'ಬೆಳಗೆದ್ದು..' ಹಳೇದನ್ನೆಲ್ಲ ನೆನಪಿಸಿಕೊಂಡರು ನಟಿ ರಶ್ಮಿಕಾ!

ಬೆಂಗಳೂರು: 'ಕಿರಿಕ್​ ಹುಡುಗಿ' ಎಂದೇ ಖ್ಯಾತಿ ಪಡೆದಿರುವ ನಟಿ ರಶ್ಮಿಕಾ ಮಂದಣ್ಣ ಹಳೇದನ್ನೆಲ್ಲ ನೆನಪಿಸಿಕೊಂಡಿದ್ದಾರೆ. ಇದಕ್ಕಿದ್ದಂತೆ ನಾಲ್ಕು ವರ್ಷಗಳ ಹಿಂದಿನ ಫ್ಲ್ಯಾಷ್​ಬ್ಯಾಕ್​ಗೆ ಹೋಗಿರುವ ಅವರು ಮತ್ತೆ ಸಾನ್ವಿಯಾಗಿದ್ದಾರೆ. ಮಾತ್ರವಲ್ಲ, ಆ ಖುಷಿಯನ್ನು ಬಹಿರಂಗವಾಗಿ ಹೇಳಿಕೊಂಡಿದ್ದಾರೆ.

ಹೀಗೆ ರಶ್ಮಿಕಾ ಮಂದಣ್ಣ ಮತ್ತೆ ಹಳೇದನ್ನೆಲ್ಲ ನೆನಪಿಸಿಕೊಳ್ಳಲು ಕಾರಣ ಮತ್ತದೇ 'ಕಿರಿಕ್​ ಪಾರ್ಟಿ'. ರಿಷಬ್​ ಶೆಟ್ಟಿ ನಿರ್ದೇಶನದ 'ಕಿರಿಕ್ ಪಾರ್ಟಿ' ಸಿನಿಮಾದಲ್ಲಿ ರಕ್ಷಿತ್ ಶೆಟ್ಟಿಗೆ ನಾಯಕಿಯಾಗಿ ಸಾನ್ವಿ ಎಂಬ ಪಾತ್ರದೊಂದಿಗೆ​ ರಶ್ಮಿಕಾ ಸ್ಯಾಂಡಲ್​ವುಡ್​ಗೆ ಪ್ರವೇಶ ಮಾಡಿದ್ದರು. ಆ ಚಿತ್ರ ಅವರಿಗೆ ದೊಡ್ಡ ಬ್ರೇಕ್​ ಕೊಟ್ಟಿದ್ದು, ಸಾನ್ವಿಯ ಆ ಪಾತ್ರಕ್ಕೆ ಒಂದಷ್ಟು ಜನ ಫಿದಾ ಆಗಿದ್ದು, ಬಳಿಕ ಅವರಿಗೆ ಪರಭಾಷಾ ಸಿನಿಮಾಗಳಲ್ಲಿ ಅವಕಾಶ ಸಿಕ್ಕಿ ಅಲ್ಲೂ ಮಿಂಚಲಾರಂಭಿಸಿದ್ದೆಲ್ಲ ಸಿನಿಪ್ರಿಯರಿಗೆ ಗೊತ್ತಿರುವಂಥದ್ದೇ.

ಇದನ್ನೂ ಓದಿ: ‘ಮಿಷನ್ ಮಜ್ನು’ ಸಿನಿಮಾ ಮೂಲಕ ಬಾಲಿವುಡ್​ನಲ್ಲಿ ಖಾತೆ ತೆರೆದ ರಶ್ಮಿಕಾ ಮಂದಣ್ಣ!

ನಾಲ್ಕು ವರ್ಷಗಳ ಹಿಂದೆ ಡಿಸೆಂಬರ್​ನಲ್ಲಿ ಬಿಡುಗಡೆಯಾದ ಈ 'ಕಿರಿಕ್​ ಪಾರ್ಟಿ' ಸಿನಿಮಾ ಭರ್ಜರಿ ಯಶಸ್ಸು ತಂದುಕೊಟ್ಟಿದ್ದಲ್ಲದೆ ಚಿತ್ರತಂಡದ ಹಲವರಿಗೆ ಬ್ರೇಕ್​ ಕೊಟ್ಟಿತ್ತು. ಇಡೀ ಚಿತ್ರತಂಡಕ್ಕೆ ಇದೊಂದು ಮೆಮೊರೇಬಲ್ ಸಿನಿಮಾ. ಹೀಗಾಗಿ ರಶ್ಮಿಕಾ ಮತ್ತೊಮ್ಮೆ ಬೆಳಗೆದ್ದು ಹಳೇದೆಲ್ಲವನ್ನೂ ನೆನಪಿಸಿಕೊಂಡಿದ್ದಾರೆ. ಅರ್ಥಾತ್ ಅವರು ಹಳೇದನ್ನೆಲ್ಲ ನೆನಪಿಸಿಕೊಳ್ಳಲಿಕ್ಕೆ ಕಾರಣ 'ಕಿರಿಕ್​ ಪಾರ್ಟಿ' ಚಿತ್ರದಲ್ಲಿನ 'ಬೆಳಗೆದ್ದು..' ಹಾಡು. ಹೌದು.. ಆ ಚಿತ್ರದ 'ಬೆಳಗೆದ್ದು ಯಾರ ಮುಖವ ನಾನು ನೋಡಿದೆ..' ಎಂಬ ಹಾಡು 10 ಕೋಟಿ ವೀಕ್ಷಣೆಯನ್ನು ಕಂಡಿದೆ.

ನನ್ನ ಪ್ರಪ್ರಥಮ ಹಾಡು 'ಬೆಳಗೆದ್ದು..' 100 ಮಿಲಿಯನ್​ ವ್ಯೂಸ್​ ಕಂಡಿದೆ ಎಂದು ಖುಷಿ ಪಟ್ಟಿರುವ ರಶ್ಮಿಕಾ, 'ನನಗೆ ಈ ಹಾಡಿನ ಮೇಕಿಂಗ್ ನೆನಪಾಗುತ್ತಿದೆ. ಅದರ ಆ ಎಡಿಟಿಂಗ್​ ಕ್ಷಣಗಳನ್ನೆಲ್ಲ ಮತ್ತೆ ಜೀವಿಸುವ ಮೂಲಕ ನನ್ನೊಳಗೆ ಸಾನ್ವಿಯನ್ನು ಕಾಣುತ್ತಿದ್ದೇನೆ. ಆಹಾ ಅದೆಂಥ ಪ್ರಯಾಣ!' ಎಂಬುದಾಗಿ ಟ್ವೀಟ್ ಮೂಲಕ ಸಂಭ್ರಮ ಹಂಚಿಕೊಂಡಿದ್ದಾರೆ. ಈ ಹಾಡಿನ ಸಾಹಿತ್ಯವನ್ನು ಧನಂಜಯ್ ರಂಜನ್ ರಚಿಸಿದ್ದು, ಅಜನೀಶ್ ಲೋಕನಾಥ್ ಸಂಗೀತ ಸಂಯೋಜಿಸಿದ್ದು, ವಿಜಯ್ ಪ್ರಕಾಶ್ ಹಾಡಿದ್ದಾರೆ.

https://www.vijayavani.net/rachita-ram-about-her-shopping-experience-at-commercial-street-for-her-upcoming-film-veeram/

https://www.vijayavani.net/fir-registered-against-producer-k-manju-in-cheating-case/

https://www.vijayavani.net/asha-bhat-enjoying-vacation-in-grandmother-house/