ನಿಮಿಷಕ್ಕೆ ಕೋಟಿ ಲೆಕ್ಕ! ಐಟಂ ಸಾಂಗ್ಸ್ ಸುಂದರಿಯರ ಅಸಲಿ ಸಂಭಾವನೆ ಕೇಳಿದ್ರೆ ಶಾಕ್ ಆಗ್ತೀರಾ, ನಂ.1 ಯಾರು ಗೊತ್ತಾ? Item Song

Item Song : ಈ ಹಿಂದೆ ಐಟಂ ಡಾನ್ಸ್​ ಮಾಡಲೆಂದೇ ಕೆಲ ನಿರ್ದಿಷ್ಟ ಕಲಾವಿದೆಯರು ಇರುತ್ತಿದ್ದರು. ಆದರೆ, ಕಾಲ ಬದಲಾದಂತೆ ಅಂದರೆ ಟ್ರೆಂಡ್​ಗೆ ತಕ್ಕಂತೆ ಖ್ಯಾತ ನಟಿಯರು ಕೂಡ ಸಿನಿಮಾಗಳಲ್ಲಿ ಐಟಂ ಡ್ಯಾನ್ಸ್‌ ಮಾಡಲು ಶುರು ಮಾಡಿದರು. ಈ ಟ್ರೆಂಡ್​ ಇಂದು ತುಂಬಾ ಸಾಮಾನ್ಯವಾಗಿಬಿಟ್ಟಿದೆ. ಸ್ಟಾರ್​ ನಟಿಯರೇ ಐಟಂ ಹಾಡಿಗೆ ಸೊಂಟ ಬಳುಕಿಸುತ್ತಿದ್ದಾರೆ. ಈಗಾಗಲೇ ಅನೇಕ ಹಾಡುಗಳು ಸೂಪರ್ ಹಿಟ್ ಆಗಿವೆ. ಆದರೆ, ಐಟಂ ಹಾಡಿಗೆ ಸೊಂಟ ಬಳುಕಿಸಲು ನಟಿಯರಿಗೆ ಎಷ್ಟು ಸಂಭಾವನೆ ನೀಡಲಾಗುತ್ತದೆ ಅನ್ನೋದನ್ನು ನೀವು ಎಂದಾದರೂ ಯೋಚಿಸಿದ್ದೀರಾ? ಈ ಗ್ಲಾಮರಸ್ ಮತ್ತು ಸ್ಟೈಲಿಶ್ ಹಾಡಿನ ದೃಶ್ಯಗಳಿಗೆ ನಟಿಯರಿಗೆ ಎಷ್ಟು ಸಂಭಾವನೆ ಸಿಗುತ್ತದೆ? ಮತ್ತು ಈ ಪಟ್ಟಿಯಲ್ಲಿ ಮೊದಲ ಸ್ಥಾನದಲ್ಲಿ ಯಾರಿದ್ದಾರೆ ಎಂಬುದನ್ನು ನಾವೀಗ ತಿಳಿದುಕೊಳ್ಳೋಣ.

ಬಾಲಿವುಡ್‌ನ ಬೇಗಂ ಕರೀನಾ ಕಪೂರ್ ಅಭಿನಯದ ಅತ್ಯಂತ ಜನಪ್ರಿಯ ಮತ್ತು ಸದಾ ಚರ್ಚೆಯಲ್ಲಿರುವ ಐಟಂ ಸಾಂಗ್ ಎಂದರೆ ಅದು 'ಹಲ್ಕತ್ ಜವಾನಿ'. ಮಧುರ್ ಭಂಡಾರ್ಕರ್ ನಿರ್ದೇಶನದ 'ಹೀರೋಯಿನ್' ಚಿತ್ರಕ್ಕಾಗಿ ಶೂಟ್​ ಮಾಡಲಾದ ಈ ಹಾಡು ಬಿಡುಗಡೆಯಾದಾಗ ಭಾರಿ ಸಂಚಲನ ಸೃಷ್ಟಿಸಿತ್ತು. ವರದಿಗಳ ಪ್ರಕಾರ, ಒಂದೇ ಒಂದು ಹಾಡಿನ ನೃತ್ಯಕ್ಕಾಗಿ ಕರೀನಾ ಕಪೂರ್ ಅವರಿಗೆ ಬರೋಬ್ಬರಿ 5 ಕೋಟಿ ರೂಪಾಯಿ ಸಂಭಾವನೆ ನೀಡಲಾಗಿತ್ತು ಎಂದು ಹೇಳಲಾಗಿದೆ. ಇದು ಆ ಸಮಯದಲ್ಲಿ ಐಟಂ ಸಾಂಗ್‌ ಒಂದಕ್ಕೆ ನಟಿಯೊಬ್ಬರು ಪಡೆದ ಅತ್ಯಂತ ಗರಿಷ್ಠ ಮೊತ್ತವಾಗಿತ್ತು.

