ರೋಮ್ಯಾಂಟಿಕ್ ಹೀರೋ ಟು ಜನನಾಯಕ: ವಿಜಯ್ ಗೆಲುವಿನ ಹಿಂದಿದೆ ಆ ಸಿನಿಮಾಗಳ ಶಕ್ತಿ! ಯಾವುವು ಗೊತ್ತಾ? Thalapathy Vijay

ದಶಕಗಳಿಂದ ವಿಜಯ್​ ಒಬ್ಬ ಪ್ರಣಯ ನಾಯಕನಿಂದ ಹಿಡಿದು ತಮಿಳು ಚಿತ್ರರಂಗದ ಅತಿದೊಡ್ಡ ಮಾಸ್ ತಾರೆಯಾಗಿ ಬೆಳೆದಿದ್ದಾರೆ. ನಟ ತಮ್ಮ ಚಲನಚಿತ್ರಗಳ ಮೂಲಕ ತಲೆಮಾರುಗಳು ಮತ್ತು ದೇಶಗಳನ್ನು ವ್ಯಾಪಿಸಿರುವ ಅಪಾರ ಅಭಿಮಾನಿ ಬಳಗವನ್ನು ಹೊಂದಿದ್ದಾರೆ. 

ವಿಜಯ್ ಅವರ ಈ ಯಶಸ್ಸಿನ ಹಿಂದಿನ ಗುಟ್ಟು ಕೇವಲ ಅವರ ನಟನೆ ಮಾತ್ರವಲ್ಲ, ಬದಲಿಗೆ ಅವರು ಆಯ್ಕೆ ಮಾಡಿಕೊಳ್ಳುವ ಕಥೆಗಳು ಜನರ ಬದುಕಿಗೆ ಹತ್ತಿರವಾಗಿರುವುದು. ಹಳೆಯ ಕಾಲದ ಪ್ರಣಯ ಚಲನಚಿತ್ರಗಳು ಮತ್ತು ಕ್ರೀಡಾ ಚಲನಚಿತ್ರಗಳಿಂದ ಹಿಡಿದು ಆ್ಯಕ್ಷನ್​ ಚಲನಚಿತ್ರಗಳವರೆಗೆ ತಮ್ಮ ಛಾಪು ಮೂಡಿಸಿದ್ದಾರೆ.

ಅವರ ವೃತ್ತಿಜೀವನದ ಆರಂಭಿಕ ದಿನಗಳಲ್ಲಿ, ಅಭಿಮಾನಿಗಳು ಅವರನ್ನು ಪ್ರೀತಿಯಿಂದ 'ಇಳಯ ದಳಪತಿ' ಎಂದು ಕರೆಯುತ್ತಿದ್ದರು. ಅಂದರೆ, 'ಯುವ ನಾಯಕ' ಎಂದರ್ಥ. ಅವರ ತಾರಾಪಟ್ಟ ಬೆಳೆದಂತೆ ಆ ಬಿರುದು ಕ್ರಮೇಣ ದಳಪತಿ ಆಗಿ ವಿಕಸನಗೊಂಡಿತು. ನಂತರದ ಐದು ಚಿತ್ರಗಳು ವಿಜಯ್​ ಅವರನ್ನು ಇಂದು ಇಡೀ ದೇಶಕ್ಕೆ ಪರಿಚಿತವಾಗಿರುವ ಸೂಪರ್‌ಸ್ಟಾರ್ ಸ್ಥಾನಮಾನಕ್ಕೆ ತರುವಲ್ಲಿ ನಿರ್ಣಾಯಕ ಪಾತ್ರ ವಹಿಸಿವೆ.

