ನವೀನ್ ಶಂಕರ್ ಮತ್ತು ಅರ್ಚನಾ ಜೋಯಿಸ್ ನಟಿಸಿರುವ ಚಿತ್ರ "ಕ್ಷೇತ್ರಪತಿ'. ಶ್ರೀಕಾಂತ್ ಆ್ಯಕ್ಷನ್ ಕಟ್ ಹೇಳಿರುವ ಈ ಚಿತ್ರ ಆ. 18ರಂದು ರಿಲೀಸ್ ಆಗಲಿದ್ದು, ಚಿತ್ರತಂಡ "ಪ್ರತಿ ಕ್ಷೇತ್ರದಲ್ಲೂ ಕ್ಷೇತ್ರಪತಿ' ಹೆಸರಿನಲ್ಲಿ ರಾಜ್ಯಾದ್ಯಂತ ಪ್ರಚಾರ ಆರಂಭಿಸಿದೆ. ಜು.17ರಂದು ಹುಬ್ಬಳ್ಳಿ& ಧಾರವಾಡದಿಂದ ಆರಂಭವಾದ "ಕ್ಷೇತ್ರಪತಿಯ' ಸಂಚಾರ ಈಗಾಗಲೇ ಬೆಳಗಾವಿ, ಸಂಕೇಶ್ವರ, ಬಾಗಲಕೋಟೆ, ಇಳಕಲ್, ಬಿಜಾಪುರ, ಕಲಬುರ್ಗಿ, ರಾಯಚೂರು, ಹೊಸಪೇಟೆ, ದಾವಣಗೆರೆ ಚಿತ್ರದುರ್ಗದಲ್ಲಿ ಪ್ರಚಾರ ಮಾಡಿದೆ. ಆಗಸ್ಟ್1ರಿಂದ 3ರವರೆಗೆ ತುಮಕೂರು, ಹಾಸನ್, ಶಿವಮೊಗ್ಗಕ್ಕೆ ಭೇಟಿ ನೀಡಲಿದ್ದು, ಆಗಸ್ಟ್ 5ರಂದು ಗದಗ್ನಲ್ಲಿ ಅದ್ದೂರಿ ಟ್ರೇಲರ್ ಬಿಡುಗಡೆ ಕಾರ್ಯಕ್ರಮ ಆಯೋಜಿಸಲಾಗಿದೆ. ಆ ಬಳಿಕ ಮಂಡ್ಯ, ರಾಮನಗರ, ಮೈಸೂರು ಹಾಗೂ ಬೆಂಗಳೂರಿನಲ್ಲಿ ಪ್ರಚಾರ ನಡೆಸುವ ಪ್ಲ್ಯಾನ್ ಚಿತ್ರತಂಡದ್ದು.
