ಭೀಷ್ಮ ಪಾತ್ರದಾರಿಯ ಬದುಕನ್ನು ಬೀದಿಗೆ ತಂದ ಕರೊನಾ! ಬಾಡಿಗೆ ಕಟ್ಟಲೂ ಹಣವಿಲ್ಲದೆ ಒದ್ದಾಟ

ಮುಂಬೈ: ಹಿಂದಿಯ ಕೃಷ್ಣ ಧಾರಾವಾಹಿಯನ್ನು ನೋಡಿದವರಿಗೆ ಅದರಲ್ಲಿ ಭೀಷ್ಮ ಪಾತ್ರವನ್ನು ನಿರ್ವಹಿಸಿದ್ದ ಸುನಿಲ್​ ನಗರ್​ ನೆನಪಿರುತ್ತಾರೆ. ಅದ್ಭುತ ನಟನೆಯಿಂದಿಗೆ ಜನರ ಮನಸ್ಸನ್ನು ಗೆದ್ದಿದ್ದ ಅವರು ಅನೇಕ ಸಿನಿಮಾಗಳಲ್ಲೂ ಕಾಣಿಸಿಕೊಂಡಿದ್ದರು. ಆದರೆ ಇದೀಗ ಅವರ ಜೀವನ ಅತ್ಯಂತ ಕಷ್ಟವಾಗಿದೆ.

ಅವರಿಗೆ ಮೊದ ಮೊದಲು ನಟನೆಗೆ ತುಂಬಾ ಅವಕಾಶಗಳು ಬರುತ್ತಿದ್ದವಂತೆ. ಆದರೆ ವಯಸ್ಸಾದ ಮೇಲೆ ಅವಕಾಶಗಳು ಕಡಿಮೆಯಾಗಿವೆ. ಆರ್ಥಿಕ ಸ್ಥಿತಿ ಹದಗೆಡಲಾರಂಭಿಸಿದೆ. ಆ ಕಾರಣದಿಂದಾಗಿ ಅವರು ಮುಂಬೈನಲ್ಲಿದ್ದ ತಮ್ಮ ಸ್ವಂತ ಮನೆಯನ್ನು ಮಾರಾಟ ಮಾಡಿ ಬಾಡಿಗೆ ಮನೆಗೆ ಶಿಫ್ಟ್​ ಆಗಿದ್ದಾರೆ. ಗಾಯನವೂ ಗೊತ್ತಿದ್ದಿದ್ದರಿಂದ ಅದನ್ನೇ ಬಂಡವಾಳ ಮಾಡಿಕೊಂಡು, ರೆಸ್ಟೋರೆಂಟ್​ ಒಂದರಲ್ಲಿ ಹಾಡು ಹೇಳುವ ಕೆಲಸ ಆರಂಭಿಸಿದ್ದಾರೆ. ಆದರೆ ಕಳೆದ ವರ್ಷದಿಂದ ಕರೊನಾ ಕಾರಣಕ್ಕೆ ಲಾಕ್​ಡೌನ್​ ಮಾಡುತ್ತಿರುವುದರಿಂದಾಗಿ ಅವರ ಕೆಲಸಕ್ಕೂ ಕತ್ತರಿ ಬಿದ್ದಿದೆ. ಕೂಡಿಟ್ಟುಕೊಂಡಿದ್ದ ಸಂಬಳ ಪೂರ್ತಿಯಾಗಿ ಖಾಲಿಯಾಗಿದೆ.

ಇದೀಗ ಮತ್ತೊಮ್ಮೆ ಮುಂಬೈ ಲಾಕ್​ಡೌನ್​ ಆಗಿರುವುದರಿಂದಾಗಿ ಜೀವನ ಸಂಕಷ್ಟಕ್ಕೆ ಸಿಲುಕಿದೆ. ಕಳೆದ ಕೆಲ ತಿಂಗಳಿಂದ ಮನೆ ಬಾಡಿಗೆ ಕಟ್ಟುವುದಕ್ಕೂ ಹಣವಿಲ್ಲದೆ ಒದ್ದಾಡುತ್ತಿರುವುದಾಗಿ ಅವರ ಸ್ನೇಹಿತರೊಬ್ಬರು ಸಾಮಾಜಿಕ ಜಾಲತಾಣಗಳಲ್ಲಿ ಮಾಹಿತಿ ಹಂಚಿಕೊಂಡಿದ್ದಾರೆ.(ಏಜೆನ್ಸೀಸ್​)

https://www.vijayavani.net/ashok-gehlot-test-positive-for-coronavirus/

https://www.vijayavani.net/m-man-shoots-his-pregnant-wife/

https://www.vijayavani.net/women-complaints-on-husband/