ಕೋಟಿಗೊಬ್ಬ 3 ಚಿತ್ರದ ವಿಮರ್ಶೆ: ಅವರನ್​ಬಿಟ್​ ಇವರನ್​ಬಿಟ್​ ಅವರ್ಯಾರು?

| ಚೇತನ್​

ಎಲ್ಲರೂ ಇದು ಅವನದೇ ಆಟ ಅಂದುಕೊಂಡಿರುತ್ತಾರೆ. ಪೋಲ್ಯಾಂಡ್​ನಲ್ಲಾದ ಬ್ಲಾಸ್ಟ್​ಗಳು, ಅಲ್ಲಿನ ಮ್ಯೂಜಿಯಂನಲ್ಲಿ ಕಳ್ಳತನ, ಇಂಟರ್​ಪೋಲ್​ನವರೊಂದಿಗೆ ಕಣ್ಣಾಮುಚ್ಚಾಲೆಯಾಟ ... ಇದೆಲ್ಲದರಲ್ಲೂ ಸತ್ಯನ ಕೈವಾಡ ಇದೆ ಎಂದು ನಂಬಿರುತ್ತಾರೆ. ಹಿಂದಿನ ಭಾಗದಂತೆ ಇಲ್ಲೂ ಶಿವ ಎಂಬ ಇನ್ನೊಂದು ಹೆಸರಿನಲ್ಲಿ ಸತ್ಯನೇ ಮಾಡುತ್ತಿದ್ದಾನೆ ಎಂಬ ತೀರ್ಮಾನಕ್ಕೆ ಎಲ್ಲರೂ ಬಂದಿರುತ್ತಾರೆ. ಈ ಬಾರಿ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಮಾಡುವಷ್ಟು ಬೆಳೆದಿದ್ದಾನೆ ಎಂದೇ ಎಲ್ಲರೂ ಭಾವಿಸಿರುತ್ತಾರೆ. ನಿಜಕ್ಕೂ ಇವೆಲ್ಲವನ್ನೂ ಸತ್ಯನೇ ಮಾಡುತ್ತಿದ್ದಾನಾ? ಅಥವಾ ಅವನ ಹಿಂದೆ ಕಾಣದ ಕೈಗಳೇನಾದರೂ ಇವೆಲ್ಲವನ್ನೂ ಮಾಡಿಸುತ್ತಿವೆಯಾ?

ಹಾಗಾಗಿ, ಚಿತ್ರವನ್ನು ಪುನ@ ಟ್ರಾಕ್​ಗೆ ತರುವುದಕ್ಕೆ ಸುದೀಪ್​ ನೆಲೆಯೂರುವವರಿಗೂ ಕಾಯಬೇಕು. ಅವರ ಜತೆಗೆ ರವಿಶಂಕರ್​ ಸೇರಿಕೊಳ್ಳುವವರೆಗೂ ತಾಳ್ಮೆಯಿಂದ ಇರಬೇಕು. ಇದೆಲ್ಲವೂ ಸಾಧ್ಯವಾಗುವುದು ದ್ವೀತಿಯಾರ್ಧದಲ್ಲಿ. ಅಲ್ಲಿಂದ ಚಿತ್ರಕ್ಕೊಂದು ವೇಗ ಸಿಗುತ್ತದೆ. ಚಿತ್ರ ಮುಗಿಯುವುದಕ್ಕೆ ಅರ್ಧ ಗಂಟೆ ಇರುವಾಗ, ಯಾರೂ ನಿರೀಸದ ಒಂದು ಸಖತ್​ ಟ್ವಿಸ್ಟ್​ ಇದೆ. ಅದೇ ಚಿತ್ರದ ದೊಡ್ಡ ಹೈಲೈಟ್​ ಎಂದರೆ ತಪ್ಪಿಲ್ಲ. ಸುದೀಪ್​ ಇಡೀ ಚಿತ್ರವನ್ನು ತಮ್ಮ ಹೆಗಲ ಮೇಲೆ ಹೊತ್ತಿದ್ದಾರೆ. ನಟನೆ, ಹಾಡು, ೈಟು ಎಲ್ಲದರಲ್ಲೂ ಮಿಂಚಿದ್ದಾರೆ. ರವಿಶಂಕರ್​ ಎಂದಿನಂತೆ ಇಷ್ಟವಾಗುತ್ತಾರಾದರೂ, ಅವರು ಪದೇಪದೇ ನಾಯಕನನ್ನು ಹೊಗಳುವುದು, ಬಿಲ್ಡಪ್​ ಕೊಡುವುದು ಕಿರಿಕಿರಿ ಎಂದನಿಸುತ್ತದೆ. ಮಿಕ್ಕ ಪಾತ್ರಗಳು ಹೇಗಾದರೂ ಇರಲಿ, ಪಾತ್ರಧಾರಿಗಳಂತೂ ತೀರಾ ಸಪ್ಪೆ. ಮಡೋನಾ, ಅ್ತಾಭ್​, ಶ್ರದ್ಧಾ ಮುಂತಾದವರು ಬಹಳ ಕಷ್ಟಪಟ್ಟು ನಟಿಸಿರುವುದು ಗೊತ್ತಾಗುತ್ತದೆ. ತಾಂತ್ರಿಕತೆಯ ವಿಷಯದಲ್ಲಿ ಚಿತ್ರ ಗಟ್ಟಿಯಾಗಿದೆ. ಅರ್ಜುನ್​ ಜನ್ಯಾ ಹಾಡುಗಳು, ಶೇಖರ್​ ಚಂದ್ರು ಛಾಯಾಗ್ರಣದ ಜತೆಗೆ ಗಮನಸೆಳೆಯುವ ಇನ್ನೊಂದು ಅಂಶವೆಂದರೆ ಅರುಣ್​ ಸಾಗರ್​ ಅವರ ಕಲಾ ನಿರ್ದೇಶನ. ಪರಿಸರವನ್ನು ಅದ್ಧೂರಿಯಾಗಿ ಕಟ್ಟಿಕೊಡಲು ಅರುಣ್​ ಪಾತ್ರವೂ ದೊಡ್ಡದಿದೆ. ಇವರೆಲ್ಲರ ಸಹಯೋಗದಿಂದ ಶಿವಕಾರ್ತಿಕ್​ ಮೊದಲ ಪ್ರಯತ್ನದಲ್ಲೇ ಗಮನಸೆಳೆಯುತ್ತಾರೆ.

ಚಿತ್ರ: ಕೋಟಿಗೊಬ್ಬ 3 ನಿರ್ದೇಶನ: ಶಿವಕಾರ್ತಿಕ್​ ನಿರ್ಮಾಣ: ಸೂರಪ್ಪ ಬಾಬು ತಾರಾಗಣ: ಸುದೀಪ್​, ಮಡೋನಾ ಸೆಬಾಸ್ಟಿಯನ್​, ರವಿಶಂಕರ್​, ನವಾಬ್​ ಷಾ, ರಂಗಾಯಣ ರು ಮುಂತಾದವರು.