ಇಲ್ಲಿವರೆಗೆ ಹೇಳಿದ ಸಿನಿಮಾ ಕಲೆಕ್ಷನ್​ ಎಲ್ಲ ಸುಳ್ಳಾ? ಐಟಿ ದಾಳಿ ವೇಳೆ ಸ್ಫೋಟಕ ಸತ್ಯ ಬಯಲು! Fake Collections

Fake Collections : ಕಳೆದ ಎರಡು ದಿನಗಳಿಂದ ನಿರ್ಮಾಪಕರಾದ ದಿಲ್ ರಾಜು ಮತ್ತು ಮೈತ್ರಿ ಸಿನಿಮಾ ನಿರ್ಮಾಣ ಸಂಸ್ಥೆಗೆ ಸಂಬಂಧಪಟ್ಟವರ ಮನೆ ಮತ್ತು ಕಚೇರಿಗಳ ಮೇಲೆ ಐಟಿ ದಾಳಿಗಳು ನಡೆಯುತ್ತಿವೆ. ಇದೊಂದು ಬಿಗ್​ ಬಜೆಟ್​ ಸಿನಿಮಾ, 200 ರಿಂದ 300 ಕೋಟಿ ರೂಪಾಯಿ ಖರ್ಚಾಗಿದೆ ಮತ್ತು ಸಿನಿಮಾ ಗಳಿಕೆಯಲ್ಲೂ ದಾಖಲೆ ಮಾಡಿದೆ ಎಂಬ ಪ್ರಚಾರಗಳು ಇತ್ತೀಚೆಗೆ ಸಿನಿಮಾ ಬಿಡುಗಡೆ ಸಂದರ್ಭದಲ್ಲಿ ಸಾಮಾನ್ಯವಾಗಿರುವ ಹಿನ್ನೆಲೆಯಲ್ಲಿ ಈ ಐಟಿ ದಾಳಿ ನಡೆದಿದೆ ಎನ್ನಲಾಗಿದೆ. ಆದರೆ, ದಾಳಿಯ ವೇಳೆ ಅಸಲಿ ವಿಚಾರವನ್ನು ತಿಳಿದ ಐಟಿ ಅಧಿಕಾರಿಗಳು ಒಂದು ಕ್ಷಣ ಹುಬ್ಬೇರಿಸಿದ್ದಾರೆ.

ಪರದೆಯ ಮೇಲೆ ಕಾಣುವುದಕ್ಕೂ ತೆರೆಮರೆಯಲ್ಲಿ ಕಾಣುವುದಕ್ಕೂ ಬಹಳ ವ್ಯತ್ಯಾಸವಿದೆ. ಅದು ಸಿನಿಮಾದ ನಿರ್ಮಾಣವಾಗಿರಬಹುದು ಅಥವಾ ಚಿತ್ರದ ಕಲೆಕ್ಷನ್ ಆಗಿರಬಹುದು. ಇದೆಲ್ಲವು ನಕಲಿ ಅಂಕಿಅಂಶಗಳು ಎಂದು ಹೇಳಲಾಗುತ್ತಿದೆ. ಇತ್ತೀಚೆಗೆ, ಯಾವುದೇ ನಾಯಕನ ಚಿತ್ರ ಬಿಡುಗಡೆಯಾದರೂ ನೂರಾರು ಕೋಟಿ ಕಲೆಕ್ಷನ್ ಆಗಿದೆ ಎಂಬ ಪ್ರಚಾರ ನಡೆಯುತ್ತಿದೆ. ವಾಸ್ತವದಲ್ಲಿ, ಕಲೆಕ್ಷನ್ ಆ ರೇಂಜ್‌ನಲ್ಲಿ ಇರುವುದೇ ಇಲ್ಲ. ಐಟಿ ದಾಳಿಯ ವೇಳೆ ಈ ನಿಜವಾದ ಕತೆ ಬಹಿರಂಗವಾಗಿದೆ. ನಿರ್ಮಾಪಕರೇ ಈ ಸಂಗತಿಯನ್ನು ಅಧಿಕಾರಿಗಳ ಮುಂದೆ ಬಿಚ್ಚಿಟ್ಟಿದ್ದಾರೆ ಎಂದು ಹೇಳಲಾಗುತ್ತಿದೆ.

ನೂರಾರು ಕೋಟಿ ಗಳಿಸಲಾಗಿದೆ ಎಂಬ ಪ್ರಚಾರ ಒಂದೆಡೆಯಾದರೆ, ನಿಜವಾದ ಲೆಕ್ಕಾಚಾರಗಳನ್ನು ನಿಮ್ಮ ಮುಂದೆ ಇಟ್ಟರೆ, ದೊಡ್ಡ ವ್ಯತ್ಯಾಸವೇ ಇದೆ. ಇದನ್ನೆಲ್ಲ ನೋಡಿ ಐಟಿ ಅಧಿಕಾರಿಗಳು ಕೂಡ ಮೂಕವಿಸ್ಮಿತರಾಗಿದ್ದಾರೆ.

