ಇನ್ನು, ಅಂದಿನಿಂದ ಇಂದಿನವರೆಗೆ ನಟಿ ಕೃತಿ ಶೆಟ್ಟಿ ಮಾಡಿರುವ ಎಲ್ಲಾ ಚಿತ್ರಗಳು ಯಶಸ್ಸು ಕಂಡಿವೆ. ಸದ್ಯ, ನಟಿ ಕೃತಿ ಶೆಟ್ಟಿ ಹೆಸರು ಬಿಗ್ ಸ್ಟಾರ್ ನಟರ ಜೊತೆಗೆ ಕೇಳಿ ಬರ್ತಿದೆ. ಅಂದಹಾಗೆ, ಸಿನಿಮಾಗಳನ್ನು ತುಂಬಾ ಹುಷಾರಾಗಿ ಅಯ್ಕೆ ಮಾಡಿಕೊಳ್ಳುವ ಕೃತಿ, ಹಲವು ಸಿನಿಮಾಗಳನ್ನು ರಿಜೆಕ್ಟ್ ಮಾಡಿಯೇ ಸುದ್ದಿಯಾಗಿದ್ದರು. ಇತ್ತೀಚೆಗೆ, ನಟಿ ಕೃತಿ ಶೆಟ್ಟಿ ಅವರು ಬಾಲಯ್ಯನ 107 ನೇ ಸಿನಿಮಾದಲ್ಲಿ ಅಭಿನಯಿಸುವ ಆಫರ್ ಬೇಡ ಎಂದಿದ್ದಾರಂತೆ. ಸದ್ಯಕ್ಕೆ, ನಟಿ ಕೃತಿ ಚಿತ್ರರಂಗದಲ್ಲಿ ಹೆಚ್ಚು ವಯಸ್ಸಾಗಿರುವ ಹಿರಿಯ ನಟರ ಜೊತೆಗೆ ಅಭಿನಯ ಮಾಡುವುದಿಲ್ಲ ಎಂಬ ಮಾತುಗಳು ಕೇಳಿಬಂದಿದ್ದವು. ಆದರೆ, ಈಗ ಒಬ್ಬ ಸ್ಟಾರ್ ನಟನ ಸಿನಿಮಾ ಒಪ್ಪಿಕೊಳ್ಳುವ ಮೂಲಕ ಹೆಚ್ಚು ಹೆಚ್ಚು ಸುದ್ದಿಯಲ್ಲಿದ್ದಾರೆ.
ಸದ್ಯ, ನ್ಯಾಷನಲ್ ಕ್ರಶ್ ನಟಿ ರಶ್ಮಿಕಾ ಮಂದಣ್ಣ, ಬುಟ್ಟ ಬೊಮ್ಮಾ ಪೂಜಾ ಹೆಗ್ಡೆ ಬಿಟ್ಟರೆ ಟಾಲಿವುಡ್ನಲ್ಲಿ ಅತಿ ಹೆಚ್ಚು ಹೆಸರು ಮಾಡುತ್ತಿರುವ ನಟಿ ಅಂದರೆ ಅದು ಕೃತಿ ಶೆಟ್ಟಿ ಎನ್ನಲಾಗಿದೆ. ನಟಿ ಕೃತಿ ಶೆಟ್ಟಿ ಈಗ 'ಬಾಹುಬಲಿ' ನಟ ಡಾರ್ಲಿಂಗ್ ಪ್ರಭಾಸ್ ಅವರ ಜೊತೆಗೆ ತೆರೆಹಂಚಿಕೊಳ್ಳುತ್ತಿದ್ದಾರೆ ಎಂಬ ಸುದ್ದಿಗಳು ಕೇಳಿಬರುತ್ತಿವೆ. ಕೃತಿ ಶೆಟ್ಟಿ ಅವರಿಗೆ ಪ್ರಭಾಸ್ ಜೊತೆಗೆ ಅಭಿನಯಿಸುವ ಒಂದು ಅವಕಾಶ ಸಿಕ್ಕಿದೆಯಂತೆ. ನಟ ಪ್ರಭಾಸ್ ಅವರ ಮುಂಬರುವ ನಿರ್ದೇಶಕ ಮಾರುತಿ ಅವರ 'ರಾಜಾ ಡಿಲಕ್ಸ್' ಸಿನಿಮಾದಲ್ಲಿ ಕೃತಿ ನಾಯಕಿಯಾಗಿ ಕಾಣಿಸಿಕೊಳ್ಳಲಿದ್ದಾರೆ ಎನ್ನಲಾಗಿದೆ.
