ಇತ್ತೀಚೆಗೆ ಸ್ಯಾಂಡಲ್ವುಡ್ನಲ್ಲಿ ಸುವರ್ಣಪರ್ವ ಶುರುವಾಗಿದೆ. ‘ಕೆಜಿಎ್’, ‘ಕಾಂತಾರ’, ‘ವಿಕ್ರಾಂತ್ ರೋಣ’, ‘777 ಚಾರ್ಲಿ’ಯಂತಹ ಕನ್ನಡ ಮಣ್ಣಿನ ಸಿನಿಮಾಗಳು ರಾಷ್ಟ್ರ, ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಸದ್ದು ಮಾಡಿವೆ. ಅದರ ನಡುವೆ ಹೊಸ ಪ್ರತಿಭೆಗಳ ಆಗಮನ ಚಿತ್ರರಂಗದ ಭವಿಷ್ಯದ ಮೇಲಿನ ಭರವಸೆ ಹೆಚ್ಚಿಸಿದೆ. ಈ ವರ್ಷ ರಿಲೀಸ್ ಆದ ಚಿತ್ರಗಳಲ್ಲಿ ‘ಹೊಂದಿಸಿ ಬರೆಯಿರಿ’, ‘ರಾಘು’ ಹಾಗೂ ‘ಡೇರ್ಡೆವಿಲ್ ಮುಸ್ತಾಾ’ ಜನಮನ ಸೆಳೆಯುವಲ್ಲಿ ಸಕ್ಸಸ್ ಆಗಿವೆ. ವಿಶೇಷ ಅಂದರೆ, ಈ ಮೂರೂ ಚಿತ್ರಗಳಿಗೆ ಆ್ಯಕ್ಷನ್ ಕಟ್ ಹೇಳಿರುವುದು ಹೊಸ ನಿರ್ದೇಶಕರು. ಮೂವರೂ ತಮ್ಮ ಡೆಬ್ಯೂ, ನಡೆಸಿದ ಹೋರಾಟ, ಈಗ ಸಕ್ಸಸ್ನ ಖುಷಿಯನ್ನು ವಿಜಯವಾಣಿ ಜತೆ ಹಂಚಿಕೊಂಡಿದ್ದಾರೆ.
