ಓಲ್ಡ್ ಮಾಂಕ್​ನಲ್ಲಿ ಮೇಘಶ್ರೀ ಅತಿಥಿ; ರುಕ್ಮಿಣಿಯಾಗಿ ದರ್ಶನ

ಬೆಂಗಳೂರು: ಸ್ಯಾಂಡಲ್​ವುಡ್ ನಟಿ ಮೇಘಶ್ರೀ ಇದೀಗ ಕೃಷ್ಣನ ಮನದರಸಿ ರುಕ್ಮಿಣಿಯಾಗಿದ್ದಾರೆ. ಅಂದರೆ, ‘ಓಲ್ಡ್ ಮಾಂಕ್’ ಚಿತ್ರದಲ್ಲಿ ಹೊಸ ಅವತಾರದಲ್ಲಿ ಅವರು ಕಾಣಿಸಿಕೊಂಡಿದ್ದಾರೆ. ಎಂ.ಜಿ. ಶ್ರೀನಿವಾಸ್ ನಾಯಕನಾಗಿ ನಟಿಸಿ, ನಿರ್ದೇಶಿಸುತ್ತಿರುವ ಈ ಚಿತ್ರದಲ್ಲಿ ಅದಿತಿ ಪ್ರಭುದೇವ ನಾಯಕಿ. ಇದೀಗ ಅತಿಥಿ ಪಾತ್ರವೊಂದರಲ್ಲಿ ನಟಿಸುವ ಮೂಲಕ ಮೇಘಶ್ರೀ ಸಹ ತಂಡದ ಭಾಗವಾಗಿದ್ದಾರೆ.

ಸಿದ್ಧಿ ಎಂಟರ್​ಟೈನ್​ವೆುಂಟ್ಸ್ ಬ್ಯಾನರ್​ನಲ್ಲಿ ಸಿದ್ಧವಾಗಿರುವ ಈ ಚಿತ್ರದಲ್ಲಿ ಕೃಷ್ಣನಾಗಿ ನಟ ಸುನೀಲ್ ರಾವ್ ಸಹ ಅಭಿನಯಿಸಿದ್ದಾರೆ. ಈ ಮೊದಲೇ ಅವರ ಲುಕ್ ಸಹ ವಿಶೇಷವಾಗಿತ್ತು. ಇದೀಗ ಸುನೀಲ್​ಗೆ ಜೋಡಿಯಾಗಿ ಮೇಘಶ್ರೀ ನಟಿಸಿದ್ದಾರೆ. ನಿಭಾಯಿಸಿದ ಪಾತ್ರದ ಬಗ್ಗೆಯೂ ಹೇಳಿಕೊಂಡಿದ್ದಾರೆ. ‘ರುಕ್ಮಿಣಿ ಅಂದ ತಕ್ಷಣ ಪೌರಾಣಿಕ ಲುಕ್​ನಲ್ಲಿ ನನ್ನನ್ನು ತೋರಿಸಿಲ್ಲ. ಬದಲಿಗೆ ಸೆಮಿ ಟ್ರೆಡಿಷನಲ್ ಅವತಾರವಿದೆ. ಕೃಷ್ಣನಿಗೆ ಕಿಟಲೆ ಮಾಡುತ್ತ.. ಹಾಸ್ಯವಾಗಿ ಪಾತ್ರ ಮೂಡಿಬಂದಿದೆ. ಕೇವಲ ಒಂದೇ ದಿನದಲ್ಲಿ ನನ್ನ ಭಾಗದ ಶೂಟಿಂಗ್ ಮುಗಿದಿದೆ’ ಎಂಬುದು ಅವರ ಮಾತು.

https://www.vijayavani.net/police-bitten-by-young-woman/

https://www.vijayavani.net/persons-with-comorbidities-should-take-vaccine-as-soon-as-possible/