ಹೌದು, 'ಹ್ಯಾರಿ ಪಾಟರ್' ಸಿನಿಮಾದ ನಟಿ ಎಮ್ಮಾ ವ್ಯಾಟ್ಸನ್ ಅವರು ನಮ್ಮ ಭಾರತದ ಚಿಪ್ಕೊ ಚಳುವಳಿಯಲ್ಲಿ ಮಹಿಳೆಯರು ಮರಕ್ಕೆ ಅಂಟಿಕೊಂಡಿರುವ ಫೋಟೋವೊಂದನ್ನು ತಮ್ಮ ಇನ್ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿದ್ದಾರೆ. ಜೊತೆಗೆ, ನಟಿ ಎಮ್ಮಾ, ''ನಮ್ಮ ಕಾಡುಗಳು ಮತ್ತು ಮರಗಳನ್ನು ರಕ್ಷಿಸಿದ್ದಕ್ಕಾಗಿ ಧನ್ಯವಾದಗಳು!'', ಎಂದು ಬರದುಕೊಂಡಿದ್ದಾರೆ. ''ಇಲ್ಲಿ ಕಾಣಿಸುತ್ತಿರುವ ಮಹಿಳೆಯರು ಚಿಪ್ಕೋ ಚಳುವಳಿಯ ಭಾಗವಾಗಿದ್ದರು. 1970ರ ದಶಕದಲ್ಲಿ ಭಾರತದಲ್ಲಿ ಹಳ್ಳಿಯವರು, ವಿಶೇಷವಾಗಿ ಮಹಿಳೆಯರು ಸಾಮಾಜಿಕ ಮತ್ತು ಪರಿಸರ ಕಾಳಜಿಯನ್ನು ಹೊಂದಿದ್ದರು. ಇನ್ನು, ಈ ಸಂದರ್ಭದಲ್ಲಿ ಸರ್ಕಾರಿ ಆದೇಶದಿಂದ ಮರಗಳನ್ನು ರಕ್ಷಿಸುತ್ತಿರುವುದು ಕಂಡುಬಂದಿದೆ. ಚಿಪ್ಕೊ ಎಂಬ ಹಿಂದಿ ಪದದ ಅರ್ಥ ತಬ್ಬಿಕೊಳ್ಳುವುದು ಅಥವಾ ಅಂಟಿಕೊಂಡಿರುವುದು ಅಂತ'', ಎಂದು ತಮ್ಮ ಫೋಟೋಗೆ ಕ್ಯಾಪ್ಷನ್ ಕೂಡ ನೀಡಿದ್ದಾರೆ.
