ಚಿತ್ರಕ್ಕಾಗಿ ಭರ್ಜರಿ ಸಿದ್ಧತೆ
ಕುಸ್ತಿ ಪಟುವಾಗಿ ಕಾಣಿಸಿಕೊಳ್ಳುತ್ತಿರುವ ಸೂರ್ಯ ಪಾತ್ರದ ತಯಾರಿ ಬಗ್ಗೆ, ‘ಸಿನಿಮಾಕ್ಕಾಗಿ ಯೋಗರಾಜ್ ಭಟ್ 3 ತಿಂಗಳ ತರಬೇತಿ ಕೊಡಿಸಿದ್ದರು. ಬಿ.ಸಿ ಪಾಟೀಲ್ ಕೂಡ ಅಲ್ಲಿಗೆ ಬರುತ್ತಿದ್ದರು. ಗರಡಿಮನೆಯಲ್ಲಿ ಪ್ರತಿದಿನ ನಿಜವಾದ ಪೈಲ್ವಾನರ ಜತೆ ಕುಸ್ತಿ ಪ್ರಾಕ್ಟೀಸ್ ಇರುತ್ತಿತ್ತು. ಬೆಳಗ್ಗೆ ಜಿಮ್, ಸಂಜೆ ಆ್ಯಕ್ಟಿಂಗ್ ಕ್ಲಾಸ್, ರಾತ್ರಿ ಡಾನ್ಸ್ ಕ್ಲಾಸ್ ಮುಗಿಸಿ ಮನೆಗೆ ಹೋಗುವ ಹೊತ್ತಿಗೆ ಸುಸ್ತಾಗಿರುತ್ತಿತ್ತು. ಏಪ್ರಿಲ್ನ ಸುಡು ಬಿಸಿಲಿನಲ್ಲಿ ಶೂಟಿಂಗ್ ಆಗಿದ್ದು. ಆಗಲೂ ಅಷ್ಟೆ, ಅಖಾಡಕ್ಕೆ ಹಾಕಿದ ಮರಳೆಲ್ಲ ಕಾದು ಹತ್ತು ನಿಮಿಷದಲ್ಲಿ ಕಾಲುಗಳು ಸುಡುತ್ತಿದ್ದವು. ಬೆಳಗ್ಗೆಯಿಂದ ಸಂಜೆವರೆಗೂ ಕುಸ್ತಿ ಮಾಡಬೇಕಿತ್ತು’ ಎಂದು ಹೇಳುತ್ತಾರೆ.
