ಆದರೆ, ಇದೀಗ ‘ಸಲಾರ್’ ಅಲ್ಲದೆ, ಪೃಥ್ವಿರಾಜ್ ಅಭಿನಯದಲ್ಲಿ ‘ಟೈಸನ್’ ಘೋಷಿಸಿದ್ದಾರೆ ವಿಜಯ್ ಕುಮಾರ್ ಕಿರಗಂದೂರು. ಹೆಸರು ಕೇಳಿದರೆ ಬಾಕ್ಸಿಂಗ್ ಕುರಿತ ಚಿತ್ರ ಇರಬಹುದು ಎಂದನಿಸಬಹುದು. ಆದರೆ, ಅಸಲಿಗೆ ಚಿತ್ರದಲ್ಲೇನಿದೆ ಎಂದು ಬಿಡುಗಡೆಯಾದ ಮೇಲಷ್ಟೇ ಗೊತ್ತಾಗಲಿದೆ. ಈ ಚಿತ್ರದಲ್ಲಿ ನಟಿಸುವುದರ ಜತೆಗೆ ನಿರ್ದೇಶನವನ್ನೂ ಮಾಡುತ್ತಿದ್ದಾರೆ ಪೃಥ್ವಿರಾಜ್. ಅಂದಹಾಗೆ, ನಿರ್ದೇಶಕರಾಗಿ ಇದು ಅವರ ನಾಲ್ಕನೇ ಚಿತ್ರ. ಮೋಹನ್ ಲಾಲ್ ಅಭಿನಯದ ‘ಲೂಸಿಫರ್’ ಚಿತ್ರದ ಮೂಲಕ ನಿರ್ದೇಶಕರಾದ ಪೃಥ್ವಿರಾಜ್, ಆ ನಂತರ ‘ಬ್ರೋ ಡ್ಯಾಡಿ’ ಎಂಬ ಚಿತ್ರ ನಿರ್ದೇಶಿಸಿದ್ದರು. ಇತ್ತೀಚೆಗೆ ‘ಲೂಸಿಫರ್’ನ ಮುಂದುವರಿದ ಭಾಗವಾದ ‘ಎಲ್ 2: ಎಂಪುರಾಣ್’ ಎಂಬ ಚಿತ್ರ ಘೋಷಿಸಿದ್ದರು. ಈಗ ‘ಟೈಸನ್’ ಬಗ್ಗೆ ಸುದ್ದಿ ಹೊರಬಿದ್ದಿದೆ. ‘ಎಲ್ 2’ ಮುಗಿದ ನಂತರ ಈ ಚಿತ್ರ ಶುರುವಾಗುವ ನಿರಿಕ್ಷೆ ಇದೆ.
