ಅಮ್ಮನಿಗಾಗಿ ಪರಿತಪಿಸುವ ಶಾಲಾ ವಿದ್ಯಾರ್ಥಿ ಆಶು ಆಗಿ ಕಾಣಿಸಿಕೊಂಡಿರುವ ಬಾಲಕ (ಆಶಿಕ್ ಆರ್ಯ), ಅಮ್ಮನ ಪ್ರೀತಿ ಸಿಗದೆ ಪಾಗಲ್ನಂತಾಡುವ ಮಹೇಶ್ ಆಗಿ ಕಾಣಿಸಿಕೊಂಡಿರುವ ಮಹೇಶ್ ಸಿದ್ದು ಇಡೀ ಚಿತ್ರದ ಹೈಲೈಟ್. ನನ್ನ ಮುತ್ತು ಅಮ್ಮನಿಗೆ ಮಾತ್ರ ಎಂದು ಶಾಲೆಯಿಂದ ತಪ್ಪಿಸಿಕೊಂಡು ಅಮ್ಮನನ್ನು ಹುಡುಕುತ್ತ ಸಾಗುವ ಆಶು, ಅಮ್ಮ ಸಿಕ್ಕರೆ ಸಾಕು ಕೊಂದೇ ಬಿಡುತ್ತೇನೆ ಎಂದು ಮಾನಸಿಕ ರೋಗಿಗಳ ಆಸ್ಪತ್ರೆಯಿಂದ ತಪ್ಪಿಸಿಕೊಂಡು ತಾಯಿಯನ್ನು ಅರಸಿಕೊಂಡು ಹೊರಡುವ ಮಹೇಶ್ ಇಬ್ಬರೂ ಆಕಸ್ಮಿಕವಾಗಿ ಭೇಟಿ ಆಗುತ್ತಾರೆ. ಹೀಗೆ ತಾಯಿಯನ್ನು ಹುಡುಕಿಕೊಂಡು ಹೋಗುವ ಇವರ ಪ್ರಯಾಣದ ಮಧ್ಯೆ ಹದಿಹರೆಯದ ಪ್ರೀತಿ, ಬಳಿಕದ ಮೋಸ, ನಂತರದ ಪರದಾಟ, ಹುಡುಗಾಟದ ಕೊಲೆ, ಹುಚ್ಚಾಟದ ಹೊಡೆದಾಟ, ಅಪರಾಧಿಗಳಿಗಾಗಿ ಪೊಲೀಸರ ಹುಡುಕಾಟ ಎಲ್ಲವನ್ನೂ ಹದವಾಗಿ ಬೆರೆಸಿ ಹಿತವಾದ ಚಿತ್ರಣ ಕಟ್ಟಿಕೊಟ್ಟಿದ್ದಾರೆ ರವಿತೇಜ. ಬಾಲಕ ಆಶು ಸನ್ನಿವೇಶಕ್ಕೆ ತಕ್ಕಂತೆ ಉತ್ತಮ ಅಭಿನಯ ತೋರುವ ಮೂಲಕ ಭವಿಷ್ಯದಲ್ಲಿ ಭರವಸೆಯ ನಟನಾಗುವ ಲಕ್ಷಣವನ್ನು ಹೊರಹೊಮ್ಮಿಸಿದ್ದಾರೆ. ಹೀರೋಯಿಸಂ ಇರದಿದ್ದರೂ ಚಿತ್ರದುದ್ದಕ್ಕೂ ಹೀರೋ ಥರನೇ ಕಾಣಿಸಿಕೊಂಡಿರುವ ಮಹೇಶ್ ವಿಲಕ್ಷಣ ಹಾವಭಾವ ಹಾಗೂ ಅಭಿನಯದಿಂದಾಗಿ ಮೆಚ್ಚುಗೆ ಗಳಿಸಿದ್ದಾರೆ. ಲವ್ ಧೋಖಾ ಸೆಕ್ಸ್ ಸುಳಿಗೆ ಸಿಲುಕಿ ನಲುಗುವ ಹುಡುಗಿಯಾಗಿ ಅಭಿನಯಿಸಿರುವ ಅಪೇಕ್ಷಾ ಪುರೋಹಿತ್ ಗಮನ ಸೆಳೆಯುತ್ತಾರೆ. ಉಳಿದಂತೆ ಬಹುತೇಕ ಎಲ್ಲ ಪಾತ್ರಧಾರಿಗಳು
