ಹಾಲಿವುಡ್​ಗೆ ಹೊರಟ ಬಾಲಿವುಡ್​ ಚಿತ್ರ; "ಕಿಲ್​' ಮೇಲೆ ಕಣ್ಣು ಹಾಕಿದ "ಜಾನ್​ ವಿಕ್​' ನಿರ್ದೇಶಕ

ವಿಜಯವಾಣಿ ಸುದ್ದಿಜಾಲ ಬೆಂಗಳೂರು

ನಿಖಿಲ್​ ನಾಗೇಶ್​ ಭಟ್​ ನಿರ್ದೇಶನದ, ಲಕ್ಷ$್ಯ ತಾನ್ಯಾ, ರಾವ್​ ಜುಯೆಲ್​ ಮುಖ್ಯ ಭೂಮಿಕೆಯಲ್ಲಿ ನಟಿಸಿರುವ ಆ್ಯಕ್ಷನ್​ ಥ್ರಿಲ್ಲರ್​ "ಕಿಲ್​' ಶುಕ್ರವಾರ ರಿಲೀಸ್​ ಆಗಿದೆ. ವಿಶೇಷ ಅಂದರೆ ರಿಲೀಸ್​ಗೂ ನಾಲ್ಕು ದಿನ ಮುನ್ನವೇ ಚಿತ್ರತಂಡಕ್ಕೆ ಶುಭಸುದ್ದಿ ದೊರೆತಿದೆ. ಹಾಲಿವುಡ್​ನ ಸೂಪರ್​ಸ್ಟಾರ್​ ಕಿಯಾನು ರೀವ್ಸ್​ ಅಭಿನಯದ "ಜಾನ್​ ವಿಕ್​' ಖ್ಯಾತಿಯ ನಿರ್ದೇಶಕ ಚಾಡ್​ ಸ್ಟಹೆಲ್ಸ್​ಕಿ "ಕಿಲ್​' ಚಿತ್ರದ ಇಂಗ್ಲೀಷ್​ ರಿಮೇಕ್​ ನಿರ್ಮಿಸುವುದಾಗಿ ಘೋಷಣೆ ಮಾಡಿದ್ದಾರೆ. 87 ಇಲೆವೆನ್​ ಎಂಟರ್​ಟೇನ್ಮೆಂಟ್​ ಮತ್ತು ಲಯನ್ಸ್​ಗೇಟ್​ ನಿರ್ಮಾಣ ಸಂಸ್ಥೆಗಳು ಜಂಟಿಯಾಗಿ "ಕಿಲ್​' ಹಾಲಿವುಡ್​ ರಿಮೇಕ್​ ನಿರ್ಮಿಸಲಿವೆ. ಹಾಗಂತ ಭಾರತೀಯ ಸಿನಿಮಾವೊಂದು ಹಾಲಿವುಡ್​ನಲ್ಲಿ ರಿಮೇಕ್​ ಆಗುತ್ತಿರುವುದು ಇದೇ ಮೊದಲೇನಲ್ಲ. ಈಗಾಗಲೇ ಹಲವು ಚಿತ್ರಗಳು ಇಂಗ್ಲೀಷ್​ನಲ್ಲಿ ಹೊಸ ರೂಪ ಪಡೆದು, ವಿಶ್ವಾದ್ಯಂತ ಪ್ರೇಕ್ಷಕರನ್ನು ತಲುಪಿವೆ, ರಂಜಿಸಿವೆ.

10 ಭಾಷೆಗಳಲ್ಲಿ "ದೃಶ್ಯಂ' ಅನಾವರಣ
ಮೋಹನ್​ ಲಾಲ್​ ನಟಿಸಿದ್ದ, ಜೀತು ಜೋಸ್​ೆ ನಿರ್ದೇಶಿಸಿದ್ದ 2013ರ ಹಿಟ್​ ಮಲಯಾಳಂ ಸಿನಿಮಾ "ದೃಶ್ಯಂ', ಈಗಾಗಲೇ ಕನ್ನಡ, ಹಿಂದಿ, ತೆಲುಗು, ಸಿಂಹಳ, ಮಂಡಾರಿನ್​ ಭಾಷೆಗಳಲ್ಲಿ ರಿಮೇಕ್​ ಆಗಿದೆ. ಅದರ ಬೆನ್ನಲ್ಲೇ ಇದೀಗ ಕೊರಿಯನ್​, ಸ್ಪ್ಯಾನಿಶ್​ ಮತ್ತು ಇಂಗ್ಲೀಷ್​ನಲ್ಲಿ ರಿಮೇಕ್​ ಆಗಲಿದ್ದು, ಸದ್ಯ ಪ್ರಿ&ಪ್ರೊಡಕ್ಷನ್​ ಕೆಲಸಗಳು ಭರದಿಂದ ಸಾಗಿವೆ. ಜತೆಗೆ "ದೃಶ್ಯಂ' ರಿಮೇಕ್​ ಹಕ್ಕುಗಳನ್ನು ಖರೀದಿಸಿರುವ ಪನೋರಮಾ ಸ್ಟುಡಿಯೋಸ್​ ಸಂಸ್ಥೆ ಮುಂದಿನ ಐದು ವರ್ಷಗಳಲ್ಲಿ ವಿಶ್ವಾದ್ಯಂತ 10 ಭಾಷೆಗಳಲ್ಲಿ ಈ ಸಿನಿಮಾ ನಿರ್ಮಿಸಲು ಯೋಜನೆ ಮಾಡಿಕೊಂಡಿದೆ.