ಅಂದಹಾಗೆ ಒಂದು ಸಿನಿಮಾ ಕೋಟ್ಯಂತರ ರೂಪಾಯಿ ಬೆಲೆ ಬಾಳುತ್ತದೆ. ನೀವು ಒಬ್ಬ ಸ್ಟಾರ್ ಹೀರೋ, ಸ್ಟಾರ್ ನಿರ್ದೇಶಕ ಅಥವಾ ದೊಡ್ಡ ನಿರ್ಮಾಣ ಕಂಪನಿ ಸಿನಿಮಾ ಮಾಡಿದರೆ ಅದರ ಬಜೆಟ್​ ನೂರಾರು ಕೋಟಿಗಳಾಗಿರುತ್ತದೆ. ಸಿನಿಮಾದ ವೆಚ್ಚದಿಂದ ಹಿಡಿದು ಕಲೆಕ್ಷನ್‌ವರೆಗೆ, ನಿರ್ಮಾಪಕರು ಮತ್ತು ನಿರ್ದೇಶಕರು ಘೋಷಿಸಿದ ಅಂಕಿಅಂಶಗಳನ್ನು ಹೊರಗೆ ಜಾಹೀರಾತು ಮಾಡಲಾಗುತ್ತದೆ. ಸ್ಟಾರ್ ಹೀರೋ ಸಿನಿಮಾ ಬಿಡುಗಡೆಯಾದಾಗ, ಮೊದಲ ದಿನವೇ ನೂರು ಕೋಟಿ ಕಲೆಕ್ಷನ್ ಮಾಡಿದೆ ಎಂದು ಕೆಲವರು ಹೆಮ್ಮೆಪಡುತ್ತಾರೆ. ಪ್ರತಿದಿನ, ಎಷ್ಟು ಕಲೆಕ್ಷನ್ ಮಾಡುತ್ತಿದೆ ಎಂದು ಹೇಳುವ ಪೋಸ್ಟರ್‌ಗಳನ್ನು ಸಹ ನಿರ್ಮಾಪಕರು ಬಿಡುಗಡೆ ಮಾಡುತ್ತಾರೆ. ಇವುಗಳನ್ನು ನೋಡುವ ನಾಯಕರು ಮತ್ತು ಅವರ ಅಭಿಮಾನಿಗಳು ತುಂಬಾ ಸಂತೋಷಪಡುತ್ತಾರೆ.

ಇದನ್ನೂ ಓದಿ: ವಿಶ್ವದ ಅತಿದೊಡ್ಡ ಧಾರ್ಮಿಕ ಉತ್ಸವ ಮಹಾ ಕುಂಭಮೇಳ ನೋಡಿ ಅಚ್ಚರಿ ಹೇಳಿಕೆ ನೀಡಿದ ಮುಸ್ಲಿಂ ಮಹಿಳೆ! Mahakumbh 2025

ನಾಯಕರ ಅಭಿಮಾನಿಗಳನ್ನು ಮೆಚ್ಚಿಸಲು ನಕಲಿ ಕಲೆಕ್ಷನ್ ಪೋಸ್ಟರ್‌ಗಳನ್ನು ಬಿಡುಗಡೆ ಮಾಡುವುದರಿಂದ ಇದೀಗ ಐಟಿ ದಾಳಿಗಳನ್ನು ಎದುರಿಸಬೇಕಾದ ಸನ್ನಿವೇಶ ಎದುರಾಗಿದೆ. ಈ ಐಟಿ ದಾಳಿಗಳಿಂದ ಇದೀಗ ನಿರ್ಮಾಪಕರು ಬಹಳಷ್ಟು ತೊಂದರೆಗಳನ್ನು ಎದುರಿಸುತ್ತಿದ್ದಾರೆ. ತಾವು ಹೇಳಿದ ಲೆಕ್ಕಾಚಾರಕ್ಕೆ ಅನುಗುಣವಾಗಿ ಆದಾಯವನ್ನು ತೋರಿಸಬೇಕಾಗಿದ್ದು, ಅಧಿಕಾರಿಗಳ ಮುಂದೆ ಪರದಾಡುತ್ತಿದ್ದಾರೆ ಎಂದು ತಿಳಿದುಬಂದಿದೆ. ನಿರ್ಮಾಪಕರು ಹೇಳಿದ ನಿಜವಾದ ಅಂಕಿಅಂಶಗಳನ್ನು ನೋಡಿದಾಗ ಐಟಿ ಅಧಿಕಾರಿಗಳು ಕೂಡ ಅಚ್ಚರಿಗೀಡಾಗಿದ್ದಾರೆ. ನಕಲಿ ಕಲೆಕ್ಷನ್ ಪೋಸ್ಟರ್‌ಗಳನ್ನು ಏಕೆ ಬಿಡುಗಡೆ ಮಾಡಬೇಕೆಂದು ಐಟಿ ಅಧಿಕಾರಿಗಳಿಗೆ ಮನವರಿಗೆ ಮಾಡಿಕೊಡಲಾಗುತ್ತಿದ್ದರೂ ನಕಲಿ ಕಲೆಕ್ಷನ್‌ಗಳನ್ನು ಪ್ರಚಾರ ಮಾಡುವುದು ಮೋಸ ಎಂಬ ಮಾತುಗಳು ಸಹ ಕೇಳಿಬರುತ್ತಿವೆ.

