ಮುಂಬೈ: ಕರೊನಾ ಹಿನ್ನೆಲೆಯಲ್ಲಿ ಆನ್ಲೈನ್ನಲ್ಲೇ ನಿಧಿ ಸಂಗ್ರಹ ಕೆಲಸ ಶುರುವಾಗಿದೆ. ಕೋಟಿ ಕೋಟಿ ಮೊತ್ತವನ್ನು ಸಂಗ್ರಹ ಮಾಡಿ ಸಮಸ್ಯೆ ಬಗೆಹರಿಸಲಾಗುತ್ತಿದೆ. ಇದೀಗ ‘ಐ ಫಾರ್ ಇಂಡಿಯಾ’ ಹೆಸರಿನಲ್ಲಿ ಇದೀಗ ಡಿಜಿಟಲ್ ಹಣ ಸಂಗ್ರಹಕ್ಕೆ ಬಾಲಿವುಡ್ ಮಂದಿ ಕೈ ಜೋಡಿಸಿದ್ದು, ಹಾಲಿವುಡ್ನವರೂ ದೇಣಿಗೆ ನೀಡುತ್ತಿದ್ದಾರೆ.
ಹೌದು, ಬಾಲಿವುಡ್ ನಿರ್ಮಾಪಕ ಕರಣ್ ಜೋಹರ್, ನಿರ್ದೇಶಕಿ ಜೋಯಾ ಅಖ್ತರ್ ಶುರು ಮಾಡಿದ್ದ ಈ ಅಭಿಯಾನಕ್ಕೆ, ಶಾರುಖ್ ಖಾನ್, ಪ್ರಿಯಾಂಕಾ ಚೋಪ್ರಾ, ಆಲಿಯಾ ಭಟ್, ಆಮೀರ್ ಖಾನ್, ಅಕ್ಷಯ್ ಕುಮಾರ್, ಹೃತಿಕ್ ರೋಷನ್ ಸೇರಿ ಹತ್ತಾರು ಕಲಾವಿದರು ಈ ಕಾರ್ಯದಲ್ಲಿ ತೊಡಗಿಸಿಕೊಂಡಿದ್ದಾರೆ. ಈ ಕಾರ್ಯಕ್ಕೆ ಇದೀಗ ಹಾಲಿವುಡ್ನ ಸೆಲೆಬ್ರಿಟಿಗಳೂ ಕೈ ಜೋಡಿಸಿದ್ದಾರೆ.
ಹಾಲಿವುಡ್ ನಟ ವಿಲ್ ಸ್ಮಿತ್, ಜೋನಸ್ ಸಹೋದರರು, ಬ್ರಾಯ್ನ್ ಅಡಾಮ್ಸ್ ಮುಂದೆ ಬಂದು ದೇಣಿಗೆ ನೀಡುತ್ತಿದ್ದಾರೆ. ಬಾಲಿವುಡ್ನ ಖ್ಯಾತ ಗಾಯಕರು, ಕ್ರಿಕೆಟಿಗರೂ ಈ ಡಿಜಿಟಲ್ ಫಂಡ್ ರೈಸಿಂಗ್ಗೆ ಕೈ ಜೋಡಿಸಿದ್ದು, ಶೀಘ್ರದಲ್ಲಿ ದೇಣಿಗೆ ಸಂಗ್ರಹಕ್ಕೆ ಆನ್ಲೈನ್ ಕನ್ಸರ್ಟ್ ಸಹ ಆಯೋಜಿಸಲಿದ್ದಾರಂತೆ. (ಏಜೆನ್ಸೀಸ್)
