ಉತ್ತರ ಭಾರತದಲ್ಲಿ 12 ಗಂಟೆಗಳಲ್ಲಿ 3.35 ಕೋಟಿ ಪ್ರೀ-ಬಿಸ್ನೆಸ್! ಸೌತ್​ನಲ್ಲಿ ಹೇಗಿದೆ 'ಕೆಜಿಎಫ್: 2' ಟಿಕೆಟ್ ಸೇಲ್?

ಮುಂಬೈ: ನಿರ್ದೇಶಕ ಎಸ್.ಎಸ್.ರಾಜಮೌಳಿ ಅವರ 'ಆರ್‌ಆರ್‌ಆರ್' ಚಿತ್ರದ ಬಳಿಕ ಸೌತ್, ಕನ್ನಡದ ರಾಕಿಂಗ್ ಸ್ಟಾರ್ ನಟ ಯಶ್ ಅಭಿನಯದ 'ಕೆಜಿಎಫ್: ಚಾಪ್ಟರ್ 2' ಸಿನಿಮಾ ಒಂದು ಬಹುನಿರೀಕ್ಷಿತ ಸಿನಿಮಾ ಆಗಿದೆ. ಕೇವಲ ನಮ್ಮ ದೇಶದಲ್ಲಿ ಮಾತ್ರವಲ್ಲದೇ ಬೇರೆ ದೇಶಗಳಲ್ಲೂ ಮತ್ತು ಎಲ್ಲೆಲ್ಲೂ 'ಕೆಜಿಎಫ್: ಚಾಪ್ಟರ್ 2' ಚಿತ್ರದ ಬಿಡುಗಡೆಯ ಬಗ್ಗೆಯೇ ಚರ್ಚೆಯಾಗುತ್ತಿದೆ. ನಟ ರಾಕಿಂಗ್ ಸ್ಟಾರ್ ಯಶ್ ಅವರ ಅಭಿಮಾನಿಗಳು ಅಲ್ಲದೇ ಎಲ್ಲಾ ಸಿನಿಪ್ರಿಯರು ಈ ಸಿನಿಮಾ ನೋಡಲು ತುಂಬಾ ಉತ್ಸುಕರಾಗಿದ್ದಾರೆ. 'ಕೆಜಿಎಫ್ 1'ರ ಬಳಿಕ ಬರೋಬ್ಬರಿ 3 ವರ್ಷಗಳ ನಂತರ ಆ ಸಿನಿಮಾದ ಸೀಕ್ವೆಲ್ ಆಗಿರುವ 'ಕೆಜಿಎಫ್: ಚಾಪ್ಟರ್ 2' ಈಗ ಬಿಡುಗಡೆಯಾಗುತ್ತಿದ್ದು, ಯಶ್ ಅವರನ್ನು ಅಭಿಮಾನಿಗಳು ತೆರೆ ಮೇಲೆ ನೋಡಲು ಕಾದು ಕುಳಿತ್ತಿದ್ದಾರೆ.

ಏಪ್ರಿಲ್ 14 2022 ರಂದು ವಿಶ್ವಾದ್ಯಂತ ಈ ಸಿನಿಮಾ ರಿಲೀಸ್ ಆಗಲಿದೆ. ಹೀಗಾಗಿ, ಚಿತ್ರ ನೋಡಲು ಆನ್​ಲೈನ್​ನಲ್ಲಿ ಟಿಕೆಟ್ ಬುಕ್ಕಿಂಗ್ ಅನ್ನು ಏಪ್ರಿಲ್ 7 ರಂದು BookMyShow ನಲ್ಲಿ ಉತ್ತರ ಭಾರತದ, ತಮಿಳುನಾಡಿನ, ಕೇರಳದ ಅಭಿಮಾನಿಗಳಿಗೆ ತೆರೆಯಲಾಗಿತ್ತು. ಇನ್ನು, ಇದಕ್ಕೂ ಮುನ್ನ ಏಪ್ರಿಲ್ 2 ರಂದು UK ನಲ್ಲಿ ಸಿನಿಮಾಗೆ ಟಿಕೆಟ್ ಬುಕ್ಕಿಂಗ್ ಆರಂಭವಾಗಿದ್ದು, ಕೇವಲ 12 ಗಂಟೆಗಳಲ್ಲಿ ಚಿತ್ರದ 5 ಸಾವಿರ ಟಿಕೆಟ್‌ಗಳು ಮಾರಾಟವಾಗಿವೆ. ಅಂದಹಾಗೆ, ಸಿನಿಮಾ ರಿಲೀಸ್​ಗೂ ಮುಂಗಡವಾಗಿ UK ನಲ್ಲಿ ಇಷ್ಟು ಟಿಕೆಟ್‌ಗಳನ್ನು ಬಿಕ್ಕಿಂಗ್ ಪಡೆದಿರುವ ಮೊದಲ ಭಾರತದ ಸಿನಿಮಾ 'ಕೆಜಿಎಫ್: ಚಾಪ್ಟರ್ 2' ಎನ್ನಲಾಗಿದೆ. 