ನಕಲಿ ಕಲೆಕ್ಷನ್​ ಪ್ರಚಾರದಿಂದಾಗಿ ಪ್ರತಿ ಬಾರಿಯೂ ಸಿನಿಮಾ ಬಿಡುಗಡೆಗೂ ಮೊದಲು ಮತ್ತು ನಂತರ ಐಟಿ ದಾಳಿಯ ತಲೆನೋವು ನಿರ್ಮಾಪಕರಿಗೆ ಸಾಮಾನ್ಯವಾಗಿದೆ. ಸಿನಿಮಾಗಳ ಪೈಪೋಟಿಯ ನಡುವೆ ಸ್ಟಾರ್​ ಇಮೇಜ್​ ಏರಿಸಿಕೊಳ್ಳಲು ಮತ್ತು ನಿರ್ಮಾಣ ಸಂಸ್ಥೆಯ ಬ್ರಾಂಡ್​ ಹೆಚ್ಚಿಸಿಕೊಳ್ಳಲು ನಕಲಿ ಕಲೆಕ್ಷನ್​ ಪೋಸ್ಟರ್​ ಹರಿಬಿಡಲಾಡುತ್ತಿದೆ ಎಂಬ ಆರೋಪಗಳು ಕೇಳಿಬರುತ್ತಿವೆ. ಆದರೆ, ನಕಲಿ ಕಲೆಕ್ಷನ್​ ಬಿಡುಗಡೆ ಮಾಡಿದಾಗಲೆಲ್ಲ ಐಟಿ ದಾಳಿಗಳನ್ನು ಎದುರಿಸುವುದು ಕೂಡ ಅಗತ್ಯವಾಗಿದೆ. ನಾಯಕರನ್ನು ಮತ್ತು ಅಭಿಮಾನಿಗಳು ಮೆಚ್ಚಿಸಲು ನಿರ್ಮಾಪಕರು ಹರಡುತ್ತಿರುವ ನಕಲಿ ಕಲೆಕ್ಷನ್​ ಸರಿಯೇ? ಸ್ಟಾರ್ ಹೀರೋಗಳು ಮತ್ತು ಅವರ ಅಭಿಮಾನಿಗಳು ನಿಜವಾದ ಕಲೆಕ್ಷನ್‌ಗಳನ್ನು ತೋರಿಸಲು ಒಪ್ಪುತ್ತಾರೆಯೇ? ಈ ಟ್ರೆಂಡ್​ ಅನ್ನು ನಿಲ್ಲಿಸಲು ನಾಯಕರನ್ನು ನಿರ್ಮಾಪಕರು ಮನವೊಲಿಸಲು ಸಾಧ್ಯವೇ ಎಂಬ ಚರ್ಚೆ ಸಿನಿಮಾ ಉದ್ಯಮದಲ್ಲಿ ಇದೀಗ ಜೋರಾಗಿದೆ. ಈ ಎಲ್ಲ ಬೆಳವಣಿಗೆ ನೋಡಿದರೆ, ಇಲ್ಲಿಯವರೆಗೆ ಹೇಳಲಾದ ಸ್ಟಾರ್ ಹೀರೋಗಳ ಸಿನಿಮಾಗಳ ಕಲೆಕ್ಷನ್‌ಗಳು ಸುಳ್ಳೇ? ಅವರು ಅಭಿಮಾನಿಗಳಿಗೆ ಮೋಸ ಮಾಡಿದ್ದಾರೆಯೇ ಎಂಬ ಅನುಮಾನಗಳು ಉದ್ಭವಿಸುತ್ತಿವೆ. (ಏಜೆನ್ಸೀಸ್​)

https://www.vijayavani.net/general-knowledge-do-you-know-which-animals-sleep-standing-up

https://www.vijayavani.net/sharon-raj-and-greeshma-why-did-the-judge-break-the-pen-nib-after-the-execution