ವೇದ (ನಕುಲ್) ಪಾರ್ಟ್ ಟೈಮ್ ಮೆಕ್ಯಾನಿಕ್ ಕಮ್ ಕೃಷಿಕ, ಫುಲ್ ಟೈಮ್ ರೌಡಿ. ಆತ ರೌಡಿಸಂ ಹಾದಿ ಹಿಡಿಯಲೂ ಒಂದು ಕಾರಣವಿದೆ. ಪವಿ (ಮಾನ್ವಿತಾ) ಜತೆಗಿನ "ಪವಿತ್ರ' ಪ್ರೀತಿ ಕಳೆದುಕೊಳ್ಳುವ ಆತ, ಅದಕ್ಕೆ ಕಾರಣರಾದ ಐವರ ವಿರುದ್ಧ ಸಮರ ಸಾರುತ್ತಾನೆ. ರೌಡಿಯಾದರೂ ವೇದ ಹುಂಬನಲ್ಲ. ಗನ್ ಮತ್ತು ಬೆನ್ನಿಂದ ಆ ಐವರನ್ನು ಹೇಗೆ ಮಟ್ಟ ಹಾಕುತ್ತಾನೆ ಎಂಬುದೇ "ಬ್ಯಾಡ್'. ಒಬ್ಬನಿಗೆ ಹಣದ ಲಾಲಸೆ, ಮತ್ತೊಬ್ಬನಿಗೆ ಅನೈತಿಕ ಸಂಬಂಧದ ಆಸೆ, ಇನ್ನೊಬ್ಬನಿಗೆ ಅಧಿಕಾರದ ಮೇಲೆ ಮೋಹ, ಒಬ್ಬಾಕೆ ಎರಡು ಮುಖಗಳ ಗೋಮುಖ ವ್ಯಾಘ್ರಳಾದರೆ, ಮತ್ತೊಬ್ಬಳು ಗೋಸುಂಬೆಯನ್ನೂ ಮೀರಿಸುವ ಬಣ್ಣಗಾತಿ... ಇವರೆಲ್ಲರನ್ನೂ ಮೀರಿಸಿ ಹತ್ತು ತಲೆಗಳಿಗೆ ಸಮನಾಗಿ ಮೈಂಡ್ಗೇಮ್ ಆಡುವ ರಾವಣನೂ ಇಲ್ಲಿದ್ದಾನೆ. ಹೀಗೆ ಸ್ವಾರ್ಥಿಗಳ ಲೋಕದಲ್ಲಿ ತಮ್ಮ ಗುರಿ ತಲುಪಲು ಬೇರೆಯವರ ಹೆಗಲೇರುವವರ ಮಧ್ಯೆ ಒಬ್ಬ ಪ್ರೇಮಿಯ ವ್ಯಥೆಯಿದೆ. ಆತನ ಪ್ರತಿಕಾರದ ಕಥೆಯಿದೆ.
