ಶ್ರೀಮುರಳಿ ಜನ್ಮದಿನದಂದು ಬಿಡುಗಡೆ ಆಗಿದ್ದ ಟೀಸರ್ಗೆ ಭಾರಿ ಮೆಚ್ಚುಗೆ ಸಿಕ್ಕ ಬೆನ್ನಲ್ಲೇ, ಪರಭಾಷೆಗಳ ನಿರ್ವಪಕರ ಕಣ್ಣ ‘ಮದಗಜ’ ಚಿತ್ರದ ಮೇಲೆ ನೆಟ್ಟಿದೆ. ಅದರಂತೆ ನಾ ಮುಂದೆ ತಾ ಮುಂದೆ ಎಂಬಂತೆ ಚಿತ್ರ ಬಿಡುಗಡೆ ಮಾಡಲು ಮುಂದೆ ಬರುತ್ತಿದ್ದಾರಂತೆ. ಅದರಂತೆ ಇದೀಗ ತೆಲುಗಿನಲ್ಲಿ ರಿಲೀಸ್ ಆಗುವುದು ಅಧಿಕೃತವಾಗಿದ್ದು, ಹೊಸವರ್ಷದ ದಿನ ತೆಲುಗು ಟೀಸರ್ ಬಿಡುಗಡೆ ಆಗಲಿದೆ. ಈ ಬಗ್ಗೆ ಮಾಹಿತಿ ನೀಡುವ ನಿರ್ದೇಶಕ ಮಹೇಶ್ ಗೌಡ, ‘ಆರಂಭದಲ್ಲಿ ಬಹುಭಾಷೆಯ ಪ್ಲಾನ್ ಇರಲಿಲ್ಲ. ಟೀಸರ್ ಎಲ್ಲ ಭಾಷಿಕರನ್ನು ಇಂಪ್ರೆಸ್ ಮಾಡಿದ ಹಿನ್ನೆಲೆಯಲ್ಲಿ ಕನ್ನಡದ ಜತೆಗೆ ತೆಲುಗು, ತಮಿಳು, ಮಲಯಾಳಂ, ಹಿಂದಿಯಲ್ಲಿಯೂ ಈ ಸಿನಿಮಾ ತೆರೆಕಾಣಲಿದೆ. ಜನವರಿ ನಂತರದಲ್ಲಿ ಇನ್ನುಳಿದ ಮೂರು ಭಾಷೆಗಳ ಟೀಸರ್ ಒಂದೊಂದಾಗಿ ಹೊರಬರಲಿವೆ. ಸದ್ಯ ಜ.1ಕ್ಕೆ ಬಿಡುಗಡೆ ಆಗಲಿರುವ ತೆಲುಗು ಟೀಸರ್ ಮತ್ತು ಸಿನಿಮಾಕ್ಕೆ ಸ್ವತಃ ಶ್ರೀಮುರಳಿ ಅವರೇ ಡಬ್ ಮಾಡಲಿದ್ದಾರೆ’ ಎನ್ನುತ್ತಾರೆ.
