‘ಚಿತ್ರದ ಟಾಕಿ ಭಾಗ ಬಹುತೇಕ ಮುಕ್ತಾಯವಾಗಿದೆ. ಇನ್ನೇನಿದ್ದರೂ ಭರ್ಜರಿ ಆಕ್ಷನ್ ಸನ್ನಿವೇಶ ಮತ್ತು ಹಾಡಿನ ಚಿತ್ರೀಕರಣ ಶುರುವಾಗಬೇಕಿದೆ. ಈಗಾಗಲೇ ಕಾಶ್ಮೀರದಲ್ಲಿ ಒಂದು ಹಾಡಿನ ಶೂಟಿಂಗ್ ಮುಗಿದಿದೆ. ಇನ್ನೂ ಮೂರು ಹಾಡುಗಳಿವೆ. ಅದ್ದೂರಿ ಸೆಟ್ ಮತ್ತು ಹೊರಾಂಗಣದಲ್ಲಿಯೂ ಹಾಡುಗಳನ್ನು ಸೆರೆಹಿಡಿಯುವ ಯೋಜನೆ ಇದೆ. ಎಲ್ಲ ಸೇರಿಸಿದರೂ ಅಕ್ಟೋಬರ್ ಮೊದಲ ವಾರದಲ್ಲಿ ಸಿನಿಮಾ ಮುಗಿಯಲಿದೆ’ ಎಂಬುದು ಅವರ ಮಾತು. ಪುನೀತ್ಗೆ ಪ್ರಿಯಾ ಆನಂದ್ ಜೋಡಿಯಾಗಿರುವ ಈ ಚಿತ್ರದಲ್ಲಿ, ಟಾಲಿವುಡ್ ನಟ ಶ್ರೀಕಾಂತ್, ಆದಿತ್ಯ ಮೆನನ್, ಅನು ಪ್ರಭಾಕರ್, ಶೈನ್ ಶೆಟ್ಟಿ, ಸಾಧು ಕೋಕಿಲ, ಚಿಕ್ಕಣ್ಣ ಸೇರಿ ಹಲವರಿದ್ದಾರೆ. ಕಿಶೋರ್ ಪತ್ತಿಕೊಂಡ ಈ ಚಿತ್ರಕ್ಕೆ ಬಂಡವಾಳ ಹೂಡುತ್ತಿದ್ದಾರೆ.
