ರಜನಿಕಾಂತ್ ಅವರಿಗೆ ರಘುವರನ್ ಮೇಲೆ ವಿಶೇಷವಾದ ಒಲವಿತ್ತು. ಅವರ ಅನೇಕ ಚಿತ್ರಗಳಲ್ಲಿ ರಘುವರನ್ ಖಳನಾಯಕರಾಗಿದ್ದರು. ಆದರೆ, ಕಮಲ್ ಹಾಸನ್, ತಮ್ಮ ಚಿತ್ರಗಳಿಂದ ಅವರನ್ನು ದೂರವಿಟ್ಟರಂತೆ! ರಘುವರನ್ ನಟನೆಯಲ್ಲಿ ಕಮಲ್ ಹಾಸನ್ ಅವರನ್ನೂ ಮೀರಿಸುತ್ತಾರೆ ಎಂದು ಕೆಲವು ಮಾಧ್ಯಮಗಳು ಆ ಸಂದರ್ಭದಲ್ಲಿ ವರದಿ ಮಾಡಿದ್ದವು. ಇದು ಕೂಡ ಒಂದು ಕಾರಣ ಇರಬಹುದು ಎನ್ನಲಾಗಿದೆ. ಸಿನಿಮಾ ಒಂದೆಡೆಯಾದರೆ, ರಘುವರನ್ ಮಾದಕ ವ್ಯಸನಕ್ಕೆ ಒಳಗಾಗಿದ್ದರು. ರಘುವರನ್ ಮತ್ತು ರೋಹಿಣಿ 1996 ರಲ್ಲಿ ವಿವಾಹವಾದರು. ಅವರು ಎಂಟು ವರ್ಷಗಳ ಕಾಲ ಒಟ್ಟಿಗೆ ವಾಸಿಸುತ್ತಿದ್ದರು. ಆದರೆ, ವಿಚ್ಛೇದನ ಪಡೆದುಕೊಂಡರು. ಇದಕ್ಕೆ ಕಾರಣ ಮಾದಕ ವ್ಯಸನ ಎಂದು ಅಶ್ರಫ್ ಹೇಳಿದ್ದಾರೆ.