"ಫಿಯರ್​' ಆಯಿತು "ಡರ್​'
ಶಾರುಖ್​ ಖಾನ್​ ನಾಯಕನಾಗಿದ್ದ 1993ರ ಸಿನಿಮಾ "ಡರ್​' ಬಾಕ್ಸಾಫಿಸಿನಲ್ಲಿ ಭರ್ಜರಿ ಗಳಿಕೆ ಮಾಡಿಕೊಂಡಿತ್ತು. ಜತೆಗೆ ಶಾರುಖ್​ಗೆ ಸ್ಟಾರ್​ ಪಟ್ಟ ನೀಡಿತ್ತು. ಆ ಚಿತ್ರದಿಂದ ಸ್ಪೂರ್ತಿ ಪಡೆದಿದ್ದ ಹಾಲಿವುಡ್​ ನಿರ್ದೇಶಕ ಜೇಮ್ಸ್​ ಾಲೆ 1996ರಲ್ಲಿ "ಫಿಯರ್​' ಸಿನಿಮಾ ಮಾಡಿದ್ದರು. ಅದರಲ್ಲಿ ಮಾರ್ಕ್​ ವಾಹ್ಲ್​ರ್ಬಗ್​ ಶಾರುಖ್​ ಪಾತ್ರದಲ್ಲಿ ಹಾಗೂ ರೀಸ್​ ವಿದರ್​ಸ್ಪೂನ್​, ಜೂಹಿ ಚಾವ್ಲಾ ಪಾತ್ರದಲ್ಲಿ ನಟಿಸಿದ್ದರು.

ಓಲ್ಡ್​ ಈಸ್​ ಗೋಲ್ಡ್​
1976ರಲ್ಲಿ ಬಸು ಚಟರ್ಜಿ ನಿರ್ದೇಶಿಸಿದ್ದ "ಛೋಟಿ ಸೀ ಬಾತ್​' ಚಿತ್ರದಿಂದ ಸ್ಪೂರ್ತಿ ಪಡೆದು ಹಾಲಿವುಡ್​ ನಿರ್ದೇಶಕ ಆ್ಯಂಡಿ ಟೆನ್ನಂಟ್​ 2005ರಲ್ಲಿ "ಹಿಚ್​' ಸಿನಿಮಾ ಮಾಡಿದ್ದರು. ವಿಲ್​ ಸ್ಮಿತ್​ ಮತ್ತು ಈವಾ ಮೆಂಡಿಸ್​ ಮುಖ್ಯ ಭೂಮಿಕೆಯಲ್ಲಿ ನಟಿಸಿದ್ದ ಚಿತ್ರವಿದು. ಕ್ರಮೇಣ ಅದೇ ಸಿನಿಮಾ ಮತ್ತೆ 2007ರಲ್ಲಿ "ಪಾರ್ಟನರ್​'ಆಗಿ ಬಾಲಿವುಡ್​ನಲ್ಲಿ ರಿಮೇಕ್​ ಆಗಿತ್ತು. ಈ ರಿಮೇಕ್​ನಲ್ಲಿ ಸಲ್ಮಾನ್​ ಖಾನ್​, ಗೋವಿಂದ ಮತ್ತು ಕತ್ರಿನಾ ಕ್​ೈ ನಟಿಸಿದ್ದರು.

