‘ಜೈಲರ್’ ಸಿನಿಮಾದ ಕಥೆಯಲ್ಲಿ ವಿಶೇಷ ಅನಿಸುವಂಥ ಅಂಶಗಳು ಸಿಗದಿರಬಹುದು. ಟ್ರೇಲರ್ನಲ್ಲಿ ನೋಡಿದಾಗ ಬಹುತೇಕ ಕಥೆ ಅರ್ಥವಾಗಿಬಿಡುತ್ತದೆ. ಆದರೆ, ಈ ಹಿಂದೆ ನಟ ವಸಂತ್ ರವಿ ಹೇಳಿದಂತೆ, ಚಿತ್ರವನ್ನು ನಿರೂಪಿಸಿರುವ ರೀತಿ ಅಚ್ಚುಕಟ್ಟಾಗಿದೆ. ಸತ್ಯ, ನಿಷ್ಠೆ ಹಾಗೂ ಪ್ರಾಮಾಣಿಕವಾಗಿ ಕಾನೂನು ರಕ್ಷಣೆ ಮಾಡುವ ಪೊಲೀಸ್ ಅಧಿಕಾರಿಯೊಬ್ಬನ ಕಥೆಯನ್ನು ಹೇಳುತ್ತಲೇ ತಂದೆ-ಮಗನ ಬಾಂಧವ್ಯ, ಕುಟುಂಬದ ಬಗ್ಗೆ ಕಾಳಜಿ ಸೇರಿ ಹಲವು ಭಾವನಾತ್ಮಕ ಅಂಶಗಳಿಗೂ ಅವಕಾಶ ಕೊಟ್ಟು ಸಿನಿಮಾ ಮಾಡಲಾಗಿದೆ. ಒಂದೆಡೆ ಇಂಟರ್ವಲ್ ಬ್ಲಾಕ್, ್ಲ್ಯಾಶ್ಬ್ಯಾಕ್ ಸನ್ನಿವೇಶ, ರಜಿನಿಕಾಂತ್ ಹಾಗೂ ವಸಂತ್ ರವಿ ಅಭಿನಯ ಖುಷಿ ಕೊಡುತ್ತದೆ. ಮತ್ತೊಂದೆಡೆ ಕೆಲವು ಹಾಸ್ಯದ ಸನ್ನಿವೇಶಗಳು, ಜಾಕಿ ಶ್ರ್ಾ, ರಮ್ಯಾ ಕೃಷ್ಣ, ತಮನ್ನಾ, ಮಿರ್ನಾ ಮೆನನ್ ಪಾತ್ರಗಳು ಇನ್ನಷ್ಟು ಪಕ್ವವಾಗುವ ಅವಕಾಶವಿತ್ತು. ರಜಿನಿಕಾಂತ್ ಜತೆಗೆ ಸಿನಿಮಾದ ಶ್ರೀಮಂತಿಕೆಯನ್ನು ಹೆಚ್ಚಿಸಿದ್ದು ಖಳನಾಯಕನ ಪಾತ್ರ ಮಾಡಿರುವ ವಿನಾಯಕನ್ ಅಭಿನಯ.
