ಶ್ರೀಲಂಕಾಗೆ ಹೋಗುವ ಹೈ ಬಜೆಟ್ ಪ್ರವಾಸಿಗರು ಭಾರತಕ್ಕೆ ಬರಲ್ಲ ಯಾಕೆ...? ಕಹಿ ಸತ್ಯ ಬಿಚ್ಚಿಟ್ಟ ಶೆನಾಜ್ ಟ್ರೆಷರಿ! Shenaz Treasury

ಇತ್ತೀಚೆಗೆ ಶ್ರೀಲಂಕಾದ ಎಲ್ಲಾಗೆ ಪ್ರಯಾಣಿಸಿದ್ದ ಶೆನಾಜ್, ಶ್ರೀಲಂಕಾ ಮತ್ತು ಭಾರತದಲ್ಲಿ ಸಾರ್ವಜನಿಕ ಸ್ವಚ್ಛತೆಯ ಮಾನದಂಡಗಳನ್ನು ಹೋಲಿಸುವ ವೀಡಿಯೊವನ್ನು ಹಂಚಿಕೊಂಡಿದ್ದು, ಸದ್ಯ ಈ ವಿಡಿಯೋ ಇದೀಗ ಸಾಮಾಜಿಕ ಮಾಧ್ಯಮದಲ್ಲಿ ಗಮನ ಸೆಳೆಯುತ್ತಿದೆ.

ಶ್ರೀಲಂಕಾದ ರೈಲ್ವೆ ನಿಲ್ದಾಣದಲ್ಲಿ ನಿಂತು ಅಲ್ಲಿನ ವಿದೇಶಿ ಪ್ರವಾಸಿಗರ ಸಂಖ್ಯೆಯನ್ನು ತೋರಿಸುತ್ತಾ, ಶ್ರೀಲಂಕಾ ಆರ್ಥಿಕವಾಗಿ ಮತ್ತು ಭೌಗೋಳಿಕವಾಗಿ ಭಾರತಕ್ಕಿಂತ ಚಿಕ್ಕದಾಗಿದ್ದರೂ ವಿದೇಶಿ ಪ್ರವಾಸಿಗರನ್ನು ಸೆಳೆಯುವಲ್ಲಿ ಯಶಸ್ವಿಯಾಗಿದೆ. ಏಕೆಂದರೆ, ಅವರು ತಮ್ಮ ಪ್ರವಾಸಿ ತಾಣಗಳು, ರಸ್ತೆಗಳು ಮತ್ತು ಕಡಲತೀರಗಳನ್ನು ಅತ್ಯಂತ ಸ್ವಚ್ಛವಾಗಿಟ್ಟುಕೊಂಡಿದ್ದಾರೆ ಎಂದಿದ್ದಾರೆ. 

ನಿಲ್ದಾಣದಲ್ಲಿ ಅವರು ಹೊಂದಿರುವ ಕಸದ ಬುಟ್ಟಿಗಳನ್ನು ನೋಡಿದ ಶೆನಾಜ್, ನಾವು ಕೊಳಕಾಗಿರುವುದರಿಂದಲೇ ಭಾರತ ತನ್ನ ಪ್ರವಾಸೋದ್ಯಮವನ್ನು ಕಳೆದುಕೊಳ್ಳುತ್ತದೆ. ನನ್ನ ಪ್ರಕಾರ, ಭಾರತದಂತಹ ಅದ್ಭುತ ದೇಶದಲ್ಲಿ ನಮಗೆ ಇಷ್ಟೊಂದು ಪ್ರವಾಸಿಗರಿರಬೇಕಾಗಿತ್ತು, ಆದರೆ ದುರದೃಷ್ಟವಶಾತ್ ನಮ್ಮಲ್ಲಿ ಅಷ್ಟು ಜನ ಇಲ್ಲ. ಏಕೆಂದರೆ, ನಾವೆಲ್ಲರೂ ಸತ್ಯವನ್ನು ಒಪ್ಪಿಕೊಳ್ಳಲೇಬೇಕು. ನಾವು ವಿಶ್ವದ ಅತ್ಯಂತ ಕೊಳಕು ದೇಶಗಳಲ್ಲಿ ಇದ್ದೇವೆ ಎಂದು ನಿರಾಶೆ ವ್ಯಕ್ತಪಡಿಸಿದರು. 

