‘ಮತ್ತೆ ಮಾಯಾಮೃಗ’ದಲ್ಲಿ ಮೂಲ ಧಾರಾವಾಹಿಯಲ್ಲಿದ್ದ ಪಾತ್ರಧಾರಿಗಳ ಜತೆಗೆ, ಅವರ ಮುಂದಿನ ತಲೆಮಾರಿನವರೂ ಇರುತ್ತಾರಂತೆ. ‘ಈ ಎರಡೂ ತಲೆಮಾರಿನವರು ಏನನ್ನು ಅನುಭವಿಸುತ್ತಿದ್ದಾರೆ ಎಂದು ಹೇಳುವ ಪ್ರಯತ್ನ. ಇದೊಂದು ರಿಲೇ ರೇಸ್ ಇದ್ದಂತೆ. ಇಲ್ಲಿ ಇಬ್ಬರೂ ಓಡುತ್ತಾರೆ’ ಎಂದು ಧಾರಾವಾಹಿಯ ಚಿತ್ರಣ ಕೊಡುತ್ತಾರೆ ಸೀತಾರಾಂ. ಮೂಲ ಧಾರಾವಾಹಿಯಲ್ಲಿದ್ದ ಮಾಳವಿಕಾ, ಅವಿನಾಶ್, ರಾಜೇಶ್ ನಟರಂಗ, ಎಂ.ಡಿ. ಪಲ್ಲವಿ, ವೀಣಾ ಸುಂದರ್ ಸೇರಿ ಕೆಲವರು ಇಲ್ಲೂ ಮುಂದುವರಿಯಲಿದ್ದಾರೆ. ಇನ್ನು ಇಂದಿನ ತಲೆಮಾರನ್ನು ಮೇಘಾ, ಸಿರಿ ರವಿಕುಮಾರ್ ಪ್ರತಿನಿಧಿಸುತ್ತಾರಂತೆ. ಈಗಾಗಲೇ ಧಾರಾವಾಹಿಯ ಚಿತ್ರೀಕರಣ ಪ್ರಾರಂಭವಾಗಿದೆ. ಅ.19ರಿಂದ ರಾತ್ರಿ 9ಕ್ಕೆ ಸಿರಿಕನ್ನಡದಲ್ಲಿ ಪ್ರಸಾರವಾಗಲಿದೆ.