ಕಾಮನ್​ ಮ್ಯಾನ್​ ಆಯಿತು ಎ ವೆನಸ್ಡೇ
ನೀರಜ್​ ಪಾಂಡೆ ನಿರ್ದೇಶನದಲ್ಲಿ ನಾಸಿರುದ್ದೀನ್​ ಶಾ ಮತ್ತು ಅನುಪಮ್​ ಖೇರ್​ ಮುಖ್ಯ ಭೂಮಿಕೆಯಲ್ಲಿ ನಟಿಸಿದ್ದ "ಎ ವೆನಸ್ಡೇ' ಸಿನಿಮಾ 2008ರಲ್ಲಿ ರಿಲೀಸ್​ ಆಗಿತ್ತು. 2013ರಲ್ಲಿ ರಿಲೀಸ್​ ಆದ ಅದರ ಇಂಗ್ಲೀಷ್​ ರಿಮೇಕ್​ನಲ್ಲಿ ಆಸ್ಕರ್​ ಪ್ರಶಸ್ತಿ ವಿಜೇತ ನಟಿ ಬೆನ್​ ಕಿಂಗ್​ಸ್ಲಿ ಮತ್ತು ಬೆನ್​ ಕ್ರಾಸ್​ ನಟಿಸಿದ್ದರು. ಹಾಲಿವುಡ್​ ರಿಮೇಕ್​ಗೂ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗಿತ್ತು.

ಹಾಲಿವುಡ್​ನಲ್ಲಿ ಜಬ್​ ವಿ ಮೆಟ್​
ಶಾಹಿದ್​ ಕಪೂರ್​, ಕರೀನಾ ಕಪೂರ್​ ನಟಿಸಿದ್ದ, ಇಮ್ತಿಯಾಜ್​ ಅಲಿ ನಿರ್ದೇಶಿಸಿದ್ದ ರೊಮ್ಯಾಂಟಿಕ್​ ಕಾಮಿಡಿ "ಜಬ್​ ವಿ ಮೆಟ್​' 2007ರಲ್ಲಿ ರಿಲೀಸ್​ ಆಗಿತ್ತು. ಅದರಿಂದ ಸ್ಪೂರ್ತಿ ಪಡೆದ "ಲೀಪ್​ ಇಯರ್​' ಎಂಬ ಹಾಲಿವುಡ್​ ಸಿನಿಮಾ 2010ರಲ್ಲಿ ಬಿಡುಗಡೆಯಾಯಿತು. ಆನಂದ್​ ಟಕ್ಕರ್​ ನಿರ್ದೇಶಿಸಿದ್ದ ಈ ಚಿತ್ರದಲ್ಲಿ ಏಮಿ ಅಡಮ್ಸ್​ ಮತ್ತು ಮ್ಯಾಥ್ಯೂ ಗೂಡ್​ ನಟಿಸಿದ್ದರು.

ರಿಮೇಕ್​ ಆಗಿರುವ ಚಿತ್ರಗಳು
ರಾಜ್​ ಕಪೂರ್​ 1964ರಲ್ಲಿ ನಟಿಸಿ ನಿರ್ದೇಶಿಸಿದ್ದ ಹಿಟ್​ ಸಿನಿಮಾ "ಸಂಗಮ್​', 2001ರಲ್ಲಿ "ಪರ್ಲ್​ ಹಾರ್ಬರ್​' ಹೆಸರಿನಲ್ಲಿ ರಿಮೇಕ್​ ಆಗಿತ್ತು. ಬಾಲಿವುಡ್​ನ "ವಿಕ್ಕಿ ಡೋನರ್​', ಹಾಲಿವುಡ್​ನಲ್ಲಿ "ಡೆಲಿವರಿ ಮ್ಯಾನ್​' ಆಗಿದೆ. "ಮೈನೆ ಪ್ಯಾರ್​ ಕ್ಯೂ ಕಿಯಾ', "ಜಸ್ಟ್​ ಗೋ ವಿತ್​ ಇಟ್​' ಆಗಿದೆ. "ಲೇಡೀಸ್​ ವರ್ಸಸ್​ ವಿಕ್ಕಿ ಬೆಹ್ಲ್​'& "ದ ಅದರ್​ ವಿಮೆನ್​', "ಅಭಯ್​' & "ಕಿಲ್​ ಬಿಲ್​', "ರಂಗೀಲಾ' & "ವಿನ್​ ಎ ಡೇಟ್​ ವಿತ್​ ಟ್ಯಾಡ್​ ಹ್ಯಾಮಿಲ್ಟನ್​', 1997ರ ತೆಲುಗು ಸಿನಿಮಾ "ಆಹ್ವಾನಮ್​' ಹಾಲಿವುಡ್​ನಲ್ಲಿ "ದ ಡಿವೋರ್ಸ್​ ಇನ್ವಿಟೇಷನ್​' ಆಗಿದೆ. 1964ರ "ಚಾರುಲತಾ', 2005ರಲ್ಲಿ "ಾರ್ಟಿ ಶೇಡ್ಸ್​ ಆ್​ ಬ್ಲೂ' ಎಂಬ ಹೆಸರಿನಲ್ಲಿ ರಿಮೇಕ್​ ಆಗಿದೆ.