ನಮ್ಮ ಸರ್ಕಾರ ಎಲ್ಲೆಡೆ ಕಸ ಎಸೆಯುವ ಮತ್ತು ಉಗುಳುವ ಜನರಿಗೆ ಏಕೆ ದಂಡ ವಿಧಿಸುವುದಿಲ್ಲ? ನಾವು ಕೊಳಕನ್ನು ಸಾಮಾನ್ಯವೆಂದು ಏಕೆ ಸ್ವೀಕರಿಸುತ್ತಿದ್ದೇವೆ? ನದಿಗಳು ಪ್ಲಾಸ್ಟಿಕ್​ನಿಂದ ತುಂಬಿವೆ, ಪ್ರವಾಸಿಗರು ಪರ್ವತಗಳು, ಕಡಲ ತೀರಗಳು ಮತ್ತು ದೇವಾಲಯಗಳ ಪಕ್ಕದಲ್ಲಿ ಕಸವನ್ನು ನೋಡುತ್ತಿದ್ದಾರೆ? ಎಂಬ ಶೀರ್ಷಿಕೆಯನ್ನು ಹಂಚಿಕೊಳ್ಳುವ ಮೂಲಕ ಸರ್ಕಾರವನ್ನು ಪ್ರಶ್ನಿಸಿದ್ದಾರೆ. 

ಆದಾಗ್ಯೂ, ಶ್ರೀಲಂಕಾ  ಭಾರತಕ್ಕೆ ಹೋಲಿಸಿದರೆ ಚಿಕ್ಕ ದೇಶ  2025 ರಲ್ಲಿ ಸುಮಾರು 2.36 ಮಿಲಿಯನ್ ಪ್ರವಾಸಿಗರನ್ನು ಸ್ವಾಗತಿಸಿತು. ಜೊತೆಗೆ ಪ್ರವಾಸೋದ್ಯಮವು 3.2 ಬಿಲಿಯನ್‌ಗಿಂತಲೂ ಹೆಚ್ಚು ಹಣ ಗಳಿಸಿತು. ಶ್ರೀಲಂಕಾಕ್ಕೆ ಭೇಟಿ ನೀಡಿದ ನಂತರ ಬಹುತೇಕ ಪ್ರತಿಯೊಬ್ಬ ಪ್ರಯಾಣಿಕರು ಅದೇ ಮಾತನ್ನು ಹೇಳುತ್ತಾರೆ. ಸ್ವಚ್ಛವಾದ ಬೀದಿಗಳು. ಕಡಿಮೆ ಅವ್ಯವಸ್ಥೆ. ಉತ್ತಮ ಪ್ರವಾಸಿ ಅನುಭವ. ಭಾರತದ ಪ್ರವಾಸೋದ್ಯಮದ ಬಗ್ಗೆ ಕಳಪೆ  ನೈರ್ಮಲ್ಯ ಮತ್ತು ಮೂಲಸೌಕರ್ಯದ ಕೊರತೆಯಿಂದಲೇ ಪ್ರವಾಸಿಗರ ಸಂಖ್ಯೆ ಕಡಿಮೆಯಾಗಲು ಕಾರಣ ಎಂದು ಶೆನಾಜ್​ ಹೇಳಿದ್ದಾರೆ. 

ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗುತ್ತಿದ್ದಂತೆಯೇ ಅನೇಕ ಬಳಕೆದಾರರು ಶೆನಾಜ್ ಅವರ ಅಭಿಪ್ರಾಯಗಳನ್ನು ಬೆಂಬಲಿಸಿದರು ಮತ್ತು ನಾಗರಿಕ ಪ್ರಜ್ಞೆಯ ಮಹತ್ವವನ್ನು ಒತ್ತಿ ಹೇಳಿದರು. ಒಬ್ಬ ಬಳಕೆದಾರರು ನಾನು ಶ್ರೀಲಂಕಾದಲ್ಲಿದ್ದೆ, ಮತ್ತು ಅದು ಸ್ವಚ್ಛವಾಗಿರಲಿಲ್ಲ.  ಅಲ್ಲಿನ ಜನರು ತುಂಬಾ ಸ್ನೇಹಪರರು, ಗೌರವಾನ್ವಿತರು ಮತ್ತು ದಯೆಯಿಂದ ಕೂಡಿದ್ದರು. ಆದರೆ ದುಃಖಕರವೆಂದರೆ, ಭಾರತದಲ್ಲಿ, ಅನೇಕ ಜನರು ತುಂಬಾ ಅಸಭ್ಯವಾಗಿ ವರ್ತಿಸುತ್ತಾರೆ. ಕೆಲವೊಮ್ಮೆ ಸುರಕ್ಷಿತ ಅಥವಾ ಗೌರವಾನ್ವಿತರಾಗುವುದಿಲ್ಲ. ನಾವು ಸಾಮಾನ್ಯವಾಗಿ ಮೂಲಭೂತ ಗೌರವ ಮತ್ತು ಕಾಳಜಿಯನ್ನು ತೋರಿಸುವ ಬದಲು ಪರಸ್ಪರ ವಿಭಿನ್ನವಾಗಿ ವರ್ತಿಸುತ್ತೇವೆ ಎಂದು ಪ್ರತಿಕ್ರಿಯಿಸಿದ್ದಾರೆ (ಏಜೆನ್ಸೀಸ್​).