ಬಾಲಿವುಡ್ ನಟಿ ಕಂಗನಾ ರಣಾವತ್ ಕಳೆದ ಒಂದು ವರ್ಷದಿಂದ ನಾಲ್ಕು ಚಿತ್ರಗಳಲ್ಲಿ ಬಿಜಿಯಿದ್ದಾರೆ. ಜತೆಗೆ ಅದೇ ಸಮಯದಲ್ಲಿ ನಾಲ್ಕು ಬಾರಿ ಅನಾರೋಗ್ಯದಿಂದಲೂ ಕಂಗೆಟ್ಟಿದ್ದಾರೆ. ಈ ಬಗ್ಗೆ ಸಾಮಾಜಿಕ ಜಾಲತಾಣದಲ್ಲಿ ಕಂಗನಾ, ‘ನಾನು ಕಳೆದ 12 ತಿಂಗಳಲ್ಲಿ ಡೆಂಘೀ, ಕೋವಿಡ್ - ಡೆಲ್ಟಾ, ಕೋವಿಡ್ - ಒಮಿಕ್ರಾನ್, ಮತ್ತು ಹಂದಿ ಜ್ವರಕ್ಕೆ ತುತ್ತಾಗಿದ್ದೆ. ಹೀಗೆ ಕಳೆದ ಒಂದು ವರ್ಷದಿಂದ ಸತತವಾಗಿ ಅನಾರೋಗ್ಯಕ್ಕೀಡಾಗಿದ್ದೆ. ಹೀಗೆ ಯಾಕೆ ಹೇಳುತ್ತಿದ್ದೇನೆಂದರೆ ಪ್ರತಿಯೊಬ್ಬರೂ ಕೆಲವೊಮ್ಮೆ ಕುಗ್ಗುತ್ತಾರೆ, ಹತಾಶರಾಗುತ್ತಾರೆ. ಬ್ಯಾಟ್ಮ್ಯಾನ್ನಂತಹ ಸೂಪರ್ಹೀರೋಗಳು ಸಹ. ಆದರೂ ನಡೆಯುತ್ತಿರಬೇಕು, ಮುಂದಕ್ಕೆ ಸಾಗುತ್ತಿರಬೇಕು’ ಎಂದು ಬರೆದುಕೊಂಡಿದ್ದಾರೆ.
