ಆರು ಚಿತ್ರಗಳಲ್ಲಿ ನಟನೆ: ‘ರುದ್ರಿ’ ಚಿತ್ರವಲ್ಲದೆ, ಪಾವನಾ ಅಭಿನಯದ ‘ಮೈಸೂರು ಡೈರೀಸ್’ ಚಿತ್ರ ಸಹ ಬಿಡುಗಡೆಗೆ ಸಿದ್ಧವಾಗಿದೆಯಂತೆ. ‘ಆ ಎರಡೂ ಚಿತ್ರಗಳು ಬ್ಯಾಕ್ ಟು ಬ್ಯಾಕ್ ಬಿಡುಗಡೆಯಾಗಬೇಕಿತ್ತು. ಇದಲ್ಲದೆ ‘ಕಲಿವೀರ’ ಮತ್ತು ‘ತೂತುಮಡಿಕೆ’ ಚಿತ್ರಗಳ ಕೆಲಸ ಮುಗಿದಿತ್ತು. ಲಾಕ್ಡೌನ್ ಇಲ್ಲದಿದ್ದರೆ, ಇಷ್ಟರಲ್ಲಿ ಆ ನಾಲ್ಕೂ ಚಿತ್ರಗಳು ಬಿಡುಗಡೆಯಾಗುತ್ತಿದ್ದವೇನೋ’ ಎಂದು ಪಾವನಾಗೂ ಅನಿಸಿದ್ದಿದೆ. ಆತ್ಮವಿಶ್ವಾಸ ಹೆಚ್ಚಿಸುತ್ತದೆ: ಈ ನಾಲ್ಕರ ಜತೆಗೆ, ‘ಮೆಹಬೂಬಾ’ ಮತ್ತು ‘ಫೈಟರ್’ ಚಿತ್ರಗಳಲ್ಲೂ ನಟಿಸಿರುವ ಅವರು, ಚಿತ್ರದ ಬಹುತೇಕ ಚಿತ್ರೀಕರಣ ಮುಗಿಸಿದ್ದಾರಂತೆ. ‘ಎರಡೂ ಚಿತ್ರಗಳ ಹಾಡುಗಳ ಚಿತ್ರೀಕರಣ ಮಾತ್ರ ಬಾಕಿ ಇದೆ. ಕರೊನಾದಿಂದ ಚಿತ್ರಗಳು ನಿಧಾನವಾಗುತ್ತಿವೆ ಎನ್ನುವುದರ ಜತೆಗೆ, ಇದು ಎಲ್ಲರ ಅಸ್ತಿತ್ವದ ಪ್ರಶ್ನೆ. ಎಲ್ಲರೂ ತಮ್ಮದೇ ರೀತಿಯಲ್ಲಿ ಕಷ್ಟ ಅನುಭವಿಸುತ್ತಿದ್ದಾರೆ ಮತ್ತು ಮುಂದೇನು ಎಂದು ಯೋಚನೆ ಮಾಡಿದರೆ ಭಯವಾಗುತ್ತದೆ. ಅದರ ಮಧ್ಯೆಯೇ ಪ್ರಶಸ್ತಿ ಸಿಕ್ಕ ವಿಚಾರ ಖುಷಿ ಕೊಡುವುದಷ್ಟೇ ಅಲ್ಲ, ಆತ್ಮವಿಶ್ವಾಸ ಸಹ ಹೆಚ್ಚಿಸುತ್ತದೆ’ ಎಂದು ಮಾತು ಮುಗಿಸಿದರು ಪಾವನಾ.