ಮತ್ತೊಂದೆಡೆ, ಬಾಲಿವುಡ್‌ನ ಗ್ಲಾಮರ್ ಕ್ವೀನ್ ಕತ್ರಿನಾ ಕೈಫ್ ಅಭಿನಯದ 'ಚಿಕ್ನಿ ಚಮೇಲಿ' ಹಾಡು ಉತ್ತರ ಭಾರತ ಮಾತ್ರವಲ್ಲದೆ ದಕ್ಷಿಣ ಭಾರತದಲ್ಲೂ ಸಖತ್​ ಹಿಟ್​ ಆಗಿತ್ತು. ಹೃತಿಕ್ ರೋಷನ್ ಅಭಿನಯದ 'ಅಗ್ನಿಪಥ್' ಚಿತ್ರದ ಈ ಹಾಡಿನಲ್ಲಿ ಕತ್ರಿನಾ ಕೈಫ್ ಅವರು ಮೈಚಳಿ ಬಿಟ್ಟು ಕುಣಿದು ಕುಪ್ಪಳಿಸಿದ್ದರು. ಈ ಬ್ಲಾಕ್​ ಬಸ್ಟರ್​ ಹಾಡಿನಲ್ಲಿ ಹೆಜ್ಜೆ ಹಾಕಲು ಕತ್ರಿನಾ ಕೈಫ್ ಅವರು ಸುಮಾರು 2 ಕೋಟಿ ರೂಪಾಯಿಗಳನ್ನು ಸಂಭಾವನೆಯಾಗಿ ಪಡೆದಿದ್ದರು ಎಂದು ವರದಿಯಾಗಿದೆ.

ಬಾಲಿವುಡ್ ನಟಿ ಸನ್ನಿ ಲಿಯೋನ್ ಅವರ ಸಿನಿಮಾ ವೃತ್ತಿಜೀವನಕ್ಕೆ ದೊಡ್ಡ ಬ್ರೇಕ್ ಹಾಗೂ ಮಹತ್ವದ ತಿರುವು ನೀಡಿದ ಸೂಪರ್ ಹಿಟ್ ಹಾಡು ಎಂದರೆ ಅದು 'ಬೇಬಿ ಡಾಲ್'. ಹಾರರ್-ಥ್ರಿಲ್ಲರ್ ಶೈಲಿಯ 'ರಾಗಿಣಿ ಎಂಎಂಎಸ್ 2' ಚಿತ್ರದ ಈ ಐಟಂ ಸಾಂಗ್ ಬಿಡುಗಡೆಯಾದ ದಿನದಿಂದಲೇ ಇಡೀ ದೇಶಾದ್ಯಂತ ಭಾರಿ ಧೂಳೆಬ್ಬಿಸಿತ್ತು. ಇಂಟರ್ನೆಟ್‌ನಲ್ಲಿ ಕೋಟ್ಯಂತರ ವೀಕ್ಷಣೆ ಪಡೆದ ಈ ವಿಶೇಷ ಹಾಡಿನಲ್ಲಿ ಹೆಜ್ಜೆ ಹಾಕಲು ಸನ್ನಿ ಲಿಯೋನ್ ಅವರಿಗೆ ಸುಮಾರು 3 ಕೋಟಿ ರೂಪಾಯಿ ಸಂಭಾವನೆ ನೀಡಲಾಗಿತ್ತು ಎಂದು ವರದಿಗಳು ತಿಳಿಸಿವೆ.

