'ಏಕ್​ ಲವ್​ ಯಾ' ತಂಡದಿಂದ ಬಂತು ಗಣಪತಿ ಹಬ್ಬದ ಗಿಫ್ಟ್​!

'ಜೋಗಿ' ಪ್ರೇಮ್​ ನಿರ್ದೇಶಕದ 'ಏಕ್​ ಲವ್ ಯಾ' ಚಿತ್ರ ಕಳೆದ ವರ್ಷವೇ ಸೆಟ್ಟೇರಿ ಬಹುತೇಕ ಮುಗಿದಿತ್ತು. ಎರಡು ಹಾಡುಗಳು ಸೇರಿದಂತೆ ಒಂದಿಷ್ಟು ಚಿತ್ರೀಕರಣ ಮುಗಿಸಬೇಕು ಎನ್ನುವಷ್ಟರಲ್ಲಿ ಲಾಕ್​ಡೌನ್​ ಘೋಷಣೆಯಾಯಿತು. ಬೇರೆ ದಾರಿ ಇಲ್ಲದೆ, ಪ್ರೇಮ್​ ಚಿತ್ರೀಕರಣಕ್ಕೆ ಬ್ರೇಕ್​ ಹಾಕಿ ಸುಮ್ಮನಿರುವಂತಾಯಿತು.

ಇದನ್ನೂ ಓದಿ: ನಾನೂ ಉಸಿರಾಡಬೇಕಿದೆ; ಇನ್​ಸ್ಟಾಗ್ರಾಂ ತ್ಯಜಿಸಿದ ಸೂರಜ್​ ಪಾಂಚೋಲಿ..

ಈಗ ಲಾಕ್​ಡೌನ್​ ಮುಗಿದಿದೆ. ಕರೊನಾ ಹಾವಳಿಯ ನಡುವೆಯೇ ಹಲವು ಚಿತ್ರತಂಡಗಳು ಚಿತ್ರೀಕರಣ ಪ್ರಾರಂಭಿಸಿವೆ. ಪ್ರೇಮ್​ ಸಹ ಮುಂದಿನ ತಿಂಗಳಿನಿಂದ ಚಿತ್ರೀಕರಣ ಮಾಡುವುದಕ್ಕೆ ಸಿದ್ಧತೆ ನಡೆಸುತ್ತಿದ್ದಾರೆ ಎಂದು ಹೇಳಲಾಗಿದೆ.

ಈ ಮಧ್ಯೆ, 'ಏಕ್​ ಲವ್​ ಯಾ' ಚಿತ್ರದ ಮೇಕಿಂಗ್​ ಟೀಸರ್​, ಗಣಪತಿ ಹಬ್ಬದ ಪ್ರಯುಕ್ತ ಬಿಡುಗಡೆ ಮಾಡಲಾಗಿದೆ. ಯೂಟ್ಯೂಬ್​ನ ಎ2 ಮ್ಯೂಸಿಕ್​ ಚಾನಲ್​ನಲ್ಲಿ ಈ ಮೇಕಿಂಗ್​ ವಿಡಿಯೋ ಬಿಡುಗಡೆಯಾಗಿದ್ದು, ಪ್ರೇಮ್​ ಚಿತ್ರೀಕರಣ ಸಮಯದಲ್ಲಿ ಹೇಗಿರುತ್ತಾರೆ ಎಂಬುದನ್ನು ನೋಡಬಹುದಾಗಿದೆ.

'ಏಕ್​ ಲವ್​ ಯಾ' ಚಿತ್ರದಲ್ಲಿ ಪ್ರೇಮ್​ ಅವರ ಬಾಮೈದ ರಾಣಾ ನಾಯಕನಾಗಿ ಕಾಣಿಸಿಕೊಳ್ಳುತ್ತಿದ್ದಾರೆ. ಇದಕ್ಕೂ ಮುನ್ನ 'ದಿ ವಿಲನ್​' ಚಿತ್ರದಲ್ಲಿ ಪ್ರೇಮ್​ಗೆ ಸಹಾಯಕರಾಗಿ ಕೆಲಸ ಮಾಡಿ, ಒಂದಿಷ್ಟು ಅನುಭವ ಪಡೆದುಕೊಕಂಡಿದ್ದ ರಾಣಾ, ಈಗ ಈ ಚಿತ್ರದ ಮೂಲಕ ನಾಯಕರಾಗಿ ನಟಿಸುತ್ತಿದ್ದಾರೆ. ಇನ್ನು ಅವರಿಗೆ ನಾಯಕಿಯರಾಗಿ ಗ್ರೀಷ್ಮಾ ಮತ್ತು ರಚಿತಾ ರಾಮ್​ ನಟಿಸುತ್ತಿದ್ದಾರೆ.

ಇದನ್ನೂ ಓದಿ: ಸಿನಿಮಾ ಬದಿಗಿಟ್ಟು ಬಲೂನ್​ ಮಾರಲು ಹೊರಟ ನಟಿ ಹನ್ಸಿಕಾ ಮೋಟ್ವಾನಿ!

ಈ ಚಿತ್ರವನ್ನು ರಕ್ಷಿತಾ ಪ್ರೇಮ್​ ನಿರ್ಮಿಸುತ್ತಿದ್ದು, ಅರ್ಜುನ್​ ಜನ್ಯ ಸಂಗೀತ ಸಂಯೋಜಿಸಿದ್ದಾರೆ. ಇನ್ನು, 'ಟಗರು', 'ರುಸ್ತುಂ' ಚಿತ್ರಗಳಿಗೆ ಛಾಯಾಗ್ರಾಹಕರಾಗಿ ಕೆಲಸ ಮಾಡಿದ್ದ ಮಹೇಂದ್ರ ಸಿಂಹ ಇಲ್ಲೂ ಛಾಯಾಗ್ರಹಣದ ಜವಾಬ್ದಾರಿಯನ್ನು ವಹಿಸಿಕೊಂಡಿದ್ದಾರೆ.

https://www.vijayavani.net/ganesha-chaturthi-celebrations-in-raginis-house/