ಭಾರತದ ಸ್ಥಿತಿ ಚೆನ್ನಾಗಿಲ್ಲ, ಇಲ್ಲಿಗೆ ಬಂದ್ಬಿಡಮ್ಮ ಎಂದ ಪೋಷಕರಿಗೆ ನಟಿ ಜಾಕ್​ಲೀನ್ ಕೊಟ್ಟ​ ಉತ್ತರ ಏನಿರಬಹುದು?

ಮುಂಬೈ: ಬಾಲಿವುಡ್​ ಸಿನಿಮಾರಂಗದಲ್ಲಿ ನೆಲೆಕಂಡುಕೊಂಡಿರುವ ಶ್ರೀಲಂಕನ್ ಬೆಡಗಿ ಜಾಕ್​ಲೀನ್​ ಫರ್ನಾಂಡೀಸ್​ ಸದ್ಯ ಮುಂಬೈನಲ್ಲಿಯೇ ಬೀಡು ಬಿಟ್ಟಿದ್ದಾರೆ. ಭಾರತದಲ್ಲಿ ಕೋವಿಡ್ ಎರಡನೇ ಅಲೆಯ ತೀವ್ರತೆ ಹೆಚ್ಚಿರುವ ಈ ಸಂದರ್ಭದಲ್ಲಿ ಮನೆಯವರಿಂದಲೂ ಹೆಚ್ಚು ಒತ್ತಡಕ್ಕೆ ಒಳಗಾಗಿದ್ದಾರೆ ಜಾಕ್​ಲೀನ್​. ಸದ್ಯಕ್ಕೆ ಭಾರತ ಬಿಟ್ಟು ಬಂದುಬಿಡಮ್ಮ ಎಂದು ನಿತ್ಯ ಕರೆ ಮಾಡಿ ಕೇಳಿಕೊಳ್ಳುತ್ತಿದ್ದಾರಂತೆ. ಆದರೆ, ಅದ್ಯಾವುದಕ್ಕೂ ತಲೆ ಕೆಡಿಸಿಕೊಳ್ಳದ ಜಾಕ್​ಲೀನ್​ ನಾನು ಇಲ್ಲೇ ಇರ್ತೇನೆ ಎಂದಿದ್ದಾರೆ.

ಇದನ್ನೂ ಓದಿ: ಚಿತ್ರರಂಗದವರ ಲಸಿಕೆ ಅಭಿಯಾನವನ್ನು ಉದ್ಘಾಟಿಸಿದ ಡಿಸಿಎಂ ಅಶ್ವಥನಾರಾಯಣ್

ಕೋವಿಡ್ ಹಿನ್ನೆಲೆಯಲ್ಲಿ ಸದ್ಯ ಜಾಕ್​ಲೀನ್​ ಪೋಷಕರು ಬೆಹ್ರೆನ್​ ಮನೆಯಲ್ಲಿದ್ದಾರೆ. ಇಲ್ಲಿಗೆ ಬರುವಂತೆ ಒತ್ತಾಯಿಸುತ್ತಿದ್ದಾರೆ. ಈ ವಿಚಾರವನ್ನು ಸ್ವತಃ ಜಾಕ್​ಲೀನ್ ಹೇಳಿಕೊಂಡಿದ್ದಾರೆ. ಶ್ರೀಲಂಕಾದ ಒಂದಷ್ಟು ಸ್ನೇಹಿತರು ಮತ್ತು ನನ್ನ ಪೋಷಕರು ಸದ್ಯ ಬೆಹ್ರಿನ್​ನಲ್ಲಿದ್ದಾರೆ. ಭಾರತದ ಕೋವಿಡ್​ ಸ್ಥಿತಿಯನ್ನು ಟಿವಿಯಲ್ಲಿ ನೋಡಿ ಗಾಬರಿಯಾಗಿದ್ದಾರೆ. ಭಯದಲ್ಲಿಯೇ ನಿತ್ಯ ನನಗೆ ಕರೆ ಮಾಡಿ ಅಲ್ಲಿಗೆ ಬರುವಂತೆ ಕೇಳಿಕೊಳ್ಳುತ್ತಿದ್ದಾರೆ. ಆದರೆ, ನಾನು ಮಾತ್ರ ಅದ್ಯಾವುದರ ಬಗ್ಗೆ ತಲೆ ಕೆಡಿಸಿಕೊಂಡಿಲ್ಲ. ಇಲ್ಲಿ ಮಾಡಬೇಕಾದ ಕೆಲಸ ಬಹಳಷ್ಟಿದೆ. ಅದೆಲ್ಲವನ್ನು ಮುಗಿಸಿಕೊಂಡು ಬರುವುದಾಗಿ ಹೇಳಿಕೊಂಡಿದ್ದಾರೆ.

ಇದನ್ನೂ ಓದಿ: ಸಲ್ಮಾನ್​ ವೃತ್ತಿಜೀವನವನ್ನು ಸರ್ವನಾಶ ಮಾಡ್ತಾರಂತೆ ಕೆಆರ್​ಕೆ

ಅಂದಹಾಗೆ, ಕಳೆದ ವರ್ಷ ಸಲ್ಮಾನ್ ಖಾನ್​ ಅವರ ಪಾನ್​​ವೆಲ್​ ಫಾರ್ಮ್​ ಹೌಸ್​ನಲ್ಲಿ ಕಾಲ ಕಳೆದಿದ್ದ ಜಾಕ್​ಲೀನ್​, ಅಲ್ಲಿಯೇ ಇದ್ದುಕೊಂಡು ಆಲ್ಬಂ ಹಾಡೊಂದರಲ್ಲಿಯೂ ಕಾಣಿಸಿಕೊಂಡಿದ್ದರು. ಸಲ್ಮಾನ್ ಜತೆಗೂಡಿ ದಿನಸಿ ಪದಾರ್ಥಗಳನ್ನೂ ಹಂಚಿಕೆ ಮಾಡಿದ್ದರು.

https://www.vijayavani.net/akshay-kumars-prithviraj-gets-warning-from-karni-sena/