‘ನನ್ನ ತಂದೆಯ ನಿಧನದ ನಂತರ ನನ್ನ ಜೀವನದಲ್ಲಾದ ಇನ್ನೊಂದು ಕೆಟ್ಟ ಘಟನೆ ಎಂದರೆ ಅದು ಬ್ರೇಕಪ್. ಅದರಿಂದ ಆಚೆ ಬರುವುದಕ್ಕೆ ಸ್ವಲ್ಪ ಸಮಯವಾಯಿತು. ಡಿಪ್ರೆಶನ್ಗೆ ಹೋಗುವಷ್ಟು ವೀಕ್ ನಾನಲ್ಲ. ಬೇಸರದಲ್ಲಿ ಅತ್ತೆ, ಆ ನಂತರ ನನ್ನ ಮನಸ್ಸನ್ನು ಕೆಲಸದ ಕಡೆ ಕೇಂದ್ರೀಕರಿಸಿದೆ. ಕೆಲವು ವಿಷಯಗಳನ್ನು ಕೆಲವರೊಂದಿಗೆ ಹೇಳಿಕೊಳ್ಳಬೇಕು ಎಂದನಿಸುತಿತ್ತು. ಆದರೆ, ನಾನೊಬ್ಬ ಸೆಲೆಬ್ರಿಟಿ. ಜನ ಎಲ್ಲಿ ನನ್ನ ನೋವನ್ನೇ ತಮ್ಮ ಅನುಕೂಲಕ್ಕೆ ಬಳಸಿಕೊಳ್ಳುತ್ತಾರೋ ಎಂಬ ಭಯವಿತ್ತು. ಬೇಸರವಾದಾಗಲೆಲ್ಲಾ ಬರೆಯುತ್ತಾ ಹೋದೆ. ಪೇಪರ್ ಮತ್ತು ಪೆನ್ ಕ್ರಮೇಣ ನನ್ನ ಬೆಸ್ಟ್ಫ್ರೆಂಡ್ಗಳಾದವು. ನನ್ನ ಅಮ್ಮನ ನಂತರ ನನ್ನ ಬೆಸ್ಟ್ಫ್ರೆಂಡ್ ಯಾರು ಎಂದರೆ ಪೇಪರ್ ಮತ್ತು ಪೆನ್. ಬರೆಯುತ್ತಾ ಹೋದಂತೆ ಖುಷಿ, ನೆಮ್ಮದಿ ಎಲ್ಲಾ ಸಿಕ್ಕಿತು. ಹೀಗೆ ಶುರುವಾದ ಬರವಣಿಗೆ, ಕ್ರಮೇಣ ಪ್ಯಾಶನ್ ಆಯಿತು. ಈ ಬ್ಲಾಗ್ ಮೂಲಕ ಇನ್ಮುಂದೆ ನನ್ನ ಮನಸ್ಸಿನ ಮಾತುಗಳನ್ನು ಹೇಳುವ ಪ್ರಯತ್ನ ಮಾಡುತ್ತೇನೆ’ ಎಂದು ಬರೆದುಕೊಂಡಿದ್ದಾರೆ ಹರಿಪ್ರಿಯಾ.
