ನಾನು ಹಲವು ವರ್ಷಗಳಿಂದ ಯೋಗ ಅಭ್ಯಾಸ ಮಾಡುತ್ತಿದ್ದೇನೆ. ಯೋಗ ಎನ್ನುವುದು ಜೀವನಶೈಲಿ ಆಗಿಬಿಟ್ಟಿದೆ. ದಿನ ಹೇಗೆ ಸ್ನಾನ ಮಾಡುತ್ತೇವೋ, ಊಟ ಮಾಡುತ್ತೇವೋ, ಯೋಗ ಸಹ ಜೀವನದ ಒಂದು ಭಾಗವಾಗಿಬಿಟ್ಟಿದೆ. ಯೋಗ ಎನ್ನುವುದು ಒಂದು ದಿನದ ವಿಷಯವಲ್ಲ. ವಿಶ್ವ ಯೋಗದಿಂದು ಯೋಗ ಮಾಡಿ ಪೋಸ್ ಕೊಡುವುದಲ್ಲ ಅಥವಾ ಹೊಸ ವರ್ಷದಿಂದ ಯೋಗ ಮಾಡುತ್ತೀನಿ ಎಂದು ಒಂದು ದಿನ ಮಾತ್ರ ಮಾಡುವುದಲ್ಲ. ಅದೊಂದು ಜೀವನಶೈಲಿಯಾಗಬೇಕು. ಯೋಗ ಎನ್ನುವುದು ಜೀವನದ ಒಂದು ಅಂಗವಾಗಬೇಕು. ಹಾಗಾದರೆ, ಆರೋಗ್ಯ ಸಾಕಷ್ಟು ಸುಧಾರಿಸುತ್ತದೆ. ಅದರಲ್ಲೂ ಈ ಕರೊನಾ ಕಾಲದಲ್ಲಿ ಪ್ರತಿಯೊಬ್ಬರೂ ಯೋಗಾಭ್ಯಾಸ ಮಾಡಿದರೆ, ಯಾವ ಸಮಸ್ಯೆ ಸಹ ಎದುರಾಗುವುದಿಲ್ಲ. ನಿತ್ಯ ಯೋಗಾಭ್ಯಾಸ ಮಾಡುತ್ತಿದ್ದರಿಂದ, ನನಗೆ ಕರೊನಾ ಪಾಸಿಟಿವ್ ಆದಾಗ, ಕೇವಲ ಮೂರು ದಿನಗಳಲ್ಲಿ ಚೇತರಿಸಿಕೊಂಡೆ. ಇಂಥ ಸಮಯದಲ್ಲಿ ಕಡ್ಡಾಯವಾಗಿ ಯೋಗ ಮಾಡಬೇಕು ಎಂದು ಸರ್ಕಾರ ನೀತಿ ರೂಪಿಸಬೇಕು. ಯೋಗ ಮಾಡುವುದರಿಂದ ಆಕ್ಸಿಜನ್ ಲೆವೆಲ್ ಹೆಚ್ಚಾಗುತ್ತದೆ.
- ಅನಿತಾ ಭಟ್