ಇನ್ನು 2024ರ ಸಾಲಿನ ಅತ್ಯಂತ ದೊಡ್ಡ ಬ್ಲಾಕ್​ ಬಸ್ಟರ್​ ಹಾಗೂ ಟ್ರೆಂಡಿಂಗ್ ಹಿಟ್ ಹಾಡು ಎಂದರೆ ಅದು 'ಆಜ್ ಕಿ ರಾತ್'. ಬಾಕ್ಸ್ ಆಫೀಸ್‌ನಲ್ಲಿ ದಾಖಲೆ ಬರೆದ 'ಸ್ತ್ರೀ 2' ಚಿತ್ರದ ಈ ಸೂಪರ್ ಹಿಟ್ ಹಾಡಿನಲ್ಲಿ ಸೌತ್ ಬ್ಯೂಟಿ ತಮನ್ನಾ ಭಾಟಿಯಾ ತಮ್ಮ ಅತ್ಯದ್ಭುತ ಮತ್ತು ಮಾದಕ ನೃತ್ಯದ ಮೂಲಕ ಪ್ರೇಕ್ಷಕರ ಮನ ಗೆದ್ದಿದ್ದಾರೆ. ಥಿಯೇಟರ್‌ಗಳಲ್ಲಿ ಪ್ರೇಕ್ಷಕರು ಎದ್ದು ನಿಂತು ಕುಣಿಯುವಂತೆ ಮಾಡಿದ ಈ ಒಂದೇ ಒಂದು ಹಾಡಿನ ನೃತ್ಯ ಪ್ರದರ್ಶನಕ್ಕಾಗಿ ನಟಿ ತಮನ್ನಾ ಅವರಿಗೆ 1 ಕೋಟಿ ರೂಪಾಯಿ ಸಂಭಾವನೆ ನೀಡಲಾಗಿತ್ತು ಎಂದು ವರದಿಯಾಗಿದೆ.

ಐಕಾನ್ ಸ್ಟಾರ್ ಅಲ್ಲು ಅರ್ಜುನ್ ಅಭಿನಯದ ಪ್ಯಾನ್-ಇಂಡಿಯಾ ಬ್ಲಾಕ್‌ಬಸ್ಟರ್ 'ಪುಷ್ಪ: ದಿ ರೈಸ್' ಚಿತ್ರದ 'ಊ ಅಂಟಾವಾ ಮಾವ.. ಊಹೂ ಅಂಟಾವಾ ಮಾವ' ಐಟಂ ಸಾಂಗ್ ಗೊತ್ತಿಲ್ಲದ ಭಾರತೀಯರೇ ಇಲ್ಲ ಎನ್ನಬಹುದು. ಇಡೀ ದೇಶಾದ್ಯಂತ ಜಾಗತಿಕ ಮಟ್ಟದಲ್ಲಿ ಭಾರಿ ಕ್ರೇಜ್ ಸೃಷ್ಟಿಸಿದ್ದ ಈ ಮಾಸ್ ಹಾಡಿನಲ್ಲಿ ಸೌತ್ ಸೂಪರ್‌ಸ್ಟಾರ್ ಸಮಂತಾ ರುತ್ ಪ್ರಭು ಅವರು ತಮ್ಮ ವೃತ್ತಿಜೀವನದಲ್ಲೇ ಮೊದಲ ಬಾರಿಗೆ ಅತ್ಯಂತ ಗ್ಲಾಮರಸ್ ಆಗಿ ಹೆಜ್ಜೆ ಹಾಕುವ ಮೂಲಕ ಪ್ರೇಕ್ಷಕರಿಗೆ ಶಾಕ್ ನೀಡಿದ್ದರು. ಕೆಲವು ನಿಮಿಷಗಳ ಈ ಒಂದೇ ಒಂದು ಹಾಡಿನ ನೃತ್ಯಕ್ಕಾಗಿ ನಟಿ ಸಮಂತಾ ಅವರಿಗೆ ಬರೋಬ್ಬರಿ 5 ಕೋಟಿ ರೂಪಾಯಿ ಸಂಭಾವನೆ ನೀಡಲಾಗಿತ್ತು ಎಂದು ವರದಿಯಾಗಿದೆ. ಈ ಹಾಡಿನ ಯಶಸ್ಸು ಚಿತ್ರದ ಮೈಲೇಜ್ ಅನ್ನು ಮತ್ತಷ್ಟು ಹೆಚ್ಚಿಸಿತ್ತು, (ಏಜೆನ್ಸೀಸ್​).