ಸಂಪ್ರದಾಯದ ಸೊಬಗಿಗೆ ಸಿನಿ ಮೆರಗು: ದಕ್ಷಿಣ ಭಾರತದ ತುಳು ಆಚರಣೆಯಂತೆ ಕರಿಷ್ಮಾ ತನ್ನಾ ಸೀಮಂತ ಸಂಭ್ರಮ.. Karishma Tanna

ಪೋಸ್ಟ್ ಮಾಡಿದ ಮೊದಲ ವೀಡಿಯೊದಲ್ಲಿ ದಂಪತಿ ಸ್ನೇಹಿತರು ಮತ್ತು ಕುಟುಂಬದೊಂದಿಗೆ ಸುತ್ತುವರೆದಿರುವುದನ್ನು ತೋರಿಸಲಾಗಿದೆ. ಈ ವೇಳೆ ಅವರು ಹರಹರ ಮಹಾದೇವ್​ ಹಾಡನ್ನು ಹೇಳಿತ್ತಾ ತುಂಬಾ ಸಂತೋಷದಿಂದ ಸಮಯವನ್ನು ಕಳೆಯುತ್ತಿರುವುದನ್ನು ಕಾಣಬಹುದಾಗಿದೆ.

ಎರಡನೇ ವೀಡಿಯೊದಲ್ಲಿ, ಕರಿಷ್ಮಾ ತನ್ನಾ ಗೋಲ್ಡ್​ ಮತ್ತು ಕೆನೆ ಬಣ್ಣದ ಸೀರೆಯಲ್ಲಿ ಕಾಂತಿಯುತವಾಗಿ ಕಾಣಿಸಿಕೊಳ್ಳುತ್ತಿದ್ದರು. ಈ ಆಚರಣೆಗಳು ದಕ್ಷಿಣ ಭಾರತದ, ತುಳು ಸಂಸ್ಕೃತಿಯ ಸಾಂಪ್ರದಾಯಿಕ ಗೋಧ್ ಭರೈ ಪವಿತ್ರ ಸಂಪ್ರದಾಯಗಳಾಗಿವೆ.

ನಮ್ಮ ಮೊಟ್ಟಮೊದಲ ದಕ್ಷಿಣ ಭಾರತೀಯ ಶೈಲಿಯ ಗೋಧ್ ಭರೈ ಅವರ ಪ್ರೀತಿ, ಆಶೀರ್ವಾದ ಮತ್ತು ಭಾವನೆಗಳಲ್ಲಿ ನಾವಿನ್ನೂ ಮುಳುಗಿದ್ದೇವೆ. ಸುಂದರವಾದ ತುಳು ಆಚರಣೆಗಳು, ಪವಿತ್ರ ಸಂಪ್ರದಾಯಗಳು, ಮಂತ್ರಗಳು, ಹೂವುಗಳು, ಸೀರೆಗಳು ಮತ್ತು ಪ್ರತಿಯೊಂದು ಸಣ್ಣ ಪದ್ಧತಿಯನ್ನು ತುಂಬಾ ಹತ್ತಿರದಿಂದ ವೀಕ್ಷಿಸುವುದು ನಿಜವಾಗಿಯೂ ಮಾಂತ್ರಿಕವೆನಿಸಿತು. ಬಹುತೇಕ ನಾವು ಊಹಿಸಿದ್ದಕ್ಕಿಂತ ಹೆಚ್ಚಿನದಾಗಿ ಪಡೆದುಕೊಂಡಿದ್ದೇವೆ ಎಂದು ಪೋಸ್ಟ್ ಹಂಚಿಕೊಂಡಿದ್ದಾರೆ.

ಆದಾಗ್ಯೂ, ಪೂಜೆಗಳು ಮತ್ತು ಕುಟುಂಬದ ಆಶೀರ್ವಾದಗಳಿಂದ ಹಿಡಿದು ಪ್ರತಿಯೊಂದು ಆಚರಣೆಯಲ್ಲಿನ ಪ್ರೀತಿ ನಮಗೆ ಮತ್ತು ನಮ್ಮ ಪುಟ್ಟ ಮಗುವಿಗೆ ತುಂಬಾ ಶುದ್ಧ, ಭಾವನಾತ್ಮಕ ಮತ್ತು ಆಳವಾಗಿ ವಿಶೇಷವೆನಿಸಿದೆ. ಅತ್ಯಂತ ಸುಂದರವಾದ, ಸಾಂಪ್ರದಾಯಿಕ ರೀತಿಯಲ್ಲಿ ನಮ್ಮ ಕನಸು ನನಸಾಯಿತು. ಈ ಆಚರಣೆಗಳಿಂದ ನಮ್ಮ ಹೃದಯ ತುಂಬಿದೆ. ಈ ಹೊಸ ಅಧ್ಯಾಯಕ್ಕೆ ಒಟ್ಟಿಗೆ ಹೆಜ್ಜೆ ಹಾಕುತ್ತಿದ್ದಂತೆ ಆಳವಾದ ಕೃತಜ್ಞತೆ, ರಕ್ಷಣೆ, ಮುದ್ದು ಮತ್ತು ಪ್ರೀತಿಯಿಂದ ಸುತ್ತುವರೆದಿರುವ ಭಾವನೆ ಎಂದು ನಟಿ ಹೇಳಿದ್ದಾರೆ.

ಈ ಹಿಂದೆ ಕರಿಷ್ಮಾ ಮತ್ತು ವರುಣ್ ತಮ್ಮ ಗರ್ಭಧಾರಣೆಯ ಫೋಟೋಶೂಟ್‌ನ ಸರಣಿ ಚಿತ್ರಗಳನ್ನು ಹಂಚಿಕೊಳ್ಳುವ ಮೂಲಕ ಸಂಭ್ರಮದ ಸುದ್ದಿಯೊಂದನ್ನು ಘೋಷಿಸಿದ್ದರು. ಆ ಚಿತ್ರಗಳಲ್ಲಿ 'ಮಾಮ್' ಮತ್ತು 'ಡ್ಯಾಡ್' ಎಂದು ಬರೆದ ಬೇಸ್‌ಬಾಲ್ ಕ್ಯಾಪ್‌ಗಳನ್ನು ಧರಿಸಿ ಕಾಣಿಸಿಕೊಂಡಿದ್ದಾರೆ (ಏಜೆನ್ಸೀಸ್​).