'ಅಪ್ಪನನ್ನು ಕಾಣುವ ಹಂಬಲದಿಂದ ನನ್ನನ್ನು ಕಿಡ್ನ್ಯಾಪ್​ ಮಾಡಿದ್ದರು'; ಸಿಎಂ ವಿಜಯ್ ಪುತ್ರ Jason Sanjay​ ಶಾಕಿಂಗ್ ಹೇಳಿಕೆ

ವಿಜಯ್​ ಅವರು ಮೊದಲ ಬಾರಿಗೆ ಚುನಾವಣೆಗೆ ನಿಂತು ಭರ್ಜರಿ ಗೆಲುವು ಕಂಡಿದ್ದಲ್ಲದೆ ಸಿಎಂ ಹುದ್ದೆಯನ್ನು ಅಲಂಕರಿಸಿಕೊಂಡಿದ್ದಾರೆ. ಆದರೆ, ಈ ಮಧ್ಯೆ ಅವರ ಅಭಿಮಾನಿಗಳಲ್ಲಿ ಅಸಮಾಧಾನ ಇರುವುದು ಎಂದರೆ ಅದು ಅವರು ಮತ್ತು ನಟಿ ತ್ರಿಷಾ ನಡುವಿನ ಒಡನಾಟ.

ತಮಿಳುನಾಡಿನ ಸಿಎಂ  ವಿಜಯ್​ ಅವರ ಪತ್ನಿ ಸಂಗೀತಾ ಡಿವೋರ್ಸ್​​​​ಗಾಗಿ ಅರ್ಜಿ ಸಲ್ಲಿಸಿದ ನಂತರ ವಿಜಯ್​ ಹಾಗೂ ತ್ರಿಷಾ ಅವರ ಒಡನಾಟ ಹೆಚ್ಚಾಗಿಯೇ ಕಾಣಿಸಿಕೊಂಡಿತ್ತು. ಇಬ್ಬರು ಲಿಫ್ಟ್​ನಲ್ಲಿ ಕಾಣಿಸಿಕೊಂಡ ಫೋಟೋಗಳು, ಒಟ್ಟಾಗಿ ರಶ್ಮಿಕಾ ಮದುವೆಯಲ್ಲಿ ಕಾಣಿಸಿಕೊಂಡಿದ್ದು ಇವೆಲ್ಲವು ಊಹಾಪೋಹಕ್ಕೆ ಪುಷ್ಠಿಯನ್ನು ನೀಡಿತ್ತು. 

ತಮಿಳುನಾಡಿನ ಸಿಎಂ ಆಗಿ ಪದಗ್ರಹಣ ಕಾರ್ಯಕ್ರಮ ನಡೆದಾಗಲೂ ಸಹ ವಿಜಯ್​ ಅವರ ಪತ್ನಿ ಸಂಗೀತ ಹಾಗೂ ಅವರ ಮಗ ಜೇಸನ್​ ಸಂಜಯ್​ ಹಾಗೂ ದಿವ್ಯಾ ಸಾಶಾ ಕಾಣಿಸಿಕೊಂಡಿರಲಿಲ್ಲ.  ಈ ಎಲ್ಲ ವಿಚಾರಗಳಿ ಒಂದಲ್ಲ ಒಂದು ದಿನ ಚರ್ಚೆಯಾಗುತ್ತಿರುವ ಹೊತ್ತಿನಲ್ಲಿ ಜೇಸನ್​ ಸಂಜಯ್​ ಅವರು ಮಾತನಾಡಿರುವ ಹಳೆಯ ವಿಡಿಯೋ ವೈರಲ್​​ ಆಗಿದ್ದು ನೆಟ್ಟಿಗರ ಗಮನವನ್ನು ಸೆಳೆದಿದೆ.

ಬಿಳಿ ಶರ್ಟ್​​ ಧರಿಸಿರುವ  ಜೇಸನ್​ ಸಂಜಯ್​ ಅವರ ಮುಂದೆ ನಿಂತ ಬಾಲಕನೊಬ್ಬನ ಬಳಿ ಹೀಗೆಂದು ಹೇಳಿಕೊಂಡಿದ್ದಾರೆ. 'ನಾನು ಶಾಲೆಯಲ್ಲಿ ಓದುವಾಗ ಟೈಟ್​ ಸೆಕ್ಯೂರಿಟಿ ಇತ್ತು. ಆದರೆ, ಒಂದು ದಿನ.  ನಾನು ನಿಂತಿದ್ದ ಸ್ವಲ್ಪ ದೂರದಲ್ಲಿ ನನ್ನ ತಂದೆ(ವಿಜಯ್​)ಅವರ ಅಭಿಮಾನಿ ನಿಂತಿದ್ದರು. ತಂದೆಯನ್ನು ನೋಡುವುದು ಅವರ ಹಂಬಲವಾಗಿತ್ತು. ಆದರೆ,  ಎಷ್ಟೊತ್ತು ಕಾದರೂ ತಂದೆ ಕಾಣಿಸಿಕೊಳ್ಳದ ಕಾರಣ ನನ್ನನ್ನು ಹೊತ್ತು ಓಡತೊಡಗಿದರು. ನಾನು ಭಯಭೀತನಾದೆ. ನನ್ನ ಬಳಿ ಇದ್ದ ಬ್ಯಾಗ್ ಬಾಟಲ್​ ಶೂ ಎಲ್ಲ ಬಿಸಾಡಿದೆ. ಆದರೆ, ಅಂದು ಅವರು ನನ್ನನ್ನು ಕಿಡ್ನ್ಯಾಪ್​ ಮಾಡಿಲ್ಲ. ಅಪ್ಪನನ್ನು ಹತ್ತಿರದಿಂದ ಕಾಣುವ ಆಸೆಯಿಂದಾಗಿ ಹೀಗೆ ನಡೆದುಕೊಂಡಿದ್ದರು ಎಂದು ತಿಳಿಸಿರುವುದು ವಿಡಿಯೋದಲ್ಲಿ ಇದೆ. 

ತಾಯಿ ಮತ್ತು ತಂದೆಯ ನಡುವಿನ ಈ ಬೆಳವಣಿಗೆ ಮಕ್ಕಳವರೆಗೂ ತಲುಪಿದೆ. ಈ ಕಾರಣದಿಂದಲೇ ಅವರು ವಿಜಯ್​ ಅವರ ಪದಗ್ರಹಣಕ್ಕೆ ಬಂದಿಲ್ಲ ಎಂದು ಹಲವರು ಮಾತನಾಡಿಕೊಂಡಿದ್ದರು. ಪ್ರಸ್ತುತ ವೈರಲ್ ಆಗಿರುವ ವಿಡಿಯೋ ಕಂಡ ನೆಟ್ಟಿಗರು ಇಬ್ಬರ ಮಧ್ಯೆ ವೈಮನಸ್ಸಿಲ್ಲ. ಹರಡಿರುವುದು ವದಂತಿಯಷ್ಟೇ ಎಂದಿದ್ದಾರೆ, (ಏಜೆನ್ಸೀಸ್).