ಎಲ್ಲಾ ಬಿಟ್ಟು ಸೂರ್ಯ ಮೇಲೆ ಯಾಕೆ ಚಿತ್ರಮಂದಿರದವರ ಕೆಂಗಣ್ಣು ಎಂಬ ಪ್ರಶ್ನೆ ಎದುರಾಗಬಹುದು. ಅದೇನೆಂದರೆ, ಸೂರ್ಯ ‘ಪೊಣ್ಮಗಳ್ ವಂದಾಳ್’ ಎಂಬ ಚಿತ್ರವನ್ನು, ತಮ್ಮ 2ಡಿ ಎಂಟರ್ಟೈನ್ಮೆಂಟ್ ಮೂಲಕ ನಿರ್ಮಿಸಿದ್ದಾರೆ. ಅದರಲ್ಲಿ ಅವರ ಹೆಂಡತಿ ಜ್ಯೋತಿಕಾ ನಾಯಕಿಯಾಗಿ ನಟಿಸಿದ್ದಾರೆ. ಎಲ್ಲಾ ಅಂದುಕೊಂಡಂತೆ ಆಗಿದ್ದರೆ, ಕಳೆದ ತಿಂಗಳೇ ಈ ಚಿತ್ರ ಬಿಡುಗಡೆಯಾಗಬೇಕಿತ್ತು. ಯಾವಾಗ ಲಾಕ್ಡೌನ್ ೋಷಣೆಯಾಗಿ ಚಿತ್ರ ಪ್ರದರ್ಶನ ನಿಂತಿತೋ, ಆಗಿ ಬಿಡುಗಡೆಯೂ ಮುಂದಕ್ಕೆ ಹೋಯಿತು. ಈಗ ಲಾಕ್ಡೌನ್ ಮುಗಿದರೂ ಸದ್ಯಕ್ಕೆ ಚಿತ್ರ ಬಿಡುಗಡೆ ಆಗುತ್ತದೆ ಎಂದು ಹೇಳುವುದು ಕಷ್ಟ. ಒಂದು ಪಕ್ಷ ಬಿಡುಗಡೆಯಾದರೂ ಜನ ಚಿತ್ರಮಂದಿರಕ್ಕೆ ಬಂದು ಚಿತ್ರ ನೋಡುತ್ತಾರಾ ಎಂಬ ಸಂಶಯ ಇದೆ. ಆ ಕಾರಣಕ್ಕಾಗಿ, ಚಿತ್ರವನ್ನು ಚಿತ್ರಮಂದಿರಗಳಲ್ಲಿ ಬಿಡುಗಡೆ ಮಾಡುವುದಕ್ಕಿಂತ, ನೇರವಾಗಿ ಅಮೇಜಾನ್ ಪ್ರೈಮ್ನಲ್ಲಿ ಬಿಡುಗಡೆ ಮಾಡುವುದಕ್ಕೆ ಸೂರ್ಯ ತೀರ್ಮಾನಿಸಿದ್ದಾರೆ.
