ದಿಯಾ ಚಿತ್ರಕ್ಕೆ ಕಮ್ಮಿ ರೇಟಿಂಗ್: ವಿಮರ್ಶಕರು ಮತ್ತು ಪ್ರೇಕ್ಷಕರಿಂದ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗಿರುವ ‘ದಿಯಾ’ ಚಿತ್ರಕ್ಕೆ ಆನ್ಲೈನ್ ಟಿಕೆಟ್ ಬುಕಿಂಗ್ ಆಪ್ನಲ್ಲಿ ಕಡಿಮೆ ರೇಟಿಂಗ್ ಬಂದಿದೆ. ಕೆಲವರು ಫೇಕ್ ಅಕೌಂಟ್ ಕ್ರಿಯೇಟ್ ಮಾಡಿ ಬೇಕಂತಲೇ ಕಡಿಮೆ ರೇಟಿಂಗ್ ಕೊಟ್ಟಿದ್ದಾರೆ. ಇನ್ನು ಈ ರೀತಿ ಫೇಕ್ ಅಕೌಂಟ್ನಿಂದ ಬಂದಿರುವ ಕಮೆಂಟ್ಗಳು ಒಂದೇ ರೀತಿಯಾಗಿವೆ’ಎಂದು ಕಾರ್ತಿಕ್ ಗೌಡ ಟ್ವೀಟ್ ಮಾಡಿದ್ದಾರೆ. ಇದಕ್ಕೆ ಸಾಕಷ್ಟು ಮಂದಿ ದನಿ ಗೂಡಿಸಿದ್ದು, ಟ್ವಿಟರ್ನಲ್ಲಿಯೇ ಆ ಆನ್ಲೈನ್ ಬುಕಿಂಗ್ ಆಪ್ ವಿರುದ್ಧ ಮಾತನಾಡಿದ್ದಾರೆ. ‘ನನಗೆ ಇದರ ಬಗ್ಗೆ ಬಹಳ ಜನ ಹೇಳುತ್ತಿದ್ದರು, ಆದರೆ ಸ್ವತಃ ನನಗೆ ಈಗ ಅನುಭವವಾಗಿದೆ. ಉತ್ತಮವಾಗಿರುವ ಸಿನಿಮಾ ಬಗ್ಗೆ ಚೆನ್ನಾಗಿಲ್ಲ ಎಂಬ ಕಮೆಂಟ್ಗಳು ಬಂದಿವೆ. ನಂತರ ಯಾರೋ ಒಬ್ಬರು ಕರೆ ಮಾಡಿ ನಿಮ್ಮ ಸಿನಿಮಾದ ರೇಟಿಂಗ್ ಕಡಿಮೆಯಿದೆ ಜಾಸ್ತಿ ಮಾಡುತ್ತೇವೆ ಹಣ ನೀಡಿ ಎಂಬ ಬೇಡಿಕೆ ಇಡುತ್ತಾರೆ. ಹಣ ನೀಡಿದರೆ ರೇಟಿಂಗ್ ಜಾಸ್ತಿಯಾಗುತ್ತಂತೆ. ಈ ಬಗ್ಗೆ ನಾನು ಆ ಆನ್ಲೈನ್ ಟಿಕೆಟ್ ಬುಕಿಂಗ್ ಆಪ್ಗೆ ಸಂಬಂಧಪಟ್ಟವರಿಗೆ ವಿವರಿಸಿದ್ದೇನೆ. ಅವರು ಇದರ ಬಗ್ಗೆ ಏನೂ ಉತ್ತರ ನೀಡಿಲ್ಲ’ಎನ್ನುತ್ತಾರೆ ಕಾರ್ತಿಕ್ ಗೌಡ.
