ಬಿಗ್ ಬಾಸ್ ಸೀಸನ್ 13ಕ್ಕೆ ಮೊದಲ ಎಲಿಮಿನೇಷನ್ ಶಾಕ್; ವಿನಯಾ ಪ್ರಸಾದ್ ಪುತ್ರಿ ಪ್ರಥಮಾ ಪ್ರಸಾದ್ ಔಟ್! Prathama Prasad

ಬಿಗ್​ಬಾಸ್​: ರಿಯಾಲಿಟಿ ಶೋಗಳ ಲೋಕದಲ್ಲಿ ತನ್ನದೇ ಆದ ಛಾಪನ್ನು ಮೂಡಿಸಿರುವ ಕಾರ್ಯಕ್ರಮ ಎಂದರೆ ಅದು ಬಿಗ್​ ಬಾಸ್​ ಆಗಿದೆ. ಪಾಶ್ಚಿಮಾತ್ಯ ದೇಶದಲ್ಲಿ ಪ್ರಾರಂಭವಾದ ಈ ಕಾರ್ಯಕ್ರಮ, ಹಿಂದಿ ಭಾಷೆ ಮೂಲಕ ಭಾರತವನ್ನು ಪ್ರವೇಶಿಸಿ, ನಂತರ ಭಾರತದಾದ್ಯಂತ ಬಹುತೇಕ ಭಾಷೆಗಳಲ್ಲಿ ಇದು ಪಸರಿಸಿದೆ.

ಕನ್ನಡದಲ್ಲಿ ಸಹ ಕಳೆದ 12 ವರ್ಷಗಳಿಂದ ನಡೆದು ಬರುತ್ತಿದ್ದು, ಕೆಳೆದೊಂದು ವಾರದಿಂದ ಬಿಗ್​ಬಾಸ್​ ಕನ್ನಡ ಸೀಸನ್​ 13 ಆರಂಭವಾಗಿದೆ. ಈ 13 ನೇ ಸೀಸನ್​ನಲ್ಲಿ ಸೆಲೆಬ್ರಿಟಿಸ್​ ಹಾಗೂ ಸಾಮಾನ್ಯ ಸಾಮಾನ್ಯರು ಎಂಬ ಥೀಮ್​ ಇಟ್ಟುಕೊಂಡು ಕಾರ್ಯಕ್ರಮವನ್ನು ಆರಂಭಿಸಲಾಗಿದೆ.

ಕನ್ನಡ ಬಿಗ್​ಬಾಸ್​ ಸೀಸನ್​ 13 ನೇ ಮೊದಲ ವಾರದಲ್ಲೇ ಖ್ಯಾತ ನಟಿ ವಿನಯಾ ಪ್ರಸಾದ್​ ಪುತ್ರಿ ಪ್ರಥಮಾ ಪ್ರಸಾದ್​ (Prathama Prasad) ಬಿಗ್​ಬಾಸ್​​ ಮನೆಯಿಂದ ಎಲಿಮಿನೇಟ್​ ಆಗಿದ್ದಾರೆ. ಚಿತ್ರರಂಗದ ಹಿನ್ನಲೆಯಿಂದ ಬಂದಿದ್ದರೂ ಸಹ ಮೊದಲ ವಾರದಲ್ಲಿ ಪ್ರಥಮಾ ಪ್ರಸಾದ್​ ಎಲಿಮಿನೇಟ್​ ಆಗಿರುವುದು ವೀಕ್ಷಕರ ಲೆಕ್ಕಾಚಾರವನ್ನು ತಲೆಕೆಳಗಾಗುವಂತೆ ಮಾಡಿದೆ.

ಪ್ರಥಮಾ ಪ್ರಸಾದ್​, ಮಹಾಕವಿ ಮಂಜ,ಸೌಂದರ್ಯ ಶೆಟ್ಟಿ, ವೈಷ್ಣವಿ, ಕಿರಣ್​ ಶಾಸ್ತ್ರಿ, ಆಸಿಯಾ ಫಿರ್ದೋಸ್​, ಅವಿನಾಶ್​​​ ನಾಮಿನೇಟ್​ ಆಗಿದ್ದರು. ಆದರೆ ಪ್ರಥಮಾ ಪ್ರಸಾದ್ ಮೊದಲ ವಾರದಲ್ಲೇ ಬರುವ ಸ್ಪರ್ಧಿ ಆಗಿರಲಿಲ್ಲ, ಅವರಿಗಿಂತ ಕಳಪೆ ಆಟವಾಡಿದವರು ಸೇಫ್​ ಆಗಿದ್ದಾರೆ ಎನ್ನುವುದು ಪ್ರಥಮಾ ಅವರ ಅಭಿಮಾನಿಗಳ ವಾದವಾಗಿದೆ.

