‘ಸಲಗ’ ಚಿತ್ರದ ಸಕ್ಸಸ್ ಬಳಿಕ ನಟ ದುನಿಯಾ ವಿಜಯ್ ನಟಿಸಿ, ನಿರ್ದೇಶಿಸುತ್ತಿರುವ ಎರಡನೇ ಸಿನಿಮಾ ‘ಭೀಮ’. ‘ಸಲಗ’ ಸಂಗೀತ ನಿರ್ದೇಶಕ ಚರಣ್ ರಾಜ್ ಅವರೇ ‘ಭೀಮ’ನಿಗೂ ಸಂಗೀತ ಸಂಯೋಜನೆ ಮಾಡುತ್ತಿದ್ದಾರೆ. ಈಗಾಗಲೇ ‘ಬ್ಯಾಡ್ ಬಾಯ್ಸ’, ‘ಐ ಲವ್ ಯೂ ಕಣೇ’ ಹಾಗೂ ‘ನೂರುಪಾಯ್ ಮಿಕ್ಸ್’ ಹಾಡುಗಳು ಬಿಡುಗಡೆಯಾಗಿದ್ದು, ವಿಭಿನ್ನ ರೀತಿಯ ಸೌಂಡಿಂಗ್, ಸಾಹಿತ್ಯದ ಮೂಲಕ ಸಂಗೀಪ್ರಿಯರ ಗಮನ ಸೆಳೆಯುತ್ತಿವೆ. ಹಾಡುಗಳ ಬಗ್ಗೆ ಚರಣ್ ರಾಜ್, ‘ಎಲ್ಲ ಹಾಡುಗಳನ್ನೂ ವಿಜಿ ಸರ್ ಐಡಿಯಾ ಮೇಲೆ ಮಾಡಿದ್ದೇನೆ. ‘ಸೈಕ್ ಸೈಕ್, ಬ್ಯಾಡ್ ಬಾಯ್ಸ’, ‘ಐ ಲವ್ ಯೂ ಕಣೋ, ಐ ಲವ್ ಯೂ ಟೂ ಕಣೇ’ ಅಂತ ಲೈನ್ ನೀಡಿದರು. ಆ ಐಡಿಯಾನ ತೆಗೆದುಕೊಂಡು ಅದಕ್ಕೊಂದು ಸುಂದರ ರೂಪ ನೀಡಲು ಪ್ರಯತ್ನಿಸಿದ್ದೇನೆ’ ಎಂದು ಹೇಳಿಕೊಳ್ಳುತ್ತಾರೆ.