ಈ ಮೂಲಕ ವಿದೇಶದಲ್ಲಿಯೂ 'ಕೆಜಿಎಫ್: 2' ದಾಖಲೆಗಳನ್ನು ಬರೆಯುತ್ತಿದೆ. ಸದ್ಯ, ಉತ್ತರ ಭಾರತದ, ತಮಿಳುನಾಡಿನ, ಕೇರಳದ ಅಭಿಮಾನಿಗಳಿಗೆ ಟಿಕೆಟ್ ಆರಂಭವಾಗಿದ್ದು, ಸಿನಿಮಾ ಉತ್ತರ ಭಾರತದಲ್ಲಿಯೂ ದಾಖಲೆ ಬರೆದಿದೆ. ಹೌದು, ಟಿಕೆಟ್ ಬುಕ್ಕಿಂಗ್ ಆರಂಭವಾದ ಕೇವಲ 12 ಗಂಟೆಗಳಲ್ಲಿ 1 ಲಕ್ಷಕ್ಕೂ ಅಧಿಕ ಟಿಕೆಟ್​ಗಳು ಸೋಲ್ಡ್​ಔಟ್ ಆಗಿದೆ ಎಂಬ ಮಾಹಿತಿ ಹರಿದಾಡುತ್ತಿದೆ. ಅಂದರೆ, ಕೇವಲ 12 ಗಂಟೆಗಳಲ್ಲಿ ಸಿನಿಮಾ ಬರೋಬ್ಬರಿ 3.35 ಕೋಟಿ ರೂಪಾಯಿ ಪ್ರೀ-ಬಿಸ್ನೆಸ್ ಮಾಡಿದೆಯಂತೆ. ‘ಹೌದು, 'ಕೆಜಿಎಫ್: 2' ಚಿತ್ರಕ್ಕೆ ಉತ್ತರ ಭಾರತದಲ್ಲಿ ಸಿಕ್ಕಾಪಟ್ಟೆ ಬೇಡಿಕೆ ಇದೆ. ಇದಕ್ಕೆ ಉದಾಹರಣೆ ಎಂದರೆ ರಿಲೀಸ್ ಆದ ಕೇವಲ 24 ಗಂಟೆಗಳಲ್ಲಿ 'ಕೆಜಿಎಫ್: ಚಾಪ್ಟರ್ 2' ಚಿತ್ರದ ಹಿಂದಿ ಟ್ರೈಲರ್ ಬರೋಬ್ಬರಿ 5 ಕೋಟಿಗೂ ಹೆಚ್ಚು ವೀಕ್ಷಣೆಗಳನ್ನು ಪಡೆದಿರುವುದು.

ಅದನ್ನು ಗಮನಿಸಿದ ಚಿತ್ರತಂಡವೂ ಮುಂಬೈ ಮತ್ತು ದೆಹಲಿಯಲ್ಲಿ ಸಿನಿಮಾದ ಪ್ರಚಾರವನ್ನು ಭರ್ಜರಿಯಾಗಿಯೇ ಮಾಡಿದೆ. ಉತ್ತರ ಭಾರತದ ಹಲವು ನಗರಗಳಲ್ಲಿ ಈ ಚಿತ್ರತಂಡ ಸಿನಿಮಾಗೆ ಹಲವು ವಿಭಿನ್ನ ವಿಧಾನಗಳಲ್ಲಿ ಪ್ರಚಾರ ಮಾಡುತ್ತಿದೆ ಸಿನಿಮಾತಂಡ. ಕೆಲ ಉತ್ತರ ಭಾರತದ ಸಿನಿಮಾ ತಜ್ಞರ ಪ್ರಾಕರ 'ಕೆಜಿಎಫ್: 2'ನ ಹಿಂದಿ ವರ್ಷನ್ ಸಿನಿಮಾ ರಿಲೀಸ್ ಆದ ಮೊದಲ ದಿನವೇ 15 ಕೋಟಿ ಗಳಿಸಿ ಬಳಿಕ ಒಂದು ವಾರದೊಳಗೆ 100 ಕೋಟಿ ಗಳಿಸಬಹುದು ಎನ್ನಲಾಗಿದೆ. ಜತೆಗೆ, ತಮಿಳುನಾಡಿನ 250 ಚಿತ್ರಮಂದಿರಗಳಲ್ಲಿ 'ಬೀಸ್ಟ್' ಸಿನಿಮಾಗೆ ಪೈಪೋಟಿಯಾಗಿ ರಿಲೀಸ್ ಆಗಲಿರುವ 'ಕೆಜಿಎಫ್: 2' ಬುಕ್ಕಿಂಗ್, ಕೇರಳದಲ್ಲಿಯೂ ಸಿನಿಮಾದ ಬುಕ್ಕಿಂಗ್ ಭರ್ಜರಿಯಾಗಿಯೇ ಮುಂದುವರಿದಿದೆ ಎಂಬ ಮಾಹಿತಿ ಇದೆ. ಆದರೆ, ಎಷ್ಟು ಟಿಕೆಟ್​ಗಳು ಸೋಲ್ಡ್​ಔಟ್, ಪ್ರೀ-ರಿಲೀಸ್ ಕಲೆಕ್ಷನ್ ಎಷ್ಟು ಎಂಬದು ಇನ್ನು ತಿಳಿಯಬೇಕಿದೆ.

