ಕೆಎಸ್ಆರ್ಟಿಸಿ ಡ್ರೖೆವರ್ಗೆ ಬಾಲಿವುಡ್ ಅವಕಾಶ: ಸತ್ಯಜಿತ್ ಕೆಎಸ್ಆರ್ಟಿಸಿ ಬಸ್ ಡ್ರೖೆವರ್ ಆಗಿ ಒಂದಷ್ಟು ವರ್ಷ ಹುಬ್ಬಳ್ಳಿಯಲ್ಲಿ ಕೆಲಸ ಮಾಡಿದ್ದಾರೆ. ಬಸ್ ಚಾಲನೆ ವೃತ್ತಿಯಾದರೆ, ಅಭಿನಯ ಅವರಿಗೆ ಪ್ರವೃತ್ತಿಯಾಗಿತ್ತು. ಹಲವು ನಾಟಕಗಳಲ್ಲಿ ನಟಿಸಿದ್ದ ಅವರು, ‘ಅಲ್ಲಾ ನೀನೇ ಈಶ್ವರ್ ನೀನೇ’ ಎಂಬ ಚಿತ್ರದ ಮೂಲಕ ಕನ್ನಡ ಚಿತ್ರರಂಗಕ್ಕೆ ಬಂದರು. ಆದರೆ, ಅವರು ಬೇಡಿಕೆಯ ನಟರಾಗುವುದಕ್ಕೆ ಒಂದಿಷ್ಟು ಸಮಯ ಹಿಡಿಯಿತು. ಈ ಮಧ್ಯೆ, 1986ರಲ್ಲಿ ನಾನಾ ಪಾಟೇಕರ್ ಜತೆಗೆ ಹಿಂದಿಯ ‘ಅಂಕುಶ್’ ಚಿತ್ರದಲ್ಲಿ ನಟಿಸಿದರು. ಚಿತ್ರದಲ್ಲಿ ಅವರದ್ದು ರೌಡಿ ಪಾತ್ರವಾದರೂ, ಅದು ಜನಪ್ರಿಯವಾಯಿತು. ಸತ್ಯಜಿತ್ಗೆ ಹೆಸರು ಸಹ ತಂದುಕೊಟ್ಟಿತು. ಅಲ್ಲಿಂದ ಕನ್ನಡ ಚಿತ್ರರಂಗಕ್ಕೆ ವಾಪಸ್ಸಾದ ಅವರು, ‘ಅರುಣ ರಾಗ’, ‘ಮಿಸ್ಟರ್ ರಾಜ’ ಮುಂತಾದ ಚಿತ್ರಗಳಲ್ಲಿ ನಟಿಸಿದರು, ಅವರ ವಿಶಿಷ್ಟ ಮ್ಯಾನರಿಸಂ ಮತ್ತು ಮಾತಿನ ಶೈಲಿ ಪ್ರೇಕ್ಷಕರಿಗೆ ಮತ್ತು ಚಿತ್ರರಂಗದವರಿಗೆ ಇಷ್ಟವಾಯಿತು. ಕ್ರಮೇಣ ಸತ್ಯಜಿತ್ಗೆ ಕನ್ನಡ ಚಿತ್ರರಂಗದಲ್ಲಿ ಅವಕಾಶಗಳು ಹೆಚ್ಚಾಗಿ, ಮುಂದಿನ 25 ವರ್ಷಗಳಲ್ಲಿ ಕನ್ನಡ ಚಿತ್ರರಂಗದ ಬೇಡಿಕೆಯ ನಟರಾಗಿ ಬೆಳೆದರು. 600ಕ್ಕೂ ಅಧಿಕ ಚಿತ್ರಗಳಲ್ಲಿ ನಟಿಸಿದರು.
