ತಮಿಳು ಭಾಷೆ ಕಲಿಯುತ್ತಿದ್ದೇನೆ
ಈಗಾಗಲೇ ಎರಡು ತೆಲುಗು ಚಿತ್ರಗಳಲ್ಲಿ ಅಭಿನಯಿಸಿರುವ ಸಂಜನಾ, ಸದ್ಯ ಕನ್ನಡದಲ್ಲೇ ಬಿಜಿಯಿರುವ ಕಾರಣ ಕೆಲವು ತೆಲುಗು ಪ್ರಾಜೆಕ್ಟ್ ಬಂದರೂ ಒಪ್ಪಿಕೊಂಡಿರಲಿಲ್ಲವಂತೆ. ಅದರ ನಡುವೆ ಅವರು ತಮಿಳು ಭಾಷೆಯನ್ನೂ ಕಲಿಯುತ್ತಿದ್ದಾರಂತೆ. ‘ನನಗೆ ಕನ್ನಡ, ಹಿಂದಿ, ಇಂಗ್ಲೀಷ್ ಮತ್ತು ತೆಲುಗು ಭಾಷೆಗಳು ಗೊತ್ತು. ತೆಲುಗು ಸಿನಿಮಾ ನಟಿಸುತ್ತಲೇ ನಾನು ಭಾಷೆ ಕಲಿತಿದ್ದು. ಕೆಲ ತಿಂಗಳ ಹಿಂದೆ ನನಗೆ ತಮಿಳು ಆರ್ ಬಂದಿತ್ತು. ಆದರೆ, ಚಿತ್ರತಂಡದವರ ಜತೆ ಮಾತನಾಡುವಷ್ಟು ಕೂಡ ನನಗೆ ಆ ಭಾಷೆಯ ಮೇಲೆ ಹಿಡಿತವಿರಲಿಲ್ಲ. ಹೀಗಾಗಿಯೇ, ಈಗ ತೆಲುಗು ಭಾಷೆ ಕಲಿಯುತ್ತಿದ್ದೇನೆ’ ಎಂದು ಹೇಳಿಕೊಳ್ಳುತ್ತಾರೆ ಸಂಜನಾ. ಚಿತ್ರರಂಗಕ್ಕೆ ಹೊಸಬರಾದ ಕಾರಣ ಅವರು ತುಂಬ ಎಚ್ಚರಿಕೆಯಿಂದ ಕಥೆ ಆಯ್ಕೆ ಮಾಡಿಕೊಳ್ಳುತ್ತಾರಂತೆ. ‘ಬಂದ ಅವಕಾಶಗಳನ್ನೆಲ್ಲ ಒಪ್ಪಿಕೊಳ್ಳಲು ಇಷ್ಟವಿಲ್ಲ. ಚಿತ್ರತಂಡ, ನಿರ್ದೇಶಕರು, ನನ್ನ ಪಾತ್ರ, ಚಿತ್ರದ ಕಥೆ… ಹೀಗೆ ಎಲ್ಲವೂ ಇಷ್ಟವಾದರೆ ಮಾತ್ರ ಒಪ್ಪಿಕೊಳ್ಳುತ್ತೇನೆ’ ಎನ್ನುತ್ತಾರೆ ಸಂಜನಾ.