ನಟ ದಳಪತಿ ವಿಜಯ್ ಅವರ 'ಬೀಸ್ಟ್' ಸಿನಿಮಾ ತಮಿಳುನಾಡಿನಲ್ಲಿ 800 ಚಿತ್ರಮಂದಿರಗಳಲ್ಲಿ ಏಪ್ರಿಲ್ 13 ರಂದು ರಿಲೀಸ್ ಆಗಲಿದೆ. ಹಾಗಾಗಿ, 'ಕೆಜಿಎಫ್: 2'ಗೆ ತಮಿಳುನಾಡಿನಲ್ಲಿ ಕೇವಲ 250 ಚಿತ್ರಮಂದಿರಗಳನ್ನು ನೀಡಲಾಗಿದೆ. ಮತ್ತೊಂದೆಡೆ, 'ಕೆಜಿಎಫ್: ಚಾಪ್ಟರ್ 2' ಸಿನಿಮಾದ ತೆಲುಗು ಟ್ರೈಲರ್ ಕೂಡಾ 3 ಕೋಟಿಗೂ ಹೆಚ್ಚು ವೀಕ್ಷಣೆಗಳನ್ನು ಪಡೆದಿದ್ದು, ಹಿಂದಿಯ ನಂತರ ತೆಲುಗಿನಲ್ಲಿ 'ಕೆಜಿಎಫ್: 2' ಸಿನಿಮಾಗೆ ಹೆಚ್ಚು ಬೇಡಿಕೆ ಇದೆ ಎಂದು ತಿಳಿದುಬಂದಿದೆ. ಆದರೆ, ಆಂಧ್ರಪ್ರದೇಶದಲ್ಲಿ ಮತ್ತು ತೆಲಂಗಾಣದಲ್ಲಿ ಹಾಗೂ ಕರ್ನಾಟಕದಲ್ಲಿ 'ಕೆಜಿಎಫ್: ಚಾಪ್ಟರ್ 2' ಬುಕಿಂಗ್ ಏಪ್ರಿಲ್ 10 ರಂದು ತೆರೆಯಲಾಗುವುದು. ಹಾಗಾಗಿ, ಈ ಎರಡು ತೆಲುಗು ರಾಜ್ಯಗಳಲ್ಲಿ, ಕರ್ನಾಟಕದಲ್ಲಿ 'ಕೆಜಿಎಫ್: ಚಾಪ್ಟರ್ 2' ಪ್ರೀ-ರಿಲೀಸ್ ಬಿಸ್ನೆಸ್ ಎಷ್ಟು ಆಗಬಹುದು ಎಂದು ತಿಳಿಯಲು ಕಾದು ನೋಡಬೇಕಿದೆ. 

https://www.vijayavani.net/theatre-and-multiplex-owners-decide-not-release-ram-gopal-varma-lesbian-oriented-movie-dangerous-in-theatres/

https://www.vijayavani.net/actress-priyanka-thimmesh-describes-how-her-dream-house-should-be-at-the-real-estate-expo-organised-by-vijayavani-and-dighvijaya-news-channel/

https://www.vijayavani.net/dhruva-sarja-does-dubbing-for-chiranjeevi-sarja-last-movie-rajamarthanda-which-is-expected-to-release-this-may/

https://www.vijayavani.net/sony-live-to-begin-streaming-james-movie-of-puneeth-rajkumar-from-april-14th-in-its-ott-platform/