ಲಾಭ ಬಂದ್ರೆ ಸಿನ್ಮಾದವ್ರು ನಿಮ್ಗೇನಾದ್ರೂ ಕೊಡ್ತಾರಾ? ಪಂಕಜ್​ ಹೀಗೆ ಕೇಳಿದ್ದು ಯಾಕೆ?

ಭಾರತದಲ್ಲಿ ಸಿನಿಮಾ ಬಗ್ಗೆ ಜನರಲ್ಲಿ ವಿಪರೀತ ಎನ್ನುವಷ್ಟು ಕ್ರೇಜ್​ ಜನರಲ್ಲಿ ಇದೆ. ಒಂದು ಚಿತ್ರದ ಬಜೆಟ್​ ಎಷ್ಟು, ಅದರ ಕಲೆಕ್ಷನ್​ ಎಷ್ಟು ಎಂದು ಸಿಕ್ಕಾಪಟ್ಟೆ ತಲೆಕೆಡಿಸಿಕೊಳ್ಳುವ ಸಾಕಷ್ಟು ಯುವಕರು ನಮ್ಮಲ್ಲಿದ್ದಾರೆ.

ಇದನ್ನೂ ಓದಿ: ನಗ್ನ ಸ್ಥಿತಿಯಲ್ಲಿ ದಿಶಾ ಶವ ಪತ್ತೆಯಾಗಿತ್ತಾ? ಸಾಕ್ಷಿ ಇದೆ ಎಂದು ಮುಂಬೈ ಪೊಲೀಸರು ಹೇಳಿದ್ಯಾಕೆ?

ಸಿನಿಮಾ ಬಗ್ಗೆ ಜನರಲ್ಲಿ ಇರುವ ಆಸಕ್ತಿ ಮತ್ತು ಕುತೂಹಲದ ಬಗ್ಗೆ ನಟ ಪಂಕಜ್​ ತ್ರಿಪಾಠಿ ಮಾತನಾಡಿದ್ದಾರೆ. ಅದರಲ್ಲೂ ಯುವಕರಿಗಿರುವ ಸಿನಿಮಾ ಕ್ರೇಜ್​ ಬಗ್ಗೆ ಮಾತನಾಡಿರುವ ಅವರು, ಸಿನಿಮಾಗಿಂಥ ಯೋಚಿಸಬೇಕಾದ ಹಲವು ವಿಷಯಗಳು ನಮ್ಮಲ್ಲಿವೆ ಎಂದು ಹೇಳಿದ್ದಾರೆ.

ಇತ್ತೀಚೆಗೆ ಸಂದರ್ಶನವೊಂದರಲ್ಲಿ ಮಾತನಾಡಿರುವ ಅವರು, 'ಜನ ಸಾಮಾನ್ಯರು ಸಿನಿಮಾಗಿಂತ ಹೆಚ್ಚಾಗಿ ಶಿಕ್ಷಣಕ್ಕೆ ಮತ್ತು ವೈದ್ಯಕೀಯ ವ್ಯವಸ್ಥೆಗೆ ಎಷ್ಟು ಬಜೆಟ್​ ಇಟ್ಟಿದ್ದಾರೆ ಎಂದು ತಲೆ ಕೆಡಿಸಿಕೊಳ್ಳಬೇಕು. ಸರ್ಕಾರದ ನೀತಿಗಳ ಬಗ್ಗೆ ಅವರಿಗೆ ಗೊತ್ತಿರಬೇಕು. ಸರ್ಕಾರ ತಮ್ಮ ಜಿಲ್ಲೆಯ ಶಿಕ್ಷಣ ಮತ್ತು ವೈದ್ಯಕೀಯ ವ್ಯವಸ್ಥೆಗೆ ಎಷ್ಟು ಬಜೆಟ್​ ಮೀಸಲಿಟ್ಟಿದೆ ಎಂಬುದರ ಬಗ್ಗೆ ಗಮನ ಇರಬೇಕು' ಎಂದು ಅವರು ಹೇಳಿದ್ದಾರೆ.

ಜನ ಯಾಕೆ ಒಂದು ಸಿನಿಮಾದ ಬಗ್ಗೆ ಅಷ್ಟೊಂದು ತಲೆ ಕೆಡಿಸಿಕೊಳ್ಳುತ್ತಾರೆ ಎನ್ನುವ ಅವರು, 'ಜನ ಯಾಕೆ ಸಿನಿಮಾದ ಬಜೆಟ್​ ಮತ್ತು ಅದರ ಕಲೆಕ್ಷನ್​ ಬಗ್ಗೆ ತಲೆ ಕೆಡಿಸಿಕೊಳ್ಳುತ್ತಾರೆ ಎನ್ನುವುದುದೇ ಗೊತ್ತಾಗುವುದಿಲ್ಲ. ಬಜೆಟ್​ ಎಷ್ಟೇ ಇರಲಿ, ಜನ ಕೊಡಬೇಕಿಲ್ಲ. ಲಾಭ ಬಂದರೆ ಸಿನಿಮಾದವರು ಜನರಿಗೆ ಕೊಡುವುದಿಲ್ಲ. ಹಾಗಿರುವಾಗ ಆ ಕಲೆಕ್ಷನ್​ ಬಗ್ಗೆ ಯಾಕೆ ಅಷ್ಟೊಂದು ಯೋಚನೆ ಮಾಡ್ತೀರಾ? ಇಷ್ಟಕ್ಕೂ ಒಂದು ಸಿನಿಮಾದಲ್ಲಿ ದುಡ್ಡು ಬಂದ್ರೆ ನಿಮಗೇನಾದರೂ ಶೇರ್​ ಸಿಗುತ್ತದಾ' ಎಂದು ಪ್ರಶ್ನೆ ಹಾಕಿದ್ದಾರೆ.

ಇದನ್ನೂ ಓದಿ: ಸುಶಾಂತ್​ ತಂದೆ ಕೆಕೆ ಸಿಂಗ್, ಹರಿಯಾಣ ಸಿಎಂ ಅವರನ್ನು ಭೇಟಿ ಮಾಡಿದ ಉದ್ದೇಶ ಏನಿರಬಹುದು?

ಸದ್ಯದಲ್ಲೇ ಬಿಡುಗಡೆಯಾಗಲಿರುವ ಜಾಹ್ನವಿ ಕಪೂರ್​ ಅಭಿನಯದ 'ಗುಂಜನ್​ ಸಕ್ಸೇನಾ - ದಿ ಕಾರ್ಗಿಲ್​ ಗರ್ಲ್​' ಚಿತ್ರದಲ್ಲಿ ಪಂಕಜ್​ ತ್ರಿಪಾಠಿ ನಟಿಸಿದ್ದಾರೆ. ಈ ಚಿತ್ರದಲ್ಲಿ ಗುಂಜನ್​ ತಂದೆ, ಅನೂಪ್​ ಸಕ್ಸೇನಾ ಆಗಿ ಅವರು ಅಭಿನಯಿಸಿದ್ದು, ರಿಯಲ್​ ಲೈಫ್​ನಲ್ಲಿ ಹೇಗಿದ್ದಾರೋ, ಈ ಚಿತ್ರದಲ್ಲೂ ಅದೇ ತರಹದ ಪಾತ್ರ ಸಿಕ್ಕಿದೆ ಎಂದು ಅವರು ಖುಷಿಯಾಗಿದ್ದಾರೆ.

https://www.vijayavani.net/aditya-chopra-to-launch-aamir-khans-son/