ದೊಡ್ಡ ಸ್ಟಾರ್​ಗಳು ಕಂಬಿ ಎಣಿಸ್ತಾರೆ ... ಕಂಗನಾ ಭವಿಷ್ಯ

ಸುಶಾಂತ್​ ಸಿಂಗ್​ ರಜಪೂತ್​ ಆತ್ಮಹತ್ಯೆ ಪ್ರಕರಣ ಹೊಸ ತಿರುವು ಪಡೆದಿದೆ. ಈ ಪ್ರಕರಣವನ್ನು ತನಿಖೆ ಮಾಡುತ್ತಿರುವ ಸಿಬಿಐ, ಇದರ ಹಿಂದೆ ಡ್ರಗ್ಸ್​ ಜಾಲ ಇರಬಹುದು ಎಂಬ ಅನುಮಾನವನ್ನು ಹೊರಹಾಕಿದೆ.

ಇದನ್ನೂ ಓದಿ: ಉದಯ್​ ಕಿರಣ್​ ಕೇಸ್​ನ ತನಿಖೆಯನ್ನೂ ಸಿಬಿಐಗೆ ವಹಿಸಿ …

ಪ್ರಮುಖವಾಗಿ, ಸುಶಾಂತ್​ ಪ್ರಕರಣದ ಪ್ರಮುಖ ಆರೋಪಿಯಾದ ಆತನ ಗೆಳತಿ ರಿಯಾ ಚಕ್ರವರ್ತಿ ವಾಟ್ಸಪ್​ ಮೂಲಕ ಡ್ರಗ್ಸ್​ಗೆ ಸಂಬಂಧಿಸಿದಂತೆ ಹಲವು ವಿಷಯಗಳ ಬಗ್ಗೆ ಸಂದೇಶ ಕಳಿಸಿರುವುದು ಬೆಳಕೆಗೆ ಬಂದಿದೆ. 2017ರಿಂದ 2019ರವರೆಗೂ ರಿಯಾ ಡ್ರಗ್ಸ್​​ ವಿಷಯದ ಬಗ್ಗೆ ಕೆಲವರೊಂದಿಗೆ ಮಾತನಾಡಿದ್ದಾರೆ ಎಂದು ಹೇಳಲಾಗಿದೆ.

ಈ ವಿಷಯವಾಗಿ ಇದೀಗ ನಾರ್ಕೋಟಿಕ್ಸ್​ ಕಂಟ್ರೋಲ್​ ಬ್ಯೂರೋ (ಎನ್​ಸಿಬಿ) ಎಂಟ್ರಿ ಕೊಡುವ ಸಾಧ್ಯತೆಗಳು ಹೆಚ್ಚಿದೆ. ಈ ವಿಷಯವಾಗಿ ಎನ್​ಸಿಬಿಯ ನಿರ್ದೇಶಕರಾದ ರಾಕೇಶ್​ ಅಸ್ತಾನ ಅವರು ಪ್ರತಿಕ್ರಿಯಿಸಿದ್ದು, ತಮಗೆ ಇಡಿ ಯಿಂದ ಒಂದು ಪತ್ರ ಬಂದಿರುವುದಾಗಿ ಹೇಳಿಕೊಂಡಿದ್ದಾರೆ. ಅದರ ಪ್ರಕಾರ, ಸುಶಾಂತ್​ ಮತ್ತು ರಿಯಾಗೆ ಡ್ರಗ್ಸ್​ ಹಂಚಲಾಗುತ್ತಿದ್ದ ವಿಷಯ ಬೆಳಕಿಗೆ ಬಂದಿದ್ದು, ಈ ಕುರಿತು ಎನ್​ಸಿಬಿಯ ತಂಡ ಶೀಘ್ರದಲ್ಲೇ ಸಂಬಂಧಪಟ್ಟವರನ್ನು ವಿಚಾರಣೆ ನಡೆಸಲಿದೆ ಎಂದು ಹೇಳಿದ್ದಾರೆ.

ಯಾವಾಗ ಎನ್​ಸಿಬಿ ಈ ಪ್ರಕರಣದಲ್ಲಿ ತನಿಖೆ ಮಾಡಬಹುದು ಎಂಬ ವಿಷಯ ಹೊರಬಿತ್ತೋ, ಅದರಿಂದ ದೊಡ್ಡ ದೊಡ್ಡ ಸ್ಟಾರ್​ಗಳಿಗೆ ಬಹಳ ಕಷ್ಟವಿದೆ ಎಂದು ನಟಿ ಕಂಗನಾ ರಣಾವತ್​ ಹೇಳಿಕೊಂಡಿದ್ದಾರೆ.

ಇದನ್ನೂ ಓದಿ: ತಮನ್ನಾ ಭಾಟಿಯಾಗೆ ಕರೊನಾ ಆತಂಕ; ಮನೆಯಲ್ಲಿಯೇ ಕ್ವಾರಂಟೈನ್​

ಈ ಕುರಿತು ಟ್ವೀಟ್​ ಮಾಡಿರುವ ಅವರು, 'ನಾರ್ಕೋಟಿಕ್ಸ್​ ಕಂಟ್ರೋಲ್​ ಬ್ಯೂರೋ ಏನಾದರೂ ಈ ವಿಷಯದಲ್ಲಿ ಎಂಟ್ರಿ ಕೊಟ್ಟರೆ, ಆಗ ಬಹಳಷ್ಟು ಜನ ಸ್ಟಾರ್​ ನಟರಗಳು ಕಂಬಿ ಎಣಿಸಬೇಕಾಗುತ್ತದೆ. ಎಲ್ಲರ ಬ್ಲಡ್​ ಟೆಸ್ಟ್​ ಮಾಡಿದರೆ, ಆಗ ಭಯಂಕರ ರಹಸ್ಯಗಳು ಹೊರಬೀಳುತ್ತವೆ. ಸ್ವಚ್ಛ ಭಾರತ ಮಿಷನ್​ನಡಿ, ಬಾಲಿವುಡ್​ ಎಂಬ ಗಟರ್​ ಕ್ಲೀನ್​ ಮಾಡುವುದಕ್ಕೆ ಇದು ಸಕಾಲ' ಎಂದು ಕಂಗನಾ ಹೇಳಿಕೊಂಡಿದ್ದಾರೆ.

https://www.vijayavani.net/u-certificate-for-green-signal/