ಮಲಯಾಳಂ ನಿರ್ದೇಶಕ ಫಾಸಿಲ್ ನಿರ್ದೇಶಿಸಿದ ಈ ಚಿತ್ರವು ವಿಭಿನ್ನ ಹಿನ್ನೆಲೆಯಲ್ಲಿ ಇಬ್ಬರು ಯುವಕರು ತಮ್ಮ ಪ್ರೀತಿಗೆ ಕುಟುಂಬದ ವಿರೋಧವನ್ನು ಹೇಗೆ ಎದುರಿಸುತ್ತಾರೆ ಎಂಬುದನ್ನು ಸುಂದರವಾಗಿ ಚಿತ್ರಿಸಿದ್ದಾರೆ. ಇಳಯರಾಜ ಅವರ ಅದ್ಭುತ ಸಂಗೀತದ ಬೆಂಬಲದೊಂದಿಗೆ ಡಿಸೆಂಬರ್ 19, 1997 ರಂದು ಬಿಡುಗಡೆಯಾದ ಈ ಚಿತ್ರವು ಬಾಕ್ಸ್ ಆಫೀಸ್ ಬ್ಲಾಕ್ಬಸ್ಟರ್ ಆಗಿ ಹೊರಹೊಮ್ಮಿತು. ಇದು ವಿಜಯ್​ ಅವರ ಅತ್ಯಂತ ಪ್ರೀತಿಯ ಪ್ರಣಯ ನಾಟಕಗಳಲ್ಲೊ ಒಂದಾಗಿ ಉಳಿದಿದೆ.

ಧರಣಿ ನಿರ್ದೇಶನದ ಗಿಲ್ಲಿ ಚಿತ್ರವು ಕ್ರೀಡಾ ಸಾಹಸ ಮನರಂಜನೆಯಾಗಿದ್ದು, ಇದರಲ್ಲಿ ವಿಜಯ್, ತ್ರಿಶಾ ಕೃಷ್ಣನ್ ಮತ್ತು ಪ್ರಕಾಶ್ ರಾಜ್ ನಟಿಸಿದ್ದು, ತಮಿಳು ಸಿನಿಮಾ ಇತಿಹಾಸದಲ್ಲಿ ಅತಿ ದೊಡ್ಡ ಹಿಟ್​ ಪಡೆಯಿತು. ಕಬಡ್ಡಿ ಆಟಗಾರನೊಬ್ಬ ತನ್ನ ಪಂದ್ಯದ ಸಮಯದಲ್ಲಿ ಗೂಂಡಾನಿಂದ ಹುಡುಗಿಯನ್ನು ರಕ್ಷಿಸುವ ಕಥೆ ಇದಾಗಿದೆ. 

ವಿದ್ಯಾಸಾಗರ್ ಅವರ ಉತ್ಸಾಹಭರಿತ ಸಂಗೀತದೊಂದಿಗೆ ಏಪ್ರಿಲ್ 16, 2004 ರಂದು ಬಿಡುಗಡೆಯಾದ ಈ ಚಿತ್ರವು ಸುಮಾರು 30 ಕೋಟಿ ರೂ. ಗಳಿಸಿತು.

ಎ.ಆರ್. ಮುರುಗದಾಸ್ ನಿರ್ದೇಶನದ 'ತುಪ್ಪಕ್ಕಿ' ಒಂದು ಆಕ್ಷನ್ ಥ್ರಿಲ್ಲರ್ ಸಿನಿಮಾವಾಗಿದ್ದು, ವಿಜಯ್ ಜೊತೆ ಕಾಜಲ್ ಅಗರ್ವಾಲ್ ಮತ್ತು ವಿದ್ಯುತ್ ಜಮ್ವಾಲ್ ನಟಿಸಿದ್ದಾರೆ. ಈ ಸಿನಿಮಾವು ಭಾರತೀಯ ಸೇನಾ ಗುಪ್ತಚರ ಅಧಿಕಾರಿಯೊಬ್ಬರು ಭಯೋತ್ಪಾದಕ ದಾಳಿಯ ಸರಣಿಯ ಹಿಂದಿನ ಮಾಸ್ಟರ್ ಮೈಂಡ್ ಬೇಟಿಯಾಡುವಾಗ ಸ್ಲೀಪರ್​ ಸೆಲ್​ ನೆಟ್​ವರ್ಕ್​ ಪತ್ತೆ ಹಚ್ಚಿ ಕಿತ್ತುಹಾಕುವ ಕಥೆಯಾಗಿದೆ. ಈ ಸಿನಿಮಾ 13 ನವೆಂಬರ್ 2012 ರಂದು ಬಿಡುಗಡೆಯಾಯಿತು ಮತ್ತು ವಿಶ್ವಾದ್ಯಂತ 100 ಕೋಟಿ ರೂ.ಗಳಿಗೂ ಹೆಚ್ಚು ಹಣ ಗಳಿಸುವ ಮೂಲಕ ಪ್ರಮುಖ ವಾಣಿಜ್ಯ ಯಶಸ್ಸನ್ನು ಕಂಡಿತು.

ವಿಜಯ್-ಎ.ಆರ್. ಮುರುಗದಾಸ್ ಸಹಯೋಗದ ಮತ್ತೊಂದು ಯಶಸ್ವಿ ಆಕ್ಷನ್ ಡ್ರಾಮಾ ಚಿತ್ರ 'ಕತ್ತಿ'. 2014 ರಲ್ಲಿ ಬಂದ ಈ ಚಿತ್ರವು ಸಾಮಾಜಿಕ ಸಂದೇಶದೊಂದಿಗೆ ಸಂಯೋಜಿಸಿದ್ದು, ಇದರಲ್ಲಿ ವಿಜಯ್​ ದ್ವಿಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಈ ಚಿತ್ರವು ಕಾರ್ಪೊರೇಟ್ ಕಂಪನಿಗಳಿಂದ ಹಳ್ಳಿಗಳಲ್ಲಿ ನೀರಿನ ಸಂಪನ್ಮೂಲಗಳ ಶೋಷಣೆಯ ವಿರುದ್ಧ ರೈತರ ಹೋರಾಟವನ್ನು ಒಳಗೊಂಡಿತ್ತು. 

'ಥೇರಿ' ಮತ್ತು 'ಮೆರ್ಸಲ್' ಎಂಬ ಯಶಸ್ವಿ ಚಿತ್ರಗಳ ನಂತರ ವಿಜಯ್ ಮತ್ತು ಅಟ್ಲೀ ಒಟ್ಟಿಗೆ ನಟಿಸಿದ ಮೂರನೇ ಚಿತ್ರ 'ಬಿಗಿಲ್'. 2019 ರಲ್ಲಿ ಬಿಡುಗಡೆಯಾದ ಈ ಕ್ರೀಡಾ ಆಕ್ಷನ್ ಚಿತ್ರದಲ್ಲಿ ನಯನತಾರಾ ಮತ್ತು ಜಾಕಿ ಶ್ರಾಫ್​ ಜೊತೆಗೆ ವಿಜಯ್ ತಂದೆ ಮತ್ತು ಮಗನಾಗಿ ದ್ವಿಪಾತ್ರಗಳಲ್ಲಿ ನಟಿಸಿದ್ದಾರೆ. ಈ ಚಿತ್ರವು ಪ್ರೇಕ್ಷಕರ ಮನಸ್ಸನ್ನು ತಲುಪಿ ದೊಡ್ಡ ಮಟ್ಟದಲ್ಲಿ ಹಿಟ್ ಪಡೆಯಿತು. ​ 

ಇಂದು 'ತಲಪತಿ' ಎಂಬುದು ಕೇವಲ ಹೆಸರಲ್ಲ, ಬದಲಾಗಿ ತಮಿಳು ಜನರ ಹೃದಯ ಬಡಿತವಾಗಿದೆ. ವಿಜಯ್ ಒಬ್ಬ ಪ್ರಣಯ ನಾಯಕನಿಂದ ತಮಿಳು ಚಿತ್ರರಂಗದ ರಾಜನಾಗಿ ಬೆಳೆದಿದ್ದಾರೆ ಮತ್ತು ಈಗ ತಮ್ಮ ರಾಜ್ಯದ ಮುಖ್ಯಮಂತ್ರಿಯಾಗುವ ಹಾದಿಯಲ್ಲಿರುವ ಪ್ರಬಲ ರಾಜಕೀಯ ನಾಯಕರಾಗಿದ್ದಾರೆ (ಏಜೆನ್ಸೀಸ್​).