ಟೂಬ್ಲೈಟ್ಮೈಂಡ್ ಟಾಮ್ ವಿಜಯ್ ಹೆಸರಿನ ಯೂಟ್ಯೂಬ್ ಚಾನೆಲ್ನಲ್ಲಿ ಈ ವಿಡಿಯೋ ಅಪ್ಲೋಡ್ ಆಗಿದೆ. ವಿಡಿಯೋ ಆರಂಭದಲ್ಲಿ ತಮಿಳಿನಲ್ಲಿ ಮಾಡಿದ ಅತ್ಯುತ್ತಮ ಸಿನಿಮಾಗಳನ್ನು ರಿಮೇಕ್ ಹೆಸರಿನಲ್ಲಿ ಹಾಳು ಮಾಡಿದ ಮೂರು ಸಿನಿಮಾಗಳ ಬಗ್ಗೆ ನಾವಿಂದು ತಿಳಿದುಕೊಳ್ಳೋಣ ಎಂದು ಯೂಟ್ಯೂಬರ್ ಹೇಳಿದ್ದಾನೆ. ಮೊದಲನೆಯದಾಗಿ ಕನ್ನಡದ ಕೋಟಿಗೊಬ್ಬ ಸಿನಿಮಾ ಹೆಸರನ್ನು ತೆಗೆದುಕೊಂಡಿದ್ದಾನೆ. 1995ರಲ್ಲಿ ರಜಿನಿಕಾಂತ್ ನಟನೆಯ ಭಾಷಾ ಸಿನಿಮಾವನ್ನು 2001ರಲ್ಲಿ ಕರ್ನಾಟಕದಲ್ಲಿ ಕೋಟಿಗೊಬ್ಬ ಹೆಸರಿನಲ್ಲಿ ರಿಮೇಕ್ ಮಾಡಿದರು. ನಮ್ಮ ತಮಿಳಿನಲ್ಲಿ ರಜಿನಿಕಾಂತ್ ವಿಲನ್ರನ್ನು ಕಂಬಕ್ಕೆ ಕಟ್ಟಿಹಾಕಿ ಒಂದು ಡೈಲಾಗ್ ಹೊಡೆಯುತ್ತಾರಲ್ಲ ಆ ಸೀನ್ ಸಖತ್ತಾಗಿದೆ. ಆದರೆ, ಕನ್ನಡದಲ್ಲಿ ಕಾಲಿನಲ್ಲೇ ವಿಲನ್ನನ್ನು ಹಗ್ಗದಿಂದ ಕಟ್ಟಿಹಾಕಿಬಿಡುತ್ತಾರೆ. ಅದು ಕೂಡ ಕಾಲಿನಲ್ಲೇ. ಬಳಿಕ ವಿಲನ್ ಮೇಲೆ ಕಾಲಿಟ್ಟು, ನಾನು ಒಂದು ಸಾರಿ ಹೇಳುವುದು, ಅದರ ಮೇಲೆ ಹೇಳಲಾಗದು ಕಾಲು ನೋಯುತ್ತಿದೆ ಎಂದು ಹೇಳುವ ಮೂಲಕ ವಿಷ್ಣುವರ್ಧನ್ ಡೈಲಾಗನ್ನೇ ತಿರುಚಿ ಟ್ರೋಲ್ ಮಾಡಿದ್ದಾನೆ. ಆದರೆ, ವಾಸ್ತವವಾಗಿ ಸಿನಿಮಾದಲ್ಲಿ ವಿಷ್ಣು ಹೇಳುವ ಡೈಲಾಗೇ ಬೇರೆ ಇದೆ. ಅಲ್ಲದೆ, ವಯಸ್ಸಾದ ಕಾಲದಲ್ಲಿ ಇದೆಲ್ಲ ಬೇಕಾ ಎಂದು ಅಣಕಿಸಿದ್ದಾನೆ. ಫ್ಲ್ಯಾಶ್ಬ್ಯಾಕ್ನಲ್ಲಿ ಒಂದು ಸಿಂಹ ಬೆಂಕಿಯಿಂದ ಹಾರಿ ಬರುತ್ತದೆ. ಆ ಸಿಂಹ ಹೀರೋ ಆಗಿ ಬದಲಾಗುತ್ತದೆ. ಆ ರೀತಿ ವಿಎಫ್ಎಕ್ಸ್ ಮಾಡಿದ್ದಾರೆ. ಇದೆಲ್ಲ ನಿಮಗೆ ಅನ್ಯಾಯ ಅನಿಸುವುದಿಲ್ಲವೇ ಎಂದು ಟ್ರೋಲ್ ಮಾಡಿ, ಕನ್ನಡಿಗರನ್ನು ಕೆಣಕಿದ್ದಾನೆ.