ಮೊದಲೆಲ್ಲಾ ಬಿಗ್​ಬಾಸ್​ ಮನೆಯಿಂದ ಎಲಿಮಿನೇಟ್ ಆಗುವ ಸ್ಪರ್ಧಿಗಳು ಮುಂದಿನ ವಾರಕ್ಕೆ ಒಬ್ಬರನ್ನು ನೇರವಾಗಿ ನಾಮಿನೇಟ್​ ಮಾಡುವ ವಿಶೇಷ ಅಧಿಕಾರವನ್ನು ಬಿಗ್ ಬಾಸ್​ ನೀಡುತ್ತಿದ್ದರು. ಆದರೆ ಈ ಬಾರಿ ಈ ರೀತಿಯ ಯಾವುದೇ ವಿಶೇಷ ಅಧಿಕಾರವನ್ನೇನು ನೀಡದೇ, ಪ್ರಥಮಾ ಪ್ರಸಾದ್​ ಅವರ ಕಣ್ಣಿಗೆ ಬಟ್ಟೆ ಕಟ್ಟಿ (ಬ್ಲ್ಯಂಡ್​ ಪೋಲ್ಡ್​ ) ಮನೆಯಿಂದ ನೇರವಾಗಿ ಕಿಚ್ಚ ಸುದೀಪ್​ ಇರುವ ವೇದಿಕೆಗೆ ಕರೆತಂದಿದ್ದಾರೆ.

ಪ್ರಥಮಾ ಪ್ರಸಾದ್ ಹಿರಿಯ ನಟಿ ವಿನಯಾ ಪ್ರಸಾದ್ ಅವರ ಮಗಳಾಗಿದ್ದರೂ, ತಮ್ಮದೇ ಆದ ಸ್ವಂತ ಪ್ರತಿಭೆಯಿಂದ ಚಿತ್ರರಂಗದಲ್ಲಿ ನೆಲೆಯನ್ನು ಕಂಡುಕೊಂಡವರಾಗಿದ್ದಾರೆ. ಬಾಲ್ಯದಿಂದಲೇ ಕಲೆಯ ವಾತಾವರಣದಲ್ಲಿ ಬೆಳೆದಿದ್ದ ಕಾರಣ, ಪ್ರಥಮಾ, ಅತ್ಯುತ್ತಮ ಕಥಕ್ ನರ್ತಕಿಯಾಗಿ ದೇಶ-ವಿದೇಶಗಳಲ್ಲಿ ಪ್ರದರ್ಶನ ನೀಡಿ ಖ್ಯಾತಿ ಗಳಿಸಿದವರಾಗಿದ್ದಾರೆ.

ನೃತ್ಯ ಕ್ಷೇತ್ರದ ನಂತರ ಅಭಿನಯ ಕ್ಷೇತ್ರಕ್ಕೆ ಕಾಲಿಟ್ಟ ಪ್ರಥಮಾ ದೇವಿ, ಅಮೃತವರ್ಷಿಣಿ, ಕರಿಮಣಿ ಸೇರಿದಂತೆ ಹಲವು ಜನಪ್ರಿಯ ಧಾರಾವಾಹಿಗಳಲ್ಲಿ ಪ್ರಮುಖ ಪಾತ್ರಗಳಲ್ಲಿ ಅಭಿನಯಿಸಿ ಪ್ರೇಕ್ಷಕರ ಮೆಚ್ಚುಗೆಗೆ ಪಾತ್ರರಾಗಿದ್ದಾರೆ. ಕರಿಮಣಿ ಧಾರಾವಾಹಿ ಮುಗಿದ ನಂತರ ಬಿಗ್ ಬಾಸ್ ಕನ್ನಡ ಸೀಸನ್ 13ಕ್ಕೆ ಇವರು ಸ್ಪರ್ಧಿಯಾಗಿ ಆಗಮಿಸಿದ್ದರು, (ಏಜೆನ್ಸೀಸ್​).