಪೆದ್ದಿ ಸಿನಿಮಾ; ಎಂದು, ಎಲ್ಲಿ ನೋಡಬಹುದು?.. Peddi

ನೆಟ್‌ಫ್ಲಿಕ್ಸ್ ಸಂಸ್ಥೆಯು ತನ್ನ ಎಕ್ಸ್​ನಲ್ಲಿ ಮಾಹಿತಿ ಹಂಚಿಕೊಂಡಿದ್ದು, ಬುಚಿ ಬಾಬು ಸನಾ ನಿರ್ದೇಶನದ ಟಾಲಿವುಡ್​ ಖ್ಯಾತ ನಟ ರಾಮಚರಣ್​ ನಟನೆಯ ಪೆದ್ದಿ ಸಿನಿಮಾ ಜುಲೈ 9 ರಿಂದ ನೆಟ್‌ಫ್ಲಿಕ್ಸ್‌ನಲ್ಲಿ ಸ್ಟ್ರೀಮಿಂಗ್ ಆಗಲಿದೆ. “ಆಟ ಬದಲಾಗಬಹುದು, ಆದರೆ ನಾಯಕ ಬದಲಾಗೋದಿಲ್ಲ ಎಂದು ಶೀರ್ಷಿಕೆ ಬರೆದುಕೊಂಡಿದೆ.

ತೆಲುಗು, ತಮಿಳು, ಮಲಯಾಳಂ ಜೊತೆಗೆ ಕನ್ನಡ ಭಾಷೆಯಲ್ಲೂ ಪೆದ್ದಿ ಸಿನಿಮಾವನ್ನು ನೋಡಬಹುದು. ಜೊತೆಗೆ ಹಿಂದಿ ಆವೃತ್ತಿಯು ಶೀಘ್ರದಲ್ಲೇ ಇದೇ ವೇದಿಕೆಯಲ್ಲಿ ಬಿಡುಗಡೆಯಾಗಲಿದೆ ಎಂದು ತಿಳಿಸಲಾಗಿದೆ.

ಜಾನ್ವಿ ಕಪೂರ್​​ ಈ ಸಿನಿಮಾದಲ್ಲಿ 'ಅಚ್ಚಿಯಮ್ಮ' ಎಂಬ ಪಾತ್ರವನ್ನು ನಿರ್ವಹಿಸಿದ್ದರು. ಸಿನಿಮಾದ ನಾಯಕಿಯಾಗಿ ಆಯ್ಕೆ ಮಾಡಿಕೊಳ್ಳುವ ಬದಲಾಗಿ ಅವರನ್ನು ಐಟಂ ಗರ್ಲ್​​ನಂತೆ ತೋರಿಸಲಾಗಿದೆ. ಜಾನ್ವಿ ಕಪೂರ್ ಅವರ ಪಾತ್ರವನ್ನು ಮಿತಿಮೀರಿ ಬೋಲ್ಡ್ ಆಗಿ ತೋರಿಸಲಾಗಿದೆ ಮತ್ತು ಅವರ ಪಾತ್ರಕ್ಕೆ ಪ್ರಾಮುಖ್ಯತೆ ಇಲ್ಲ ಎಂದು ಪ್ರೇಕ್ಷಕರಿಂದ ತೀವ್ರ ಆಕ್ಷೇಪ ವ್ಯಕ್ತವಾಗಿತ್ತು. ಹಾಡೊಂದರಲ್ಲಿ ಅವರ ಕಣ್ಣಿನ ಬಗ್ಗೆ ನಾಯಕ ವಿವರಿಸಿದರೆ, ಕ್ಯಾಮೆರಾ ಮತ್ಯಾವುದನ್ನೋ ತೋರಿಸುತ್ತದೆ ಎಂದು ಕಿಡಿಕಾರಿದ್ದರು. ಆರೋಪ, ಆಕ್ಷೇಪ ಕೇಳಿ ಬಂದ ದೃಶ್ಯಗಳಿಗೆ ನಿರ್ದೇಶಕ ಬುಚ್ಚಿಬಾಬು ಸನಾ ಕತ್ತರಿ ಹಾಕಿಸಿದ್ದರು.

ಈ ಚಿತ್ರದಲ್ಲಿ ರಾಮ್ ಚರಣ್ ಮತ್ತು ಜಾನ್ವಿ ಕಪೂರ್ ಮುಖ್ಯ ಭೂಮಿಕೆಯಲ್ಲಿದ್ದರೆ, ಕನ್ನಡದ ಹೆಮ್ಮೆಯ ನಟ ಕರುನಾಡ ಚಕ್ರವರ್ತಿ ಶಿವರಾಜ್‌ಕುಮಾರ್, ಜಗಪತಿ ಬಾಬು, ದಿವ್ಯೇಂದು, ಬೊಮ್ಮನ್ ಇರಾನಿ, ರವಿ ಕಿಶನ್, ವಿಜಿ ಚಂದ್ರಶೇಖರ್ ಸೇರಿದಂತೆ ದೊಡ್ಡ ತಾರಾಗಣವೇ ಇದೆ, (ಏಜೆನ್ಸೀಸ